الموضوع: صدق أولا تصدق ...غبور يعلن عن "مازدا" على mbc ..هل يطارده شبح الرواس !!

المشاركة الأصلية كتبت بواسطة ahmed4000

كلامك حيبقى صحيح لو الشركة حتدفع استثمارات او حتبنى مصنع
لكن الشركة بتصدر بس ومفيش اى شركة حترفض تصدر انتاجها لاى دولة مدام السعر مناسب ومفيش مشاكل فى الاستيراد والتصدير
وبعدين دى شركة صغيرة دى اكيد فاهمة السوق المصرى وفاهمه انه شعب بيحب اليابانى وان المازدا عامة محبوبة فى مصر جدا بدليل انها بتتباع من غير توكيل اصلا

مين قال لحضرتك ان الشركه الام بتبعت عربيات بس , الشركه الام ليها ايد فى كل تحركات وتصرفات الوكيل فى مصر وبتتاثر بفتح اسواق جديده وبتشتغل كليا على معطيات الاسواق اللى هى فيها وفى خدمتها مش الناس هناك بتعمل عربيات فى وادى والوكلاء شغالين فى وادى تانى

الشركه الام طبعا ممكن تخسر لو وكيل ليها فتح فى بلد ما وكان الوضع مش مدروس علشان الوكيل ده ممكن يقتل اسم الشركه ويدخلها فى مقاضاه وفضيحه لو عمل حاجه غلط علشان ده وكيلهم يعنى ينوب عنهم فى كل حاجه وبالتالى دراسه حال سوق معين ووكيل فيه خطوه صعبه جدا ومهمه جدا لاى شركه , السوق المصرى سوق صعب جدا ومقرف جدا ومش بس علشان المازدا 3 اشتغلت هنا يبقى السكه مفتوحه لمازدا كلها تدخل لأن مفيش شركه بتفتح على نفسها باب تسويق فى بلد هتبيع فيها موديل واحد

عربيات مازدا كلها ميتباعش منها فى مصر غير المازدا 2 ودى واقعه فى قلب عرين الاسود ومش هتلاقى مكان علشان الهاتشباك 70% منه فى مصر واقع ومن ثم المازدا 3 هى السيدان الوحيده اللى عليها القيمه واللى دلوقتى بالفعل سمعتها راحت بالتسعيره الجديده واللى ايا كان وضع غبور لا تتوقع انه هيقسمها النص عن السعر القديم لما تنزل علشان ميتقالش على سونستا حراميه , الناس دى مبتحاربش بعض زى ما الناس متخيله دول حبايب قوى

مازدا 6 ( كان غيرها اشطر ) , مازدا 5 ( مش شغال فى كل الفئه دى غير عربيتين بس ) , مازدا cx-9 ( هتروح فين فى وسط حفله الامريكى والبريطانى ) , واخيرا بقيه عربيات مازدا متنفعش مصر اساسا

يمكن تكون مازدا عندها موديلات محليه التسويق برا تنفعنا بس دى بقى شغلانه الوكيل اللى يدعبس على العربيات اللى تنفع السوق ويجيبها وربنا يفرجها فى وش غبور ويفهم النقطه دى