الموضوع: عايز رأيكو يا اخوانى فى اللى حصلى النهارده !

المشاركة الأصلية كتبت بواسطة heshamzaky

يا جماعة اقول لكم على حاجة مضحكة ولكنها موسفة حد فيكم سمع عن الكتكوت الى بيرقص بعم كتكوت بيرقص على الكاسيت بس يا حرام الراجل ابن النصاب حاطط الكتكوت على صينية ألومونيم ومغطيها من الجناب بس تحتها يا ترى فية اية للاسف حاطط تحت الصينية سبرتاية فلما بتسخن الكتكوت بيرفع رجلية من السخونة قصدى بيرقص طبعا بس من الألم الكلام دة كان منذ حوالى 12 او 13 سنة ناحية سوق الجمعة وكوبرى التونسى بتاع الحمام و العصافير و عجبى عليك يا زمن

مشكور على ردك يا افندم

المشاركة الأصلية كتبت بواسطة heshamzaky

معلش سأطول عليكم مرة أخرى فى بعض الاحيان فى وسط البلد او البنزينة تلقى واحد يقول لك مبروك يا باشا الختار رقم وطبعا لازم حتكسب ويديلك زجاجة برفان ريحتها تواليت كلاب ويقول لك تعال أحضر معانا احنا شركة تسويق عقارى مثلا او ما شابة فحضرتك تفتكر انك ممكن تشترى شالية فى مارينا او الساحل الشمالى بالتقسيط بمبلغ بسيط وطبعا لجدية الكلام يقولكلازم حضرتك تكون متجوز او بالقليلة خاطب ويطلب منك دفع 40 جنية تسترد عند حضورك اليهم فى الحفلة والنتيجة النهائية انك ضيعت وقتك لانك مش حتلاقى الشالية اللقطة ودفعت 40 جنية فى زجاجة برفان بس مش وحشة دى زبالة احترس من النصابين

حصل معايا نفس الموقف بس الحمد لله قفلتها فى وشه من اولها و مخادش منى حق ولا باطل زى ما بيقولو

المشاركة الأصلية كتبت بواسطة pro_samir

اكتر حاجة مزعلاني انك في نايل موتورز ومخدتش بالك من كل المعلومات اللي عدت عليك دي :(

خير محدش بيتعلم ببلاش ومنهم لله

الحمد لله على كل شىء.. شكرا على ردك

أنا من كتر ماقريت عن الناس اللي إتنصب عليها في محطات البنزين بقيت أخاف أدخلها !!!

المشاركة الأصلية كتبت بواسطة korkor

فى بنزينه فى النزهه الناس بتوع الهوا بيعملوا كده علاطول اروح اكشف على الهواء وانا مسافر يقولى الكاوتش مريح وفى كام خرم والتيوبلس الخابور ب عشره جنيه حقيقى حراميه

حسبنا الله و نعم الوكيل فى الناس دى

المشاركة الأصلية كتبت بواسطة memo_p910

هما المصريين مالهم بقى بيضحك عليهم بسهوله كده ليه ؟؟؟؟؟؟؟؟؟؟؟؟

يمكن عشان طيبين زى حالاتى و فاكرين ان الدنيا وردى!

المشاركة الأصلية كتبت بواسطة أحمد كمال

و ليه ما نقولش هو ليه فيه مصريين كتير نصابين؟


ماهما اللي بيضحكوا علينا مصريين برضه مش مريخيين و لا أورانوساوية !!

معاك حق بس برده العيب مش من النصابين العيب من اللى بيتنصب عليهم

المشاركة الأصلية كتبت بواسطة SE_coralsea

بصراحة لما في المحطة بيقولي الكاوتش و الهوا و الكلام ده بأقوله ماشي انا عارف و بأسيبه و أمشي

الاطارات عندي نتروجين و بأتعامل مع واحد بس هو اللي بيزودها و بيكشف عليها كل أسبوع ده غير الكشف اللي بأعمله في التوكيل كل 10000 كم بالاضافة للفحص الظاهري اللي بأعمله كل يوم الصبح قبل ما أركب العربية و أحساسي بيها أثناء القيادة , كل ده بيخليني ما أصدقش اي حد يقولي حاجة و أنا جوه العربية

و لو حصلت حاجة طارئة بأغير بالاحتياطي لحد ما ارجع و أروح لمحل الكاوتش اللي بأتعامل معاه علي طول

معلش المهم حضرتك لازم تتعلم من الدرس ده و كلنا أتعلمنا كده

مع خالص تحياتي
م/ سمير الشهاوي

مشكور يا افندم على ردك

المشاركة الأصلية كتبت بواسطة M.Osman

اعتقد اعضاء نايل موتورز هما اللي طيبين

انا مثلاً حصل معايا الموقف دا

و اعضاء كتير هنا حصل معاهم الموقف دا ... لكن محدش من برة المنتدى حصل معاه

ههههه الحمد لله الكلام ده مش مظبوط لان فى ناس كتيير هنا ما شاء الله مفتحين ( زى كده)

المشاركة الأصلية كتبت بواسطة SE_coralsea

ماهو لو حد من بره المنتدي حصل معاه هانعرف أزاي ؟؟

اكيد هانعرف من اى حد جوة المنتدى نبيه انا مش كده

المشاركة الأصلية كتبت بواسطة A_H_M_A_D

أنا من كتر ماقريت عن الناس اللي إتنصب عليها في محطات البنزين بقيت أخاف أدخلها !!!

يا سيدى الفاضل توكل على الله و خذ نفس عميق و اقتحم البنزينة بصدر ممشوق و رأس مرفوعة
بس اهم حاجة تعرف تخرج بأقل خساير ممكنه

المشاركة الأصلية كتبت بواسطة m_mekkawy

تعييييييييييييييييييييش وتاخد غيرها
حصلتلى قبلك بس كانت الفرده نايمه وبتشخر على طريق القاهره الأسماعيليه من حوالى 3 سنين وقلتلوا غير العجله بالأستبن وارميها فى الشنطه ياراجل ياتوكتوك.
رحت وركبتلها جوان (شمبر داخلى) وكبرت الجمجمه.

عين العقل حضرتك .. و مشكور على ردك

المشاركة الأصلية كتبت بواسطة mada121977

الموضوع ده مشهور جدا فى كل محطات البنزين اللى فى قليوب على الطريق الزراعى .. وبتوع الكاوتش فى المحطات دى كلهم بلا استثناء حراميه ونصابين .. وكمان بيغشوا فى البنزين والعداد مابيبقاش مضبوط .. فياريت الجميع يتجنب محطات البنزين اللى فى قليوب دى تماما ويبقى يبلغ اللى يعرفهم كمان (الكلام ده بفضل الله من واقع خبره 12 سنه على الطريق الزراعى )

شكرا على المعلومة و على ردك يا افندم و الواحد كده المفروض يعمل حسابه يحط بنزين من جوة القاهرة اضمن

المشاركة الأصلية كتبت بواسطة ابو حسين

حسبي الله ونعم الوكيل

مشكور على الرد و ربنا يحفظنا جميعا من الاشكال دى

المشاركة الأصلية كتبت بواسطة hobaz

الحركة ده بقت منتشرة بغباء..

للاسف .. ربنا يسترها معانا

المشاركة الأصلية كتبت بواسطة medo.malek

بسم الله.. اولا الحمد لله على كل شىء ,
النهاردة انا كنت راجع من قاهرة المعز ومروح المنصورة
و حصلى موقف و كنت عايز رأيكو فيه ومحدش يتكسف ..
البنزين كان قرب يخلص منى و انا مروح ( بعد 48 ساعة سفر ما بين محافظتين و مصيف ) فا دخلت بنزينة موبيل اللى بعد كبرى قليوب و فولت بنزين 92 .. لحد كده مفيش حاجة غريبة ... الموقف اللى حصل بقة هو الآتى بعد ما فولت بنزين جه واحد يمسح الاقزاز و العربية فا اديتله المعلوم و انا ماشى قالى العجلة اليمين قدام عندك مهوية روح زودها قلتله شكرا و ساعتها والدى كان دخل ال مارت عشان يجيب حاجة منه فا قلت على ما يخلص اروح لبتاع الكاوتش اللى فى البنزينة المهم روحتله و لاقيت منه ترحيب غير طبيعى بالمرة فا قلتبه ظبط الهوا فا بص على العجل اللى ورا و جه عند اللى قدام يمين قالى دى ناقصة و كانت اقل من 20 المهم عشان ما اطولش عليكو الراجل الرائع ده طلعلى بسم الله ما شاء الله اللهم لا حسد 13 خرم فى الكاوتش 5 فى العجلة اليمين و 8 فى الشمال قلتله انا عايز الحم الكاوتش ده لحام كويس قالى انا عندى نوع ( خابور !!! ) امريكانى و ده بيسيح بعد 1 كيلو و قعد يشعر فيه و انا مضطر عشان على سفر قلتله ماشى المهم الحاجة الاصعب بقه ان تكلفه ال 13 خابور كانت .................................................
( 195 ) جنيه !!!!!!!!!!!!!!


نقل للعام بواسطتي
290410
6:31pm
مشرف ١٨ب

الاول احب اقولك عوضك على الله بس يا باشا الحركة ده معروفة جدا عند البنزينة بعد كدة امشى بالعجلة وهى مريحة واضبظها عند حد بتاع كاوتش احسن اما بالنسبة لموضوع الخابور وهو مش بيضع العجلة كدة على طول لا بعد اكتر من مرة والدليل ان الكل كان بيستخدمة فى الاول ولكن طبعا اللاصق طلع افضل منه بكتير وهو ده المستحب انك تعملة بعد كدة لا قدر الله اذا كانت فى حاجة فى الكاوتش وربنا يعوض عليك