الموضوع: مبروووووك المتسوبيشى راحت ابو الفتوح

المشاركة الأصلية كتبت بواسطة bmya

بصفتي احد لاك عربيه ياباني تجميع مصري
اولا بس حضرتك بتقول انك كنت قرفان من الاكسنت عشان تجميع مصري ولما ركبت لانسر تجميع ياباني حسيت بالفرق
اصلا ما ينفعش تقارن اللانسر بالاكسنت لان اللانسر لو تجميع كفر البلاص هتبقى احسن من الاكسنت القديمه دي ولو حضرتك ركبت الصني التجميع المصري العقيم على كلام حضرتك برده هتحس بفرق رهيب بينها وبين الاكسنت
بالنسبه للصني
عيوب التقفيل المصري هقولهالك زي منا حسيتها في عربيتي موديل 2008 ومن يوم ما جبتها اقسم بالله ما عملتها اي صيانه اطلاقا غير صيانه ال 1000 كيلو وتغيير الزيت فقققققققط لا غير والحمد لله زي الفل وبعاملها معامله الجيب لدرجه اني لما يبقى ورايا مشوار في منطه ارياف مثلا او مكسره بركن السيريون وباخود النيسان على اساس انها جيب مثلا

مثلا الكاوتشات اللي على الزجاج بتاع الابواب بتنشف من الشمس تقريبا وبتعمل صوت مع
نزول الزجاج وطلوعه
عندي المسوجر بتاع الباب الششمال الخلفي احيانا بيعلق وده من التراب وانا متأكد من كده
الفرش بتاع الكراسي ناشف قويي ومتعب فعلا العدادات دخلها بعض التراب

دي المعيوب اللي ابلتني في العربيه وكلها حاجات بسيطه جداااا وممكن تظهر في اجدع عربيه متقفله بره مصر
لكن نيجي لاساسيات العربيه الموتور والعفشه والاكصدامات والابواب والشنطه كلها تمام وزي الفل ومفهاش غلطه
يبقى العيب بقه في شويه حاجات بلاستيك متعبش العربيه اصلا
وده رأئي انا
وفعلا احنا عنددنا عقده الخواجه وعشان المصانع عارفين كده محدش عمره هيفكر يصنع عربيه مصري او حتى يجمعها في مصر
وعلى فكره انا اللي مرضتش اجيب لانسر مع اني والدي كان بيقولي نجيب لانسر احسن وانا مع حبي للانسر لكن استخسرت اجيبها لانها سعرها مبالغ فيه بجد ومفهاش حاجه زياده عن الصني غير الشكل
واخترت الصني لاني مقتنع بها الصراحه

وعموما لو اللانسر اتجمعت هنا هتفقد ميزه مهمه جدا في السوق المصري وهي التجميع الياباني وكن ناس كتير تبعد عنها فعلا

- انا بداية لم اقل انى " قرفان " من عربيتى القديمة ( الاكسنت ) وبالعكس ارى انها من افضل موديلات هيونداى وظلت معى طوال 8 سنوات ومشيت بها 175 الف كم اغلبهم سفر مسافات طويلة ولم تخذلنى يوم وكنت اقوم بالصيانة الدورية بداية من 1000 كم وكل 5 الاف كم بمركز صيانة هيوندى بابو رواش حتى بيعها قريبا ً
- كما انى لا اقارن بين الاكسنت والانسر ولكن تحفظى كان ان قصور الاكسنت كان فى التقفيل المصرى والاشياء المنتجة محليا ً بها مقارن بالمستورد
- اما موضوع الصنى من حيث الموتور والعفشة والاكصدامات والابواب والشنطة كما ذكرت حضرتك فأنا بدية غير مؤهل للحكم عليها وممكن يحكم عليها اللى مجربها وكل ما ذكر اخى هى منتجات يابانى بالعربية واحنا هنا فى مصر بنجمع فقط
- واسمحلى انى اختلف معك فى موضوع انك من 2008 حتى الان مبتعملش حاجة فالعربية غير تغيير الزيت لان جدول الصيانة الموجود فالسيارة من مواعيد تغيير فلاتر وبوجوهات وتيل فرامل ...... وكل تلك الاشياء مهم جدا ً إن حضرتك تتابعة وتغيرة فى ميعادة لانة وعن تجربة بيحافظ على العربية جدا ً
- اما عقدة الخواجة عندنا فمن الممكن يكون كلامك صحيح
- والمبالغة فى سعر الانسر اكيد واتفق تماما ً معك فية ولكن فعلا ً المبالغة فى اسعار العربيات تقريبا ً كلها هنا فى مصر فمن الممكن تركب نفس العربية فى دول الخليج بما يعادل 50 الف مصرى اما هنا تجدها بـ 120 الف