مبروووووك المتسوبيشى راحت ابو الفتوح

**monytork** · 28-04-2010 02:52 AM

المتسوبيشى اخد التوكل بتاعها ابو الفتوح وهيجمعها هنا فى مصر فى مدينة 6 اكتوبر
يعنى الدنيا هتبقى فل

**el931** · 28-04-2010 04:14 AM

لو الموضوع حقيقى فعلا ً ان ابو الفتوح هيجمع العربية فى مصر يبقى مش فل ودة :-
اولا ً تجربة غبور مع الاكسنت القديمة وعندما تم تجميعها فى مصر بعد ان كانت كورى من مشاكل وعيوب فى التقفيل وكان
- لابد من ادخال صناعات مصرية بقيمة 10 % من ثمن السيارة حتى يكتب عليها انها محلى مثل البطارية والكاوتش والشكمان والفرش الداخلى والزجاج .... وجميعها نقاط ضعف بالعربية
- ممكن تشوف قريب جدا ً قطع غيار صينى للسيارة وتحت بير السلم مش قطع غيار معتمدة
- النيسان الصنى من بعد 2002 اصبحت مصرى وتلاقى واحد معاة موديل 2001 ومعتز بيها جدا ً خصوصا ً لما يشوف الحديث منها ويقول " انا عربيتى يابانى " واكيد الكلمة دى تعنى الكثير من اختلاف فى التقفيل والجودة فى الخامات وغيرها
انا شايف ان الميتسوبيشى تقف الان على قدم المساواة مع التويوتا بل - وجة نظرى الشخصية - ان الانسر فاقت التويوتا بعد ان تم تجميع الاخيرة فى جنوب افريقا (كأيدى عاملة فقط وبخامات يابانية )
تفتكر الميتسوبيشى المصرى هتكون مكانها فين بين العربيات ؟؟!!

**Ahmed Samy** · 28-04-2010 04:17 AM

الكلام ده فين

ايه مصدر حضرتك

دي تبقى حكاية و عايزة قعدة

**SkyBird** · 28-04-2010 05:05 AM

المصدر ؟

**Ahmed Hassan** · 28-04-2010 05:06 AM

المشاركة الأصلية كتبت بواسطة ahmed samy

الكلام ده فين

ايه مصدر حضرتك

دي تبقى حكاية و عايزة قعدة

سؤال يستحق الاجابه فعلا ... المفروض ده خبر مهم.. ازاي محدش سمع عنه؟!!!!

**عصام غنايم** · 28-04-2010 05:27 AM

اظن انها لسه اشاعه

**devilishtigers** · 28-04-2010 05:48 AM

يا جماعة مفيش تأكيد بنسبة 100% لحد دلوقتي. بس لو دا حصل هتبقى الله يرحم ميتسوبيشي السنين الجاية.
انا شايف ان دا ميزة لملاك العربية الياباني دلوقتي علشان بعد كدا سعرها هيعلى في البيع لأنها ياباني 100%. وبالنسبة للصيانة ربنا معانا كلنا بعد كدا.
ممكن لو الكلام دا صح يكون هناك تأكيد لموضوع ابو الفتوح مع كتابة المصدر

**mahamedaraby** · 28-04-2010 05:58 AM

والله شعب غررررريب

يجيب العربيه من اى حته فى العالم الا بلده

يعنى رحتوا دفعتوا 150 الف جنيه فى عربيه جنوب افريقى اول مره نسمع انها بتصنع عربيات وقولتوا تويوتا ومش هتاختر باسمها

رحنا جبنا اللوجان التقفيل المغربى واللى ظهر فيه بعض العيوب اللى بالنسبه لمالكها زى العسل لانها فقط مش تقفيل مصرى

العربيه الافيو الكورى اللى ظهر فى مشاكل السماء والارض وهى كورى البرضوا الناس بتشترى الكورى المعيوب وتصيب الافيو التجميع المحلى

النيسان صنى اللى متجمعه فى مصر الناس عماله تتطلع مشاكل من الهواء فيها وعمرها ماركبوها ويقولك هيحصل زى اللى حصل فى الصنى لما اتفقلت هنا ومنتدى النيسان موجود يشهد بينا لو فيه مشاكل حصلت اصلا واللى كفيل التوكيل بتاعتها يحلها بدون اى تعب

ده حتى الاستاذ سبعاوى اللى رايه شهاده لوحده بالنسبه ليا قالك ان مفيش فرق فى تفقيل النيسان الصنى والتويوتا كورولا بتاعته الجنوب الافريقى هى بس فرق فى الخامات عايزن ايه اكتر من كده

ونيجى فى الاخر نقولك التجميع المصرى وحش

ونيجى نقولك لما ابو الفتوح يجمع الانسر هتبقى وحشه هو مش ابو الفتوح اللى مجمع الانوس واللى اكتر عربيه مبيعه فى مصر وكمان من اكتر العربيات اعتماديه ليه دلوقتى بقى وحش

**lody4verna** · 28-04-2010 08:01 AM

طبعا الخبر مش اكيد , بس اعتقد ان ابو الفتوح هو الاقرب ليها
التقفيل المصرى فية بعض السلبيات مش كل اعربية وحشة طبعا بس مش السلبيات المميتة يعنى
انا معاياي فيرنا اة فى عيوب فى التقفيل الكاوتش زبالة الطنابيرة ضايعة غير كدة كلوا كويس وبصراحة بقى لازم نشجع صناعة بلدنا ولما بيستخدم منتج محلى بيخفض من سعر العربية ( طبعا مع وجود السرقة كدة كدة)
انا ليا 2 اصحابى معاهم نيسان واحدة 2010 والتانية 2000 بيقولوا ما فيش فرق غير ان 2010 بتسحب بنزين اكتر

-

الموضوع: مبروووووك المتسوبيشى راحت ابو الفتوح

LinkBack

أدوات الموضوع

عرض

-

-

-

-

-

المواضيع المتشابهه

نبارك لحبيبنا ahmead1006 ( مبروووووك ) !!

مبروووووك يا وليد باشا

مبروووووك لمصر الفوز على الجزائر 2-0

مبروووووك ..

الكلمات الدلالية لهذا الموضوع

المفضلات

المفضلات

ضوابط المشاركة