كاسيت الافيو او الاوبترا

**zaglolo** · 28-04-2010 06:22 AM

طبعا فى ناس كتير من اللى عندهم افيو او اوبترا نفسهم يغيروا الكاسيت لان اللى جاى مع العربيه صوته واطى جدا الخرج بتاعه ضعيف انا سالت وحبيت انى افيد المنتدى المحترم
اولا لازم نغير الفرام الخارجى بتاع الكاسيت لانه مش نفس حجم الكاسيت المربع وبنجيب فرام جديد فى حدود حوالى 210 جنيه وبختار نوع الكاسيت اللى هتجيبه الاول سواء كان دبل دين او سينجل دين يعنى كاسيت صغير او الكاسيت المربع اللى بشاشه ووعلى اساسه تجيب الفرام
وربنا يوفق الجميع وعلى فكرة انا عندى خبرة كبيرة فى حاجات الافيو لانى مظبط عربيتى وسالت على حاجات كتير اوى فيها

**eng_sherif_00** · 28-04-2010 03:21 PM

زغلول باشا قولى انت عامل ايه فى العربيه عندك

**zaglolo** · 28-04-2010 05:12 PM

بص يا كبير انا اسمى احمد وكتبت زغلول لانى ملقتش اسم مناسب ليا فى المنتدى الكريم
انا اولا عامل الفوانيس سموك يعنى مسودها من جوه وده مديها شكل تحفه وثانيا مفيم الفوانيس اللى ورا دارك وشايل لنض الاشارات كلها ومركب مكانها ليدات زينون بتنور ابيض ورا وادام ومغير النور الخفيف عامله ازرق تلجى يمشى مع الليدات ومركب باركينج سينسور ومركب سماعتين كلاريون ورا مكان الاصلى وغيرت سماعتين الابواب وكاسى الكراسى وجى ام صغير على اد السماعتين والباقى انا مش فاكرة دلوقتى ولو اى حاجه انا تحت امرك

**teamahmed** · 29-04-2010 11:40 AM

باشا قولى انته جبت الفرام السنجل دين الى بى 210 ده منين
وهل السنجل دين ده الى تحتيه درج زى الدايو كده؟

**eng_sherif_00** · 29-04-2010 12:32 PM

احمد باشا انا كنت عايز اعرف منك ازاى الفوانيس معموله سموك يعنى مدهونه ازاى من جوه ومدهون بمادة ايه تانى حاجه انا عايز اعرف النور الهادى الابيض التلجة بيتباع فين ونوعه ايه وكمان عايز اعرف عملت السينسور بارك الخلفى ازاى وبيبان عندك ازاى فى الطابلوه

**aymaneid** · 29-04-2010 06:47 PM

ياريت يا باشا مادام عارف حاجات كتير عن الافيو .... انا عاوز اعمل كساحات وى اجيب اكصدامات امامى وى خلفى بس فيها شغل محترم ... انا عندى تصميم عجبنى اوى وى عاوز اعملوا يا اما اشتريه من حتى لو انت تعرفها .....وشكرا

**zaglolo** · 30-04-2010 12:22 PM

اسف جدا يا جماعه على تاخيرى فى الرد لانى كان عندى حاله وفاه وربنا يدى الصحه للجميع
اولا بالنسبه للفرام السنجل دين اللى انا سمعته من الراجل انه فى النوعين الفاضى والمليان وانا ان شاء الله نازل التوفيقيه كمان تلت ايان بامر الله وهشترى المفرغ زى الدايو لان الافيو مشكلتها تحس ان التابلوة ضيق وزى ما قولتلك المكان ده فى التوفيقيه ولو لاقيت انتا سعر جديد يبقى فدنى
بالنسبه للفوانيس السموك انا روحت لواحد فى الزقازيق شاب زينا كده وفك الفوانيس وبعدين فك وش الفانوس واعد يلزف من جوة باللزق االاصفر بتاع الدهان ده وحدد وش الفانوس اللى مش هيترش وعشان النور يبقى ظاهر وبعدين جاب الاسبراى الاسود ورش واستنى لما نشف وركب الفانوس والدنيا زى الفل يا كبير بس نصيحه لو قلبك ضعيف متقفش وهو بيفك الفانوس
بالنسبه للكساحات انا متعرضتلهاش قبل كده بس انا عندى راى انك تنفخ فى الاكصدام الامامى والخلفى وتركب اسبويلى خفيف وانا عندى لينك على اليوتيوب لو تسمحلى الادارة انزله لعربيه افيو زينا ومتظبط فيها حبه حاجات خفيفه جدا بس شكلها تحفه صراحه وانا تحت امرك وبعون الله هسالك لانى عايز افيد كل ملاك الافيو