ياجماعه انا العربيه عندى بتنتش فالكربراتير محتاج تنضيف وانا عايز انضفه بنفسى فياريت اللى عنده خبره يقولى ازاى
عرض للطباعة
ياجماعه انا العربيه عندى بتنتش فالكربراتير محتاج تنضيف وانا عايز انضفه بنفسى فياريت اللى عنده خبره يقولى ازاى
ممكن يكون الكوندنسر و الابلاتين مش الكربرتير
و ياريت تراجع البوجيهات كمان و فلتر البنزين
و اياك تفك الكربرتير لوحدك و مش معاك حد يعرف يركبه تانى
بلاش احسن لا تفك حاجة ما تعرفش ترجعها يبقا بوظت اكتر ما صلحت و ديه لحد متخصص و لو هاتنضفه من بره فيه لنك هنا فى المنتدى هادورلك عليه
[marq="3;right;1;scroll"]
موضوع فك الكربيراتير وتنضيفه عمليه معقده جداً
[/marq]لانه مليان جواه مسامير وسوست وبوابان واكسات وليها طريقه معينه في الربط مش اي حد يتعامل معاها غانصحك الابتعاد عن هذه الفكره وديها لميانيكي الاول او لحد بتاع كربيراتير واتفرج عليه وشوفه لو هتعرف تعمله زيه المرايه الجايهو ولا لأ
كاربراتير الماروتي سهل جدا جدا
حضرتك فك الصاموله اللي في النص وافتح الكليبسات اللي محاوطاه داير ميدور وافتحه ونضف زي منتا عايز
انا فكيت كربريترات قبل كده ومكنتش عايز افك بتاعي فنضفته امبارح والموضوع بسيط جدا ولا سوست ولا اي حاجه
نضفه ببلاور
بالتوففيق
تحياتي
كلام حضرتك مظبوط
انا اقصد الفلتر
انما لو عايز تنضف الكاربيراتير فده بيحتاج نوع معين من المواد اقرب ماتكون من الwd40
والافضل ان اللي يعمله متخصص ومش هيكلفك كتير
بالتوفيق
اللى حضرتك فكيته ده اسمه العمة (بكسر العين) ودى ممكن اي حد فى بنزينه يفكهولك وينضفلك الفلتر بكمبروسر الهواء فى الاتجاه العكسى للفلتر. اما فك الكواربراتير ممكن يكلفك كواربراتير جديد. ومشكلة صاحب الموضوع غالبا فى طقم الكهرباء (الكوندينسر والابلاتين والبوجيهات) او فلتر البنزين
انا نضفت الكربراتير عند ميكانيكى ولا انصح اى حد ينظفه بنفسه الوضوع مش سهل والعربيه الحمدلله السحب بقى جامد بس النتشه مراحتش والميكانيكى تعب اوى على ما طلع العيب ده وفى الأخر طلع ان رشاش البنزين كان مقفول على النص ده على كلامه ايه رأيكو فى الكلام ده
على فكره هو مكان اللى بيقول عليه رشاش البنزين ده ورا عند ظبط الهوا كده
فعايز اعرف ايه رأيكو فى الكلام ده