احب الراجل الشجاع الله يباركلك يا عم و يكفيك شرها .
عرض للطباعة
الف مبروووك لصاحب الموضوع وربنا يباركلك فيها
مبروك لصاحب الموضوع على العربية الجديدة
الناس اللى بتتكلم على السيراتو على ااساس حضرتكم بتتكلمو الكل بيتكلم عن سمع
انا سمعت انا واحد صاحبى قلى انا شوفت حادثة العربية بيقولو خفيفه ( هما مين اللى بيقولو )
وبتلم هوا ( ودى اموت وافهمها )
عاوز افهم فى حد فيكم جرب العربية ركبه مشى بيها يا جماعه الخير خلينا منطقيين
مش معنى ان واحد قال ان العربية وحشه وبعها يبقى فيها عيوب والعربية بتعمل شقلبازات فى الهوا
وبتطير من الارض وانت ماشى على ال 60 ك مافيش عربية فى العالم مش بتعمل حوادث وشوف بقى كمان عربيتنا بتمشى فين فى نقر ومطبات واسفلت معوج وطوب وحفر عيون قطه وعربيات نقل بتحدف عليك .
انا باخد الملف على 100 ك وعمرها ما عومت زى ما الناس بتتكلم بالعكس قمة الثبات وخصوصا فى الملفات
العربية زى اى عربية فى الدنيا فيها عيوب وفيها مميزات وهو مش الاحسن بس مش الاوحش
احنا بنقول العربية بالنسبة للامكانيات اللى فيها وسعرها ده نعتبر عربية مناسبة جدا واحسن من عربيات كتير فى نفس الفئة السعرية انما محدش قال انها احسن عربية فى الدنيا وان مفيش عربية زيها .
اللى بيكلمكو ده عنده مشكلة صعبه فى العربية ومع ذلك صعب اسمع كل الكلام ده واسكت لانه كلام بعيد تماما عن الصحة
انا مش متعود اكتب بره قسم كيا بس بصراحه لقيت كلام غريب جدا واستفزنى بصراحه
ولصاحب العربية الجديدة مبروك عليك مرة تانية وربنا يبارلك فيها ومتطلعش ...... زى السيراتو
احنا لا سمح الله مش بنقارنها بعربياتنا
بس ده زميل بيتكلم و رأية يحترم
ربنا يباركلك فى عربيتك و عربيته
اية الحكاية يا رجالة
الموضوع سخن اوى
بالراحة ياخونا
اختلاف وجهات النظر لا يفسد فى الود قضية
ألف مبروك وتاخد خيرها ويكفيك شره
يا جماعه عاوزين ناخد بالنا من حاجه .. اللى بيشكر فى عربيه كان راكب ايه قبلها و اللى بيذم فيها كان راكب ايه قبلها .. يعنى مثلا من أكتر العربيات اللى شفت خلاف عليها الاسبرانزا .. وده من وجهة نظرى راجع اتفاوت مستوى الملاك بتوعها .. يعنى مثلا لو واحد كان معاه فيات 128 و جاب اسبرانزا هيطير من الفرح بيها .. انما لو حد معاه فيكترا مثلا وحب يغير لحاجه زيرو و جاب اسبرانزا مش هيقطيقها .. و ده اللى حصل للاستاذ اللى عامل الموضوع ده .. باع كيا (وهى عربيه محترمه محدش يقدر يقول حاجه) و جاب أوبل ..فلازم يحس بفرق.
وبعدين يا رجاله فالكلام اللي بيزعل ده مهو شي طبيعي يكون في فرق واختلاف بين كل عربيه والتانيه بس احنا ناسيين حاجة مهمه جدا ان الكيا سيراتو سياره كوريه الصنع والــــgtc اللي معايا اختها المانيه الصنع اعتقد ان الفجوه الفكريه والثقافه والعلم والامكانيات والتكنولوچيا المتقدمه للالمان افضل ودا وش محتاج كلام وشفت بعيني والله ف المانيا بيصنعو العربيه الاودي ازاي وشفت معمل زي بتاع الاطباء بالظبط كلهم لبسيين بدل وعليها بلطو ابيض و بيختبرو جلد المقاعد بتاعها بيحولو يوصلوا لاعلي اداء حتي للمقصوره الداخليه شيى وهمي دا حتي عضم العربيه من الداخل عليه الوجو بتاع اودي
ممكن اعرف ازاي نقارن الفكر دا بالفكر الاسيوي ؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!
اكيد الفرق كبير
انا واحد صاحبي كان معاه استرا ٢٠٠٤/ ١٦٠٠ سي سي باعها وجاب سيراتو هاي لاين ومش مستريح ودا كلامو والله ودا مش عييب فالسيراتو ولكن عييب ف الفكر وكذلك مينفعش اقارن شاهيين مثلا ب سيراتو اكيد السيراتو افضل ويا رب تكون الامور وضحت وملاخر كده اوبل افضل من الكيا والكوري كله واللي مش عجبه كلامي انا بعتذرلو وبتمني ميزعلش من صراحتي
الف مبروووووووووووووووووووووو ك نورت الاوبل
ومستنيينك في المقابله الجايه
انا لما كان معايا النيسان كنت على استعداد اتخانق لو حد جاب سيرتهاو دلوقتى لما ركبت الأوبل نفس الوضع