نوبيرا 2009 زيرو

ياشباب لقيت عربيه نوبيرا 2009 زيرو اسه معلقيتش نمر والزق الابيض لسه عليها سألته عامله كام قالى 80000 ايه رأيكم :11:

هو قال زيرو لانها لا اترخصت لسا ولا مشيت

لكن النوبيرا اخر انتاج ليها كان 2008 واللى كانت بتتباع منها لغايه 2009 وصلت لـ 79 الف جنيه واقل

لو الموضوع بالنسبه ليك مناسب , تقدر تنزل من تمنها زي م تحب وممكن توصل لأقل من 79 الف جنيه كمان


لكن تأكد انها انتاج 2008 ,, وفي الحاله دي هتقول عليها استلام 2010

و لو اصر انها 2009 يبقه تأكد انه مش امين

بس كمان لازم تعرف هي ليه واقفه عنده من 2008 , لان وبمعنى اصح المعارض بينهم وبين بعضهم بيبدلو عربيات من بعض

يعني لو معرض عنده نوبيرا وجاله زبون طالب اوبترا وهي مش عنده فبيروح مكلم معرض صاحبه يبدل معاه النوبيرا بأوبترا !!! وهكذا , يعني ممكن العربيه دي تكون لفت على 10 معارض قبل ما حضرتك تشوفها في المعرض ده

لكن بشكل عام النوبيرا ممتازه وقيمتها فيها فعلا

خللى بالك انا شفت ناس معندهمش ضمير بتوع معارض بيجيبوا اللزق الابيض وبيلزقوه على العربيه كانها لسه طالعه من المعرض وبيصفروا العدادات بتاعتها ويبيعوها على انها جديده

فى الحقيقه أنا بأعتبر موضوع الورق الملزوق على العربيه الزيرو ده

خرط من التجار وملوش لزمه أساسا

أنا كنت جايب عربيتى من المعرض زيرو ولا عليها لزق أبيض ولا غيره

مش عارف هما ليه بيعملوا كده

هى علبة حلاوه وبيغلفوها علشان متلزقش

حقيقى موضوع اللزق الأبيض ده يقلق بجد
مايمكن مدارى عيوب تحت منه فى البويه

يعنى ممكن يشترى الواحد عربيه مغلفه
ويروح يفتح العلبه بعدين وخلاص دفع الفلوس

يقوم يلاقى تحت غطاء العلبه مشاكل فى البويه مثلا...........!!!!!!!!!!!!!!

بلاش منها وبالمبلغ دا تجيب حاجه احسن على الاقل شكلها جديد مش شكلها قديم راكب عربيه 2010 ذى ال راكب عربيه موديل 2000

طيب ماتجيب اوبترا ياباشا بدلها زيادة بتاع 5000 بس موديل 2010 وكويسة
او اكسنت كويسة بردو ومش هتزود كتيرر لو اسبورت

شويه حراميه اللي بييبيعوا النوبيرا واكيد العربيه مش باسمه وقالك باسم جوز خالتي ورحت شوفتها عنده في البيت والاكيد كمان انها ممكن تكون عربيه عامله حادثه وشدينها جامد ويدك احساس انها زيرو عن طريق اللزق والبلا ستيك يا ريت تقول تفا صيل اكتر لاني مريت وانا با شتري عربيتي بلقصص دي كلها لحد ما صرفت نظر عن النوبيرا خالص بسبب النصب اللي بتعمل والاكيد كمان انهم شغالين في النوبيرا بس لاني اتفرجت علي عربيه كسر زيرو عامله 500 كيلو وعليها البلا ستيك وفجئت با نها مخبو طه من قدام وطبعا با ين اثر الرش وتسييل البويه علي ال كصدام لا وايه مغطي الكبوت كله بل البلا ستيك الا بيض اصلها زيرو يا باشا

انا اظن اني علقت على الموضوع ده في منتدى تاني
اصلا هي في 2008 قبل ما تتوقف كانت ب78 و قبلها على طول كانت ب67 , فدي انت ممكن توصل معاهم فيها لحد 75 او 74 ألف اظن , و مش عارف هل ممكن اقل ولا لأ
زائد انك ممكن فعلا تزود كام الف و تجيب اوبترا , واهي تطوير النوبيرا
النوبيرا حلوة , لكن دي مركونة زائد ان سعرها مبالغ فيه

انت لو عايز تشترى ممكن تكون حاجة 2009 وخش شوف كدة

http://www.nilemotors.net/Nile/144152-2009.html