السلام عليكم
انشاء الله هستلم بكره ريو 2010 عايز اعرف ايه الحاجات الى اجربها فى العربية قبل مستلم بالتفصيل الممل.
متشكر قوى قوى
عرض للطباعة
السلام عليكم
انشاء الله هستلم بكره ريو 2010 عايز اعرف ايه الحاجات الى اجربها فى العربية قبل مستلم بالتفصيل الممل.
متشكر قوى قوى
اولا - العربية من برة اذا خربوش او اي حاجة
النور كللو
افتح الموتوروراجع علي كل الغطيان وقيس الزيت لو عرفت والمية
كل الزراير شغالة ولا ايه
راجع علي الفرش والتابلوة
الشنطة بمحتوياتها
الاكر والببان والازاز والسنتر
دور العربية والتكيف - وحاول تاخد لفة بيها عشان تسمعها وهيا ماشية
الكاسيت والايال بتاعة
الدوسات
واتكل علي الله
علي فكرة انا معملتش نص الحاجات دي وطلع عندي نقرة قرب المقبض اليمين في الباب بس الحمد لله
ومبروك مقدما
تقريبا Atrees غطى كل حاجة ممكن تشوفها
و1000 مبروك ربنا يباركلك فيها
متشكر قوى ياباشا على سرعة الرد
بس مفيهاش مشكله انى اشغل التكييف ولسه العربيه جديده
صباح الفل كلي كل رجالة الكيا اولا
ثانيا مفيش مشكلة انك تشغل التكيف - حتي في فترة التلين - لان مش مكتوب في الكتالوج كدة - المكتوب بس انك تحافظ علي سرعة دوران المحرك في حيز معين ومتقطرش عربية في او 2000 كم - مفيش حاجة عن التكيف - عموما انت حتجربة بس - يعني مش لازم تشغلة اصلا في التلين
جربة 10 دقائق
متشكر قوى وربنا يكرمكوا
عتريس عمال يقطع علينا بس هو جاب من الاخر وربنا يباركلك فيها الكيا ريو الجديده بصراحه تحفه تانيه من كيا تحسها من قدام شبه السيراتو بس هي بسم الله ما شاء الله حلوه اوي لسه شايفها علي الطبيعه اول امبارح قدام سيتي ستارز بجد تحفه ربنا يباركلك فيها ومتنساناش بقي تقرير حلو و شويه صور حلوه كده انا كان نفسي اصور الي انا شفتها دي بس للاسف كانت سايقاها واحده قلت بلاش تقول بتصورني و تعملي فيلم في الشارع :policeman: :khd:
ايه اللى خلليك تختار ريو ممكن تقولى ايه السبب
انشاء الله اكتب تقرير عن العربية بس اعذرونى لانه هيبقى اول تقرير اكتبه فممكن ميكونش قوى بس مع الوقت الواحد هياخد خبره.
بجد المنتدى ده جميل جدا وربنا يبارك فى الناس الى شغاله فيه والاعضاء كمان.
الواحد بيحس ان الناس عايزه تخدم من غير اى مقابل وده صعب تلاقيه فى الزمن ده.
شكرا جدا
ألف مبرووك مقدما :) والرجالة قاموا بالواجب
انا كنت بفاضل بينها وبين الاكسنت اخترت الريو للاسباب التاليه:
- التقفيل ممتاز انا شايفه احسن من السيراتو "يارب الناس بتوع السيراتو ميزعلوش منى"
- التوكيل طبعا احسن من غبور.
- الضمان خمس سنين او 100000 كم انما فى الاكسنت 3 سنين او 60000 كم.
- الريو كورى 100 فى ال 100
- الريو فيها مرايات كهربا انما الاكسنت لا.
- شكل الريو اشيك من الاكسنت."وجهات نظر"
- وطبعا استخرت ربنا وربنا وجهنى لل ريو
مبروك عليك ياباشا ربنا يباركلك فيها ..
http://www.nilemotors.net/Nile/images/icons/icon1.gif
رابط المشاركة
عتريس جاب من الاخر
ربنا يباركلك فيها
1000 مبروك مقدماً ويرجى التدقيق جيداً جداً في الفحص عند التسلم
ربنا يديلك خيرها و يكفيك شرها و شر عيون الناس
ألف مليون مبروك مقدما.. ياريت بعد اذنك تعمل تقرير مفصل, مبروك تاني.
رنا يباركلك فيها ويديك خيرها ويكفيك شرها ويبعد عنك العيون وما تنساش الدعاء ده تقوله اول ما تركب العربيةواختيار موفق بس عايزين التقرير التمامعن النبي صلى الله عليه وسلم قال إذا تزوج أحدكم امرأة أو اشترى خادما فليقل اللهم إني أسأل كخيرها وخير ما جبلتها عليه وأعوذ بك من شرها ومن شر ما جبلتها عليهصدق رسول الله صلى الله عليه وسلم
الف مبروك ياباشا وربنا سديك خيرها ويكفيك شرها
ياريت زى ماقال صديقنا العزيز تحكلنا على كل حاجة فى العربية وبالتفصيل الغير ممل ....
من أول ما اشتريت العربية ومنين وبكام واى معلومة عنها لغاية مااشتريتها واستلمتها ... لانى بصراحة عايز انزل اشتريها الاسبوع الجاى وعايز رايك فيها طبعا من حيث الشكل والتقفيل من جوه وعايزك تسأل برده وتقولى عن التوكيل ... ياريت ماتتأخرش علينا ياباشا ..........1000000000000000 مبروك وربنا يباركلك فيها ويكفيك شرها
انا مستنيك ... وشكرا
ال 1600 اوتوماتيك 110 حصان
واخر دفعه نزلت منها فيها مرايات كهرباء وانا حاجزها كده مع معرض ياسين
انشاء الله الفضى اما بالنسبة للتابلوه هو زى بتاع الاكسنت انما نور العدادات نبيتى فى ابيض وانشاء الله هصورهالكوا