بالنسبه لفوجات النوبيرا كان عندى واحد اتحرق و غيرته بتقريبا بعشره جنيه للمبه
مش عارف دى اصلى ولا ايه وعاوز اعرف الاصلى بكام؟؟؟؟؟؟؟
عرض للطباعة
بالنسبه لفوجات النوبيرا كان عندى واحد اتحرق و غيرته بتقريبا بعشره جنيه للمبه
مش عارف دى اصلى ولا ايه وعاوز اعرف الاصلى بكام؟؟؟؟؟؟؟
هو فيه لمبات اصلى؟؟
الى موجود يسد و طالما شغالة و مريحاك متشغلش بالك
MMamdouh
شوف لمبه صناعة نضيفه
المانى مثلا
انا كنت اشتريت لمبة المانى بى 10 جنية وشغالة تمام وفى صينى بى 5 جنية بس الالمانى احسن
يا ترا هو تغيير لمبة الفوج سهلة ولا دى مشكلة علشان انا عندى فى النوبيرا واحد مش شغال و كنت عايز اجرب اكشف على المبة و أغيرها لو محروقة
ياريت حد يقولى انا ممكن افكه ازاى علشان انا حاولت بس مش عارف
المووضوع سهل جدا في 10 دقايق و المصنعية 5 جنيه...
بس المهم تعرف السبب انا عندي الفانوس دخل فيه ميه عشان كدة بقيت اخللي بالي في الغسيل
محدش عنده فكرة ازاى يتفك .... اصل انا بخاف اروح للصنايعية علشان بيكبرو المسائل
فكه بهدلة شوية لو ماعندكش مكان نضيف عشان هتحتاج تنزل تحت الإكصدام وتفك الفبرة اللى تحت فالأحسن صنايعى وتشترى دماغك ومافيهوش حاجة يتخاف عليها وهم حافظينه أصلاً
بالنسبة للمبات فك اللمبة الأول وهات واحدة زيها ، الأصلى اللى راكبة 50 وات h3 ، فكها الأول عشان تشوفها لأنها لمبة قصيرة ولو جبت لمبة طويلة هتضطر تتنى العاكس اللى جوا الفوج شوية أو ممكن ماتركبش أصلاً
لو لاقيت لمبات 100 وات كورى هاتها لأنها أقوى من ال 50 الألمانى بس إسأل الكهربائى إن كانت هتحتاج كتاوت ولا لأ عشان المفتاح اللى فى دراع النور مايسخنش منك ويتحرق
حاجة أخيرة بقا ماتجيبش اللمبات التلجى لو بتاع قطع الغيار نصحك بيها لأنها مش هتعيش معاك ده غير إن نورها مالوش أى لازمة
ممكن توصل للفوج من مكان الفانوس الكبير
فك الفانوس هتشوف الفوج واضح امامك