الداخلية : لا إحلال لسيارات الملاكي مطلقاً (منقول)

**Ahmed Galal** · 29-04-2010 01:07 AM

كل شىء بقا متوقع و جايز فى مصر و احنا فى الاخر ماشيين مع التيار و ربنا يستر علينا من التيار اللى عمال يشد ده

**dode2002** · 29-04-2010 03:28 AM

لما نشوف اخرتها معاهم

**mahmoudysf** · 29-04-2010 03:35 AM

محدش عارف حاجة في اي حاجة دى بلد الفوازير

**mrsailor** · 29-04-2010 03:42 AM

المشاركة الأصلية كتبت بواسطة ama

ولا أسعار هتولع ولا حاجة بالعكس دا فيه أسعار بتنزل كل يوم عن التانى كفاية السيارة (الشانا بينى) موديل 2008 بقيت بـ18 ألف و بـ20 ألف جنيه رغم إنها زيرو بحاجة و أربعين ألف

انا قصدى السيارات اللى ليها اهل و توكيلات و تاريخ .. مش الحاجات الصينى اللى كلها ليدات و شاشات و ملهاش اهل و لا ولى امر .. مع احترامى الشامل لمالكى السيارات الصينية

**cyborg_ift** · 29-04-2010 09:04 AM

صحيح ماهي بلد أرخص حاجه فيهه الكوسه

**abou_ruqi** · 29-04-2010 09:09 AM

على فكرة الأسعار لا حتولع ولا حاجة , بالعكس أسعار المستعمل حينزل في الأرض , بالذات لو كان سنة الصنع قربت من سنة التكهين

يعني لو التكهين على سنة 1980 وما قبلها , ممكن تركب عربية مرسيدس 1982 بأربع خمس تلاف جنية , ده أخرها علشان حتترمى حديد بعد كده

وطبعا محدش حيفكر يفكها يبعها قطع غيار , لإنه مش حيكون عربية تقبل نفس قطع الغيار لإن جيلها كله حيتكهن

يعني ممكن تركب سنتين عربية فاخرة بـ 4 ألاف جنية , كنت قبل القانون حندفع فيها 60 % علشان تركبها

يعني حيبقى في مصلحة من الموضوع ده

**abdelmessih67** · 29-04-2010 11:59 AM

الاخوة الافاضل

ممكن أقول رأي , قانون أحلال و تجديد المركبات القديمة خلاص صدر و طبعا مجلس الشعب قال عليه آمين موافقون من سنة 2008 و القانون قال : المركبات و لم يحدد
أن كانت أجرة او ملاكي .

لكن الدولة حالية مش فاضية تفتح جبهات جديدة من الغضب عليها خصوصا بعد الاحداث الاخيرة و التظاهرات و الاعتصامات لهذا فهي لا تريد فتح جبهة جديدة كما أننا مقبلون على انتخابات تشريعية و رئاسية لهذا فالوقت مش وقته .

كمان لسه أحلال و تجديد سيارت الاجرة شغال و لم ينتهي و بعدها سيبدأ أحلال و تجديد الميكروباصات يعني اللي عنده عربية من السبعينيات قدامه مش أقل من خمسة سنوات على بال ما القرار يصدر و ساعتها أصلا ستكون عربيات السبعينيات و ما قبلها تخطى ال 35 عاما و لو صدر القانون ( برأيي ) سيكون أختياريا و ليس أجباريا عن طريق سياسة العصا و الجزرة , يعني حوافز و تشجيع للأحلال مع قرصة ودن عن طريق زيادة رسوم التراخيص و تقليل مدة الفحص الفني للسيارت الملاكي القديمة .

**ahmdmagdy** · 29-04-2010 12:03 PM

الحكومه بتقول كلام و ترجع فيه ف ثانيه زي ما يقولك لا نيه لزياده اسعار البنزين و تلاقي تاني يوم البنزين زاد

**zaza_lanos** · 29-04-2010 12:16 PM

المشاركة الأصلية كتبت بواسطة abou_ruqi

يا جماعة بالراحة بس

هو مال سيادة اللواء مدير الإدارة العامة للمرور بالقانون ؟؟

يا أخونا الشرطة سلطة تنفيذية , مجلس الشعب هو اللي مخول له إصدار القوانين , يعني أي نفي من خارج مجلس الشعب يعتبر توقعات لا أكثر و لا أقل

يعني سيادة اللواء معلوماته عن الموضوع هي نفس معلومات الإنسان العادي , هو إيش عرفه الدورة القادمة من مجلس الشعب حيتناقش فيها إيه ؟؟

هو حد عارف لسه مين الأعضاء القادمين أصلا ؟؟

اللي أقدر أقوله إن غالبية المجلس القادم حتكون من الحزب الحاكم
وما دام المهندس عز قال إنه عاوز يستصدر القانون ده , يبقى حيستصدر القانون !!!!

سعادة اللواء بقه بيدلي بتصريحات على أساس إيه ؟؟؟

برافو عليك
اى حد يقول اى كلام ماهى دى مشكلتنا
مفيش تخصص

بيموتوا فى الرغى والكلام الفاضى