الداخلية : لا إحلال لسيارات الملاكي مطلقاً (منقول)

**cyborg_ift** · 28-04-2010 04:45 PM

نفى اللواء فؤاد الدنف مدير الإدارة العامة للمرور ما تردد من شائعات عن إحلال وتجديد السيارات الملاكي القديمة وإحلال أخرى جديدة محلها على غرار مشروع التاكسي الجديد.

وأوضح اللواء الدنف أن الإحلال والتجديد للسيارات الأجرة فقط ولا نية مطلقا لتطبيق هذا النظام على الملاكي.حسب صحيفة "الجمهورية" الأربعاء؟
.
وانتشرت شائعة على نطاق واسع من بدء تنفيذ مشروع التاكسي بشأن إحلال السيارات الملاكي الجديدة محل القديمة التي تم صنعها قبل عام 1980 ،وذلك رغم أن مجلس الشعب رفض في وقت سابق اقتراح بهذا الشأن نظرا لأنه يقوم على إجبار أصحاب السيارات القديمة للتخلي عنها.

من ناحية اخرى، أشار مدير الإدارة العامة للمرور إلى أن الإدارة قامت بوضع كاميرات مراقبة على الطريق الدائري للمساهمة في الحد من التكدس على الطرق السريعة.

الحمد لله .. والشكر لله

**mrsailor** · 28-04-2010 04:52 PM

المشاركة الأصلية كتبت بواسطة cyborg_ift

نفى اللواء فؤاد الدنف مدير الإدارة العامة للمرور ما تردد من شائعات عن إحلال وتجديد السيارات الملاكي القديمة وإحلال أخرى جديدة محلها على غرار مشروع التاكسي الجديد.

وأوضح اللواء الدنف أن الإحلال والتجديد للسيارات الأجرة فقط ولا نية مطلقا لتطبيق هذا النظام على الملاكي.حسب صحيفة "الجمهورية" الأربعاء؟
.
وانتشرت شائعة على نطاق واسع من بدء تنفيذ مشروع التاكسي بشأن إحلال السيارات الملاكي الجديدة محل القديمة التي تم صنعها قبل عام 1980 ،وذلك رغم أن مجلس الشعب رفض في وقت سابق اقتراح بهذا الشأن نظرا لأنه يقوم على إجبار أصحاب السيارات القديمة للتخلي عنها.

من ناحية اخرى، أشار مدير الإدارة العامة للمرور إلى أن الإدارة قامت بوضع كاميرات مراقبة على الطريق الدائري للمساهمة في الحد من التكدس على الطرق السريعة.

الحمد لله .. والشكر لله

يبقى اسعار العربيات حاتولع تانى و مبروك للى اشترى مرسيدس تمانينات باسعار لقطة .. انا رأىى ان اللى معاه عربية يخليها شوية و ماحدش يبيع دلوقتى

**cyborg_ift** · 28-04-2010 05:00 PM

المشاركة الأصلية كتبت بواسطة mrsailor

يبقى اسعار العربيات حاتولع تانى و مبروك للى اشترى مرسيدس تمانينات باسعار لقطة .. انا رأىى ان اللى معاه عربية يخليها شوية و ماحدش يبيع دلوقتى

والله الموضوع ده كان قالب بطن الواحد بس الحمد لله على كده

**zyadahmed** · 28-04-2010 09:52 PM

مشروع احلال التاكسى اصلا فشلا فبالتالى تم تأجيل مشروع الملاكى وكمان الحكومة مش عايز تفتح جبهات جديدة خصوصا فى العام الفاصل 2010 /2011

**AMA** · 28-04-2010 10:06 PM

ولا أسعار هتولع ولا حاجة بالعكس دا فيه أسعار بتنزل كل يوم عن التانى كفاية السيارة (الشانا بينى) موديل 2008 بقيت بـ18 ألف و بـ20 ألف جنيه رغم إنها زيرو بحاجة و أربعين ألف

**abou_ruqi** · 28-04-2010 10:21 PM

يا جماعة بالراحة بس

هو مال سيادة اللواء مدير الإدارة العامة للمرور بالقانون ؟؟

يا أخونا الشرطة سلطة تنفيذية , مجلس الشعب هو اللي مخول له إصدار القوانين , يعني أي نفي من خارج مجلس الشعب يعتبر توقعات لا أكثر و لا أقل

يعني سيادة اللواء معلوماته عن الموضوع هي نفس معلومات الإنسان العادي , هو إيش عرفه الدورة القادمة من مجلس الشعب حيتناقش فيها إيه ؟؟

هو حد عارف لسه مين الأعضاء القادمين أصلا ؟؟

اللي أقدر أقوله إن غالبية المجلس القادم حتكون من الحزب الحاكم
وما دام المهندس عز قال إنه عاوز يستصدر القانون ده , يبقى حيستصدر القانون !!!!

سعادة اللواء بقه بيدلي بتصريحات على أساس إيه ؟؟؟

**Ghamrawy** · 28-04-2010 11:26 PM

المشاركة الأصلية كتبت بواسطة abou_ruqi

يا جماعة بالراحة بس

هو مال سيادة اللواء مدير الإدارة العامة للمرور بالقانون ؟
سعادة اللواء بقه بيدلي بتصريحات على أساس إيه ؟؟؟

بيفتى زى بقية ولاد بلدى الا ما رحم ربى

و طالما اشتد النفى فى الموضوع ده يبقى حايحصل حايحصل و ان ما كنش بالاحلال حايبقى عن طريق رفع الضرايب و الرسوم على تراخيص القديم

**eng.octooo** · 28-04-2010 11:33 PM

وانا الى فرحت بالخبر ...يعنى فية امل انهم ينفذوا الاحلال !!!! بجد حرام عليهم

**abo_lamar** · 29-04-2010 12:33 AM

توقعوا أي شئ ممكن يحصل

**amrelsaqqa** · 29-04-2010 12:51 AM

يالهوى انا كنت فرحت ودلوقتى متلخبط ، يعنى نفي سيادة اللواء ده نفى قاطع ولا ممكن القانون يطلع ؟

عموما القانون ده والله ما يفرق معايا سواء اتطبق ولا لا

ولو طلبت همشى بالعربية من غير رخص ولو سألونى ايه ده هقوللهم دى كارو مش انتوا مش معترفين بيها كعربية ، انا راكبها على انها كارو ههههههههه