الداخلية : لا إحلال لسيارات الملاكي مطلقاً (منقول)

نفى اللواء فؤاد الدنف مدير الإدارة العامة للمرور ما تردد من شائعات عن إحلال وتجديد السيارات الملاكي القديمة وإحلال أخرى جديدة محلها على غرار مشروع التاكسي الجديد.

وأوضح اللواء الدنف أن الإحلال والتجديد للسيارات الأجرة فقط ولا نية مطلقا لتطبيق هذا النظام على الملاكي.حسب صحيفة "الجمهورية" الأربعاء؟
.
وانتشرت شائعة على نطاق واسع من بدء تنفيذ مشروع التاكسي بشأن إحلال السيارات الملاكي الجديدة محل القديمة التي تم صنعها قبل عام 1980 ،وذلك رغم أن مجلس الشعب رفض في وقت سابق اقتراح بهذا الشأن نظرا لأنه يقوم على إجبار أصحاب السيارات القديمة للتخلي عنها.

من ناحية اخرى، أشار مدير الإدارة العامة للمرور إلى أن الإدارة قامت بوضع كاميرات مراقبة على الطريق الدائري للمساهمة في الحد من التكدس على الطرق السريعة.


الحمد لله .. والشكر لله

اقتباس:

---

المشاركة الأصلية كتبت بواسطة cyborg_ift

نفى اللواء فؤاد الدنف مدير الإدارة العامة للمرور ما تردد من شائعات عن إحلال وتجديد السيارات الملاكي القديمة وإحلال أخرى جديدة محلها على غرار مشروع التاكسي الجديد.

وأوضح اللواء الدنف أن الإحلال والتجديد للسيارات الأجرة فقط ولا نية مطلقا لتطبيق هذا النظام على الملاكي.حسب صحيفة "الجمهورية" الأربعاء؟
.
وانتشرت شائعة على نطاق واسع من بدء تنفيذ مشروع التاكسي بشأن إحلال السيارات الملاكي الجديدة محل القديمة التي تم صنعها قبل عام 1980 ،وذلك رغم أن مجلس الشعب رفض في وقت سابق اقتراح بهذا الشأن نظرا لأنه يقوم على إجبار أصحاب السيارات القديمة للتخلي عنها.

من ناحية اخرى، أشار مدير الإدارة العامة للمرور إلى أن الإدارة قامت بوضع كاميرات مراقبة على الطريق الدائري للمساهمة في الحد من التكدس على الطرق السريعة.


الحمد لله .. والشكر لله

---

يبقى اسعار العربيات حاتولع تانى و مبروك للى اشترى مرسيدس تمانينات باسعار لقطة .. انا رأىى ان اللى معاه عربية يخليها شوية و ماحدش يبيع دلوقتى

اقتباس:

---

المشاركة الأصلية كتبت بواسطة mrsailor

يبقى اسعار العربيات حاتولع تانى و مبروك للى اشترى مرسيدس تمانينات باسعار لقطة .. انا رأىى ان اللى معاه عربية يخليها شوية و ماحدش يبيع دلوقتى

---

والله الموضوع ده كان قالب بطن الواحد بس الحمد لله على كده

مشروع احلال التاكسى اصلا فشلا فبالتالى تم تأجيل مشروع الملاكى وكمان الحكومة مش عايز تفتح جبهات جديدة خصوصا فى العام الفاصل 2010 /2011

ولا أسعار هتولع ولا حاجة بالعكس دا فيه أسعار بتنزل كل يوم عن التانى كفاية السيارة (الشانا بينى) موديل 2008 بقيت بـ18 ألف و بـ20 ألف جنيه رغم إنها زيرو بحاجة و أربعين ألف

يا جماعة بالراحة بس

هو مال سيادة اللواء مدير الإدارة العامة للمرور بالقانون ؟؟

يا أخونا الشرطة سلطة تنفيذية , مجلس الشعب هو اللي مخول له إصدار القوانين , يعني أي نفي من خارج مجلس الشعب يعتبر توقعات لا أكثر و لا أقل

يعني سيادة اللواء معلوماته عن الموضوع هي نفس معلومات الإنسان العادي , هو إيش عرفه الدورة القادمة من مجلس الشعب حيتناقش فيها إيه ؟؟

هو حد عارف لسه مين الأعضاء القادمين أصلا ؟؟

اللي أقدر أقوله إن غالبية المجلس القادم حتكون من الحزب الحاكم
وما دام المهندس عز قال إنه عاوز يستصدر القانون ده , يبقى حيستصدر القانون !!!!


سعادة اللواء بقه بيدلي بتصريحات على أساس إيه ؟؟؟

اقتباس:

---

المشاركة الأصلية كتبت بواسطة abou_ruqi

يا جماعة بالراحة بس

هو مال سيادة اللواء مدير الإدارة العامة للمرور بالقانون ؟
سعادة اللواء بقه بيدلي بتصريحات على أساس إيه ؟؟؟

---

بيفتى زى بقية ولاد بلدى الا ما رحم ربى

و طالما اشتد النفى فى الموضوع ده يبقى حايحصل حايحصل و ان ما كنش بالاحلال حايبقى عن طريق رفع الضرايب و الرسوم على تراخيص القديم

وانا الى فرحت بالخبر ...يعنى فية امل انهم ينفذوا الاحلال !!!! بجد حرام عليهم

توقعوا أي شئ ممكن يحصل :rfds:

يالهوى انا كنت فرحت ودلوقتى متلخبط ، يعنى نفي سيادة اللواء ده نفى قاطع ولا ممكن القانون يطلع ؟

عموما القانون ده والله ما يفرق معايا سواء اتطبق ولا لا

ولو طلبت همشى بالعربية من غير رخص ولو سألونى ايه ده هقوللهم دى كارو مش انتوا مش معترفين بيها كعربية ، انا راكبها على انها كارو ههههههههه

كل شىء بقا متوقع و جايز فى مصر و احنا فى الاخر ماشيين مع التيار و ربنا يستر علينا من التيار اللى عمال يشد ده

لما نشوف اخرتها معاهم

محدش عارف حاجة في اي حاجة دى بلد الفوازير

اقتباس:

---

المشاركة الأصلية كتبت بواسطة ama

ولا أسعار هتولع ولا حاجة بالعكس دا فيه أسعار بتنزل كل يوم عن التانى كفاية السيارة (الشانا بينى) موديل 2008 بقيت بـ18 ألف و بـ20 ألف جنيه رغم إنها زيرو بحاجة و أربعين ألف

---

انا قصدى السيارات اللى ليها اهل و توكيلات و تاريخ .. مش الحاجات الصينى اللى كلها ليدات و شاشات و ملهاش اهل و لا ولى امر .. مع احترامى الشامل لمالكى السيارات الصينية

صحيح ماهي بلد أرخص حاجه فيهه الكوسه

على فكرة الأسعار لا حتولع ولا حاجة , بالعكس أسعار المستعمل حينزل في الأرض , بالذات لو كان سنة الصنع قربت من سنة التكهين

يعني لو التكهين على سنة 1980 وما قبلها , ممكن تركب عربية مرسيدس 1982 بأربع خمس تلاف جنية , ده أخرها علشان حتترمى حديد بعد كده

وطبعا محدش حيفكر يفكها يبعها قطع غيار , لإنه مش حيكون عربية تقبل نفس قطع الغيار لإن جيلها كله حيتكهن

يعني ممكن تركب سنتين عربية فاخرة بـ 4 ألاف جنية , كنت قبل القانون حندفع فيها 60 % علشان تركبها


يعني حيبقى في مصلحة من الموضوع ده

الاخوة الافاضل

ممكن أقول رأي , قانون أحلال و تجديد المركبات القديمة خلاص صدر و طبعا مجلس الشعب قال عليه آمين موافقون من سنة 2008 و القانون قال : المركبات و لم يحدد
أن كانت أجرة او ملاكي .

لكن الدولة حالية مش فاضية تفتح جبهات جديدة من الغضب عليها خصوصا بعد الاحداث الاخيرة و التظاهرات و الاعتصامات لهذا فهي لا تريد فتح جبهة جديدة كما أننا مقبلون على انتخابات تشريعية و رئاسية لهذا فالوقت مش وقته .

كمان لسه أحلال و تجديد سيارت الاجرة شغال و لم ينتهي و بعدها سيبدأ أحلال و تجديد الميكروباصات يعني اللي عنده عربية من السبعينيات قدامه مش أقل من خمسة سنوات على بال ما القرار يصدر و ساعتها أصلا ستكون عربيات السبعينيات و ما قبلها تخطى ال 35 عاما و لو صدر القانون ( برأيي ) سيكون أختياريا و ليس أجباريا عن طريق سياسة العصا و الجزرة , يعني حوافز و تشجيع للأحلال مع قرصة ودن عن طريق زيادة رسوم التراخيص و تقليل مدة الفحص الفني للسيارت الملاكي القديمة .

الحكومه بتقول كلام و ترجع فيه ف ثانيه زي ما يقولك لا نيه لزياده اسعار البنزين و تلاقي تاني يوم البنزين زاد

اقتباس:

---

المشاركة الأصلية كتبت بواسطة abou_ruqi

يا جماعة بالراحة بس

هو مال سيادة اللواء مدير الإدارة العامة للمرور بالقانون ؟؟

يا أخونا الشرطة سلطة تنفيذية , مجلس الشعب هو اللي مخول له إصدار القوانين , يعني أي نفي من خارج مجلس الشعب يعتبر توقعات لا أكثر و لا أقل

يعني سيادة اللواء معلوماته عن الموضوع هي نفس معلومات الإنسان العادي , هو إيش عرفه الدورة القادمة من مجلس الشعب حيتناقش فيها إيه ؟؟

هو حد عارف لسه مين الأعضاء القادمين أصلا ؟؟

اللي أقدر أقوله إن غالبية المجلس القادم حتكون من الحزب الحاكم
وما دام المهندس عز قال إنه عاوز يستصدر القانون ده , يبقى حيستصدر القانون !!!!




سعادة اللواء بقه بيدلي بتصريحات على أساس إيه ؟؟؟

---

برافو عليك
اى حد يقول اى كلام ماهى دى مشكلتنا
مفيش تخصص

بيموتوا فى الرغى والكلام الفاضى

يعنى يا اخوانا مدير الاداره العامه للمرور معندوش فكره و ميعرفش حاجه
و البلاليص بتوع مجلس الشعب هما اللى عارفين

مظنش

بالفعل الفكرة اتطرحت في وسائل الإعلام وتم نفيها لصعوبة تطبيق ذلك

اقتباس:

---

المشاركة الأصلية كتبت بواسطة هيثم

يعنى يا اخوانا مدير الاداره العامه للمرور معندوش فكره و ميعرفش حاجه
و البلاليص بتوع مجلس الشعب هما اللى عارفين

مظنش

---

غير كده ان سيادة اللواء على اتصال بوزير الداخليه ورئيس مجلس الشعب والناس الكبار يعنى مش معقول هيفتى فى الكلام ده على غير علم ( اسف على اللفظ )

جت الحزينه تفرح

اقتباس:

---

المشاركة الأصلية كتبت بواسطة ramremo

غير كده ان سيادة اللواء على اتصال بوزير الداخليه ورئيس مجلس الشعب والناس الكبار يعنى مش معقول هيفتى فى الكلام ده على غير علم ( اسف على اللفظ )

---

يباركلك