:C_laugh[1]::C_laugh[1]::C_laugh[1]:
طب متزعلش بس أنا وغيري كتير مستفيدين من مواضيع الاستاذ رامي ومش عايزينه يزهق ويبطل يكتب وعشان كدا كنت بقولك كفاية كدا
متزعلش بقى بس خد بالك انت اسلوبك فعلا يضايق
مستر عاطف
حضرتك اضطريت الناس ترد عليك بالطريقه دي
وانا حاولت اوضحلك الامور بأسلوب هادي ولبق ومتعمق كمان علشان الامور تكون واضحه ليك
لكن مادام حضرتك شايف ان وجهة نظرك سليمه يبقى مفيش داعي ترد علينا
لو سمحت القسم دا هادي جداااا والاعضاء فيه على مستوى عالي من الهدوء
مفيش داعي الموضوع يكبر
وكلنا اتكلمنا بأسلوب هادي عدا كام واحد
المفروض متردش علينا بأسلوب هجوم كدا
دا مش صحيح
انا عاوز اريحك والله علشان الموضوع مينقلبش عليك في الاخر
رجاء رجاء رجاء لو سمحت كفايه كلام في الموضوع ده
وخلي اللي ينقل ينقل واللي يدور ويجتهد يعمل ده
كل واحد حر في حياته
وانت صح واحنا غلط ورجاء كفايه كلام في الموضوع ده وانت صح يا استاذ عاطف انت صح انت صح انت صح
طب انا فى كلمتين محتاج اقولهم بعد كل الكلام ده:
انا كنت حتفصل من الجامعة عشان فة تقرير مشروه التخرج خدت 3 جمل من موقع و مقولتش كده فى نفس الصفحة بس قلت فى صفحة المراجع فبدون مناقشة انو كل واحد يقول هو جاب الحاجة ده منين ده حاجة مهمة جداً رغم ان ناس كتيرة بالذات فى مصر مش بتحس بالموضوع ده.
الأستاذ عاطف شايف انو فى حاجة غلط و كان بيحاول يصلحها.
الأستاذ ramyar قال انو مش ناقل المواضيع ده من حته و ان ده ترجمته الشخصية من كتاب بتاعه و صور الكتاب.
المفروض هنا الموضوع يبنتهى و خلاص، مكنش فى اى داعى للكلام اللى اتقال من ناس كتير عشان كده الموضوع بجد خد اكتر من حجمه. الادارة حتشوف اذا كان فعلاً ramyar نقل ولا ده ترجمته بس على كل الاحوال الراجل برده يشكر على المجهود حتى و ان كان خد الموضوع من حته تانية ( و انا شخصياً استبعد الاحتمال ده أوى) ففى ناس كتير استفادت من مواضيعه و بعدين هو مش بيتاجر فيهم أو بيبعهم، هو بيحاول يوصل المعلومة لأكتر عدد من الناس.
أنا شخصياً شايف انو الموضوع ده يتقفل خالص عشان على الرغم انى عضو مش قديم أوى بس بجد محبش خالص انو حد يفتح المنتدى العظيم ده و يشوف الحاجات اللى مكتوبة فوق ده
يا ريت لو انا غلطان حد يصلحلى كلامى
يا استاذ ابومريم والله انا كمان استفدت من الموضوع...
بس اللى ينقل يقول انا نقلت...
1-انا عارف كده كويس جدا,,وادخل فى الموضوع اللى انا كاتبه اللى اسمه((انا حجيب بنزين واولع ف.....)) وانت تعرف رأى فى قسم بروتون...
2-اكتر من كده ؟؟؟!!!
3- مش للدرجة دى....كلنا بنغلط...والذكى اللى يعترف بغلطه...
عموما يا باشا انا وضحت وجهت نظرى كويس...وافتكر ان مفيش اى داعى لكلام تانى من جانبى...
يا جماعه انا مش عارف اقولكم ايه ربنا يديم المحبه
وكمان احب اقول للاستاذ عاطف ان انا لو هقتبس او هنقل اي معلومات لازم اقول
زي ما عملت من فتره وجبت موضوع عن الكاوتش وضرتك ممكن تشوف بنفسك
www.nilemotors.net/Nile/119576-a.html
ههههههههههه :C_laugh[1]:
معلش نسيت أقول حاجه ضروريه على الضحكه اللى ضحكتها دلوقتى
(منقووووووول) .
انت تاعب نفسك و مزعل نفسك ليه؟!!
ايوه انت بتنقل و كل كلامك منقول و مفيد لينا جدا و يا ريت دايما تنقل كده على طول و مواضيعك تنور المنتدى عشان نستفاد منها و غيرنا يستفاد بدل ما نقعد نكسر فى بعض و نتهمك انك قلت متلامس وناقل من واحد قايل متلاصق و يطلع الاتنين توأم فى الاخر :)
ماتزعلش و حقك عليا
و انقل ولا اكتب ولا اقتبص انا واثق فيك لغايه مالاقى موضوع قص ولزق
الاصل انى اثق فيك مش انى اشك فيك