الموضوع: الي كل من اتهمني باقتباس المواضيع (الحقيقه وراء مواضيعي ومصدر المعلومات)

المشاركة الأصلية كتبت بواسطة ahmed_h_g

يعنى هوه لازم يجيب حاجات جديده دخلت فى دورة التزييت مثلا" علشان يبقى مميز !!!
خلاص يا أستاذ رامى المرة اللى جايه أكتب أى كلام فى النص علشان يبقى الموضوع جديد يعنى مثلا" أكتب بلى العجل داخل فى دورة تزييت الموتور علشان يبقى موضوع جديد وكوووول وأوفزى
ههههههه
أعذرونى الكلام يغيييييظ :_alshmokh08[1]:.

انا مشوفتش مواضيع ((اوفزى)) قبل كده,,,انا بشوف شباب ((اوفزى)) وانا ماشى فى الشارع...
والف سلامة عليك من الغيظ...روح اعمل كوباية ليمون بالينسون بالنعنان وانتى حتبقى كول اخر حاجة...والحياة حيبقى لونها بمبى...

المشاركة الأصلية كتبت بواسطة ahmed_h_g

يعنى حضرتك لو دخلت القسم التعليمى هتكتب فى كل المواضيع الكلمتين دول .... ده من كلام حضرتك

مفتكرش ان الكلام ده لىّ,,,,بس لو كان لىّ..ربنا يقدرك وتدخل على صفحتى وتشوف مشاركاتى من اول مادخلت المنتدى...ومش حتلاقى ولا حاجة من الكلام اللى انت بتقوله..
ويمكن انا محتاج اغير النضارة وانا مش واخد بالى...

المشاركة الأصلية كتبت بواسطة batoot556

معلش يا جماعة انا ليا راى شخصى ان الراجل يشكر انة بيعمل مواضيع مفيدة وتهم الناس وحاجات جديدة بغض النظر عن المصدر كفاية انة ترجمها ونقلها بالطريقة الجامدة دى وبدل ما نهاجمة نشجعة يا شباب ولا اية
وفى الاخر كلنا اخوات واحسن حاجة فى القسم دة ان كلة بيحاول يساعد بعضة
شكرا

على الأقل مينسبش مجهود الآخرين لنفسه...

المشاركة الأصلية كتبت بواسطة musiccairo

مستر عاطف
اولا شكرا انك بتحاول توضح وجهة نظرك ايا كان الاسلوب


استاذ عاطف مفيش داعي نكبر الامور ونستقر على موقفنا ونقلل من اللي الناس بتعمله ابدااااااااااااااااا بمجرد ان تكون وجهة نظرنا صحيحه او غير صحيحه

اسلوبى مفهوش حاجة....ولا قولت كلام بعصبية ولا خرج منى لفظ...

انا مش مستقر على موقفى ولا حاجة....انا لم يثبت لى عكس موقفى....و3 صفحات من كتاب مش كفيلة انى اغير رأى....
وعمرى ما قللت من مجهود حد....الحمد لله رب العالمين انا ولا معقد ولا منفسن من حد ولا حاجة..

المشاركة الأصلية كتبت بواسطة waelfarid

بص يا عم عاطف
الكلام اللي بتقول عليه اصلي مترجم بالنحوي (لغة عربية واضحة)
الكلام اللي كاتبه رامي واللي انت حاطه موضع اتهام مكتوب بالعامية واللغة الدارجة للتسهيل علي غير الدارسين للميكانيكا سواء مهندسين أو فنيين
والعلم في اساسياته من ميكانيكا مش قصيدة شعركل واحد يغير فيها دي لغة رصينة معلوماتية بحتة مفيهاش فصال
وكل اللي عمله رامي انه خلاها بالعامية وربنا شاهد ومطلع اذا كان نقل ولا لا من صاحب الموضوع الاصلي فأحسن النية وشكرا ليك ولملاحظتك للتشابه وانا لا اعرف لا ده ولا ده احنا عاوزين العلم والمصلحة للجميع ان مداركهم تتسع لايه اللي بيحصل جوة الموتور مش تبقي الناس سواقين دريكسيون وخلاص مع خالص تحياتي ليكو كلكم يا احلي منتدي

ايه ده ؟؟؟؟؟!!!!
انت تقصد ان مش هو اللى كتب الموضوع اصلا ؟؟؟؟؟؟!!!!
لالالالا كده الكلام كبير جدا....
انا الحمد لله بفرض حسن النية...بس مش لدرجة ان الكلام يكون بالترتيب....

المشاركة الأصلية كتبت بواسطة waelfarid

أهو musiccairo سبقني بثواني وكلامنا يدي نفس المعني تقريبا يا أستاذ عاطف معني كدة اني نقلت منه

انت بتتكلم فى حاجة تانية خالص...
ونفس المعنى غير نفس الترتيب غير نفس الكلام....

المشاركة الأصلية كتبت بواسطة أبومريم

متهيألي ردود الناس قبلي بتوضح إن دي مش وجهة نظري لوحدي ولا انت مخدتش بالك من الردود تحب اكتبهالك تاني بخط كبير؟
وبخصوص الأسلوب انا محبش إن حد يكون زعلان مني بس انت كتبت باسلوب هجومي وأنا رديت عليك بنفس الاسلوب ولا انت شايف الاسلوب دا كويس "
انا مش ابن حضرتك ولا بينى وبين حضرتك قرابة ولا فى بيننا عشم عشان تقولى كفاية كده..."

اه يا ريت بخط كبير ويفضل رقم 7 ....بعيد عن حضرتك الكشف قديم وعايز اغير النضارة...

"كتر خيرك خلاص بقى متشكرين جدا وكفاية كدا"


فعلا اسلوب حضرتك كويس....