الموضوع: بأفكر إن شاء لله اشترى واجا

المشاركة الأصلية كتبت بواسطة tutankhamoun

يا جماعة مش مسألة كذا ذمة
في التوكيل يحدث الآتي
التوكيل يجد لك بنك للتقسيط
ثم يتم تخليص الإجراءات مع البنك و ليس مع التوكيل
و التوكيل في الآخر بيأخد فلوسه كامله من البنك
اللي بيفرق نوع البنك و أسمه و طريقه حساباته
بس و ده للتوضيح

هو الى فهمتة ... ان التقسيط المستعمل بيبقى مع عز العرب مباشرة .. لانى سألته .. طيب لية ماينفعش على 60 شهر .. مع انى حدفعلك 50 % من المبلغ .. وحأمن كمان ... قالى البنك مش بيقسط عربيات مستعملة

و قال لو ليك وديعة فى البنك الاهلى .. بس انا قاطعتة قبل مايكمل:D وقولتلة معنديش

عماتا انا حروحلة بكرة تانى واشوف اية نظامهم لانهم فعلا بكذا زمة ... يعنى بيشوف اخرك اية ..

المشاركة الأصلية كتبت بواسطة ahmed_moslem

دفعت 50% يعنى 38000 جنيه و الباقى على سنتين بفائدة 12 % سنويا يعنى 1% شهري يعنى 1965 جنيه كل شهر. بصراحة كده واضح انهم بكذا ذمة
لانى فاكر انهم قلولى زى حضرتك كده فى الاول (15 % سنويا) ولكن لما قلتلهم معايا HR letter وزوجتى ضامن وافقوا لى 12 % و على سنتين.

وانا معاك قلبا وقالبا ان الشكل القديم اشد كتير من الجديد وده اللى خلانى اروح للقسط وماصبرتش.
وأرجو من حضرتك مطالعة الروابط الاتية
شراء بطريقة اسلامية
http://nilemotors.net/Nile/showthread.php?t=5618
حقيقة التأمين وحكمه
http://islamqa.com/index.php?ref=888...85%D9%8A%D9%86
http://www.fiqhacademy.org.sa/qrarat/2-9.htm
وبالتوفيق ان شاء الله

انا متشكر جدا لزوق حضرتك .. وعلى ردك على استفسراتى فعلا انا متفق معاك انهم بمليون زمة كمان ... شوية يقولى سنة وشوية يقولى سنة ونص ........مش عارف هو ليه كل حاجة فى البلد ماشية بالفهلوة .. وفيها غموض .. هو ماينفعش الواحد لما يستفسر على حاجة يلاقى رد قاطع .. لية كل حاجة قابلة للفصال ولما تشترى الحاجة تلاقيها معيوبة ؟؟؟؟؟؟؟؟؟؟ بجد حاجة تخنق ...

تصدق حضرتك لما سألت السيلز مان فى توكيل عز العرب عن الواجا " زيرو " طبعا قالى مافييش ... بس انا قولت اتأكد يمكن عندهم فى المخزن ولا حاجة ... المهم قالى حاجة بجد كان نفسى اقوم واضربة لان بدأ يستغفلنى ... لاقيتة بيقولى " طيب و اشمعنى الواجا الى مصمم عليها ... قولتلة عربية عائلية ومحترمة ومش منتشرة .. ودة الى انا عاوزة .. قالى دية تقيلة جدا فى بيعها .. قولتلة مش مشكلة انا مش حجيبها علاشان ابيعها .. قالى طيب ماتاخد الجين تو فيها خمس حاجات مش فى الواجا ... وهنا بدأت ابتسم ابتسامة صفرا وقولتلة طيب قولهوملى ....
قالى .............
1 الجين 2 فيها فرامل ABS & EBD والواجا مفهاش .
2 الجين فيها سينسور ركن والواجا مفهاش .
3 الجين موتورها هورس باور اعلى من الواجا .
4 الجين فيها اير باجز والواجا مفهاش .
5 الجين فيها جانت 15 والواجا مفهاااااااااش هنا بقى ...... قولت ماينفعش اسكت اكتر من كدة دخلت فية شمال قولتلى الواجا مفهاش جانت ... ازاى بقى دية فيها جانت و16 بوصة وجامد جدااااااااااااااااا .. اصر انة يستغفلنى .. ولقيتة بيقولى انتا بتصدق .. دية طاسة :D:D هنا بقى اعصابى هديت وقولت هو مش فكرة بيستغفلنى ... الفكرة انة غبى ومش بيفهم و ضحكت:D

هوا مكانش يعرف انة وقع فى حارة سد لانى عامل بحث موسع عن الواجا و العربية عجيبانى جدا من ساعة ما جت مصر ... وعارف كل حاجة فيها ........... و الواجا فيها كل الحاجات الى قال انها فى الجين و مش فى الواجا (( بغض النظر عن موضوع الهورس باور لان الجين فعلا الهورس باور اعلى من الواجا )) مع اضافة ان جانت الواجا اكبر واعرض واحلى كتييييييير .......

المهم معلش انا خرجت برة الموضوع بس اصلى متغاظ من الناس دول ... انا حروح بكرة اشوف اية نظامهم تانىىىىى ... ولو مكانش كدة ممكن احول نظرى على النيو اكسنت وخلى لمستر عز العرب عربيتة .. زى العروسة قدام التوكيل لغاية ماتصدى

المشاركة الأصلية كتبت بواسطة ahmed_moslem

وانا معاك قلبا وقالبا ان الشكل القديم اشد كتير من الجديد وده اللى خلانى اروح للقسط وماصبرتش.

انا بقول الفيس ليفت الى عملوه للواجا دة ... تشوية .. عملية تشوية .. حطولها فوانيس خلفية صينى وشبكة صينى وحطولها جانت اصغر من الى كان بينزل فيها ...:(

اخيرا ارجو ان حضرتك تطمنى اية الى حصل معاك فى موضوع استهلاك .. واتمنى انة يكون اتحل بأذن الله