بأفكر إن شاء لله اشترى واجا

**nader.elalaily** · 08-01-2008 03:39 PM

كل سنة وانتم طيبيين بمناسبة العام الهجرى الجديد
فى الحقيقة انا بأفكر اشترى سيارة واجا لانى باحب الشكل الكلاسيك و بعد دراسة الامكانيات فى حدود 85000 جم و ايضا امكانيات السيارة و ايضا لانى بأدور على سيارة صاجها محمل يعنى قوى زى صاج زمان و فعلا بالمشاهدة و التجربة بأنى ضغطت و خبطت علية فى التوكيل لقيتة جامد و ذلك لانى اعانى من خفة صاج سيارتى بالرغم انها ميتسوبيشى لانسر 1300سىسى موديل 2007 و مواصفات مصرية و لكنها خنقتنى من ناحية بعض الخبطات الخفيفة و اللمسات اللى تكلفتها بتدبح و انا عارف انها سيارة جيدة جدا ولها اسم و لكنى تعبت منها و اللة و اعلم اتقفلت منها و صليت كذا مرة صلاة استخارة
و انا سألت عن الواجا فى توكيل عزالعرب فى الاسكندرية سواء الداون تاون او اول الطريق الزراعى
فأخبرونى ان مفيش منها دلوقت يمكن زى مابيقولوا علشان الشكل الجديد اللى حينزل من بروتون واجا - موتور كامبرو الجديد و لكن مالقيتش عندهم بروشور للشكل الجديد . و بيتكلموا فى التوكيل فى اسكندرية زى مايكون ماعندهمش فكرة ان فية شكل جديد و كل تركيزهم على بيع السيارة جين 2
افيدونى هل رأئى صح على بيع الانسر و شراء بوتون واجا سواء الشكل الجديد او القديم على حسب مايورد جديد عند التوكيل و هل صاجها فعلا قوى . لان دة اللى يهمنى اكثر من السرعة .
استاذ نادر
رجاء تحري كتابة لفظ الجلالة وكلمة ان شاء الله
الله تكتب بالهاء وليست بالتاء
الادارة
تم تعديل العنوان، الادارة (2).

**TAG_Turbo0** · 08-01-2008 04:07 PM

الواجا عربية ممتاذه جدا بس موتور الكام برو لسه منزلش مصر ممكن حضرتك تكلم التوكيل تسأله هينزل ولا لأ
بس خلى بالك الموتور الموجود حاليا حتحس معاه بفرق عن أداء الانسر
يعنى موتور الانسر رياضى أكتر وبيديك تسارع أعلى
لكن موتور الواجا الحالى مصمم للسير داخل المدينة يعنى بيدى تسارع أقل وعزم أكتر وكما بيوفر بنزين
فى مواضيع كتير عن الواجا فى منتدى البروتون ممكن حضرتك تبص عليها هتفيدك كتير ان شاء الله
وربنا يوفأك وتعرف تختار العربية الى تناسبك

**fahd_628** · 08-01-2008 04:15 PM

صاج الواجا فعلا قوى و العربية ممتازة و المحرك الميتسوبيشى بيخرج عزمة عند 2750 دد و دية دورات قليلة متانسبة للقيادة العادية و عزمة كويس و تسارعها كويس اقوى بمراحل من الانسر 1300 سى سى و العربية ثباتها ممتاز احسن من الانسر

**nader.elalaily** · 08-01-2008 04:20 PM

شكرا على الرد ياتاج باشا
انا شفت منتدى بوتون و قرأت فية كتير و لكن انا وجهة نظرى ان الصاج اقوى و الموتور اعلى 1600 سىسى و ايضا اتقل فى الوزن و اكبر مساحة و ايضا اعتقد ان الموتور بتاع الواجا موتور ميتسوبيشى جالانت و انا باعانى من مشكلة خفة الصاج و دايما الكليبسات البلاستيك بتاعة الاكصدام الخلفى خصوصا بتتكسر بمجرد اى حد يريح عليك و هو بيركن سيارتة خلفك و لاحظ ان انا معايا عيلة مش لوجدى يعنى مش مهم عندى او التجميع السريع فى كام ثانية و على فكرة الانسر برضة بتاكل بنزين مش اقتصادية اوى و افتكر ان اسعار قطع الغيار واحدة
و نرجو ايضا مشاركة الباشمهندس ابوعبدالرحمن هو فين ؟

**memo_hefnawy** · 08-01-2008 04:33 PM

دكتور نادر عربيتك الحالية حلوة

و قصة إنك تجيب صاج محمل صدقنى مش هايفرق كثير معاك

الواجا عربية حلوة جدا و مش هاتحس بفرق فى السحب ولا حاجة خصوصا إنك راكب 1300 حاليا

الواجا أفضل تقفيل و خامات فى عربيات بروتون الحالية فى مصر

لكن بما إنك من إسكندرية أكيد الصيانة بالنسبة ليك إنت أدرى بيها يعنى لو عندك مركز خدمة محترم للتوكيل أوكيه لكن هاتنزل هنا يبقى حرام

ثانى حاجة إعادة البيع للواجا مش حلوة خالص

أخيرا الواجا الشكل الجديد هاينزل هنا على شهر 2 أو 3 بالكثير ده كلام المبيعات فى التوكيل أنا كنت هناك أول إمبارح

بروتون هاتنزل هنا 4 عربيات :

النيو واجا
النيو جين 2 (127 حصان تقريبا ده الفرق الوحيد عن الحالية)
عربيتين تانيين محدش من التوكيل أفادنى بأسمائهم إيه بس فيه منهم واحده هاتحل محل الويرا و واحده صغيره هاتش باك غير السافى السافى مش هاتنزل هنا

لو أنا مكانك مش هابيع اللانسر هاتاخد وقت و تتأقلم و كل العربيات بتتخبط و هى واقفه حتى لو هى إيه
عايز ترتاح هات جيب رانجلر :) و دى مش هاتخاف عليها نهائى غير كده أيا كانت العربية معرضه إن كشافه يتكسر أو الصاج يتطبق من ترييحه أو غيره
طالما العربية مش تاعباك فى سواقتها أو إمكانيتها يبقى حرام تغيرها

**nader.elalaily** · 08-01-2008 04:45 PM

شكرا ياباشا على الرد و لكن انا المشكلة ايضا فى قطع غيار الانسر عالية جدا و المشكلة زى ماكنت بأقول ان مفيش خلفها اى دعامة يعنى و الله اى لمسة تلاقى اللى بيخبطك داخل عليك جوة الصالون و طبعا انا عارف ان الحادثة قدر

تاني تنبه
الادارة

**fahd_628** · 08-01-2008 04:48 PM

النيو جين 2 (127 حصان تقريبا ده الفرق الوحيد عن الحالية)

متعرفش يا باشا حتنزل امتى اصل دية الفيسليفت الى بمحرك CPS 127 حصان و التابلوة بتاع البرسونا خاماتة احسن و الطارة جلد الموديل دة جبار لو نزل بنفي الأمكانيات و السعر الحالى بجد حيتكسح السوق فى فئتة السعرية فا ياريت تقولى حتنزل امتى لو تعرف !

**memo_hefnawy** · 08-01-2008 04:54 PM

فهد باشا
إمتى؟ معلوماتى على شهر 2 أو 3

البيرسونا هاتنزل و النيو جين 2 و موديل جديد مش عارف إيه و النيو واجا

الأسعار طبعا لم تحدد :)

========

دكتور نادر الكليبسات فى أى عربية بتتكسر و مش عايز أقولك إن دى حاجة مالهاش دخل بقوة الصاج دى بترجع للكليبس و قوة الخبطة

قطع الغيار الواجا قطع غيارها مش رخيصة و أعتقد اللانسر إنتشارها يحقق ليها رخص أسعار قطع الغيار و عموما إنت فى أول 3 سنين على الأقل مش هاتحتاج تغير حاجة إلا لو مخبوطة وربنا مايجيبش خبطات

**ahmed_moslem** · 11-01-2008 02:40 AM

المشاركة الأصلية كتبت بواسطة TAG_Turbo0

لكن موتور الواجا الحالى مصمم للسير داخل المدينة يعنى بيدى تسارع أقل وعزم أكتر وكما بيوفر بنزين

عربيتى واجا بريميوم 2006 اوتوماتيك لسه شاريها من شهر استهلاكها لا يتعدى 180 ك فى الصفيحة.
ما رأيكم فى هذا الاستهلاك

**volcano12** · 11-01-2008 03:06 AM

المشاركة الأصلية كتبت بواسطة fahd_628

متعرفش يا باشا حتنزل امتى اصل دية الفيسليفت الى بمحرك CPS 127 حصان و التابلوة بتاع البرسونا خاماتة احسن و الطارة جلد الموديل دة جبار لو نزل بنفي الأمكانيات و السعر الحالى بجد حيتكسح السوق فى فئتة السعرية فا ياريت تقولى حتنزل امتى لو تعرف !

المشاركة الأصلية كتبت بواسطة memo_hefnawy

فهد باشا
إمتى؟ معلوماتى على شهر 2 أو 3

البيرسونا هاتنزل و النيو جين 2 و موديل جديد مش عارف إيه و النيو واجا

الأسعار طبعا لم تحدد :)

========

دكتور نادر الكليبسات فى أى عربية بتتكسر و مش عايز أقولك إن دى حاجة مالهاش دخل بقوة الصاج دى بترجع للكليبس و قوة الخبطة

قطع الغيار الواجا قطع غيارها مش رخيصة و أعتقد اللانسر إنتشارها يحقق ليها رخص أسعار قطع الغيار و عموما إنت فى أول 3 سنين على الأقل مش هاتحتاج تغير حاجة إلا لو مخبوطة وربنا مايجيبش خبطات

الاخبار ده زى ما تفرح عشان الموتور أقوى, على قد ما الواحد يخاف من سعرهم لما ينزلوا خصوصا لو ناوى يجيبها :(

الموضوع: بأفكر إن شاء لله اشترى واجا

LinkBack

أدوات الموضوع

عرض

-

-

-

-

-

المواضيع المتشابهه

بأفكر اشترى كاسيت سيتى ساوند، ممكن الى جربه يدينى نصيحة !

عاوز اشترى واجا و محتاج مساعدتكم

بأفكر اشترى ماتيرا ..ايه رأيكم

بأفكر اشترى اسبيرانزا

الكلمات الدلالية لهذا الموضوع

المفضلات

المفضلات

ضوابط المشاركة