الموضوع: قياس الزيت

مش عارف لكن متابع لانى يهمنى اعرف نتيجه زيادة الزيت عن المعدل
وعلشان لا اخرج من المداخله بدون افاده سوف احكى موقف حصل لى احب ان اخبركم به ولنتعلم كلنا
روحت اغير زيت فى المسئول قال لى تحب اغير فلتر الزيت قلت له ماشى غيرة
ونظرا لان مكان الفلتر اسفل السيارة استحال على متابعته المهم غير الفلتر واضاف جركن الزيت بالكامل ومشيت
وبعد استهلاك حوالى 1650 كيلو ذهبت لمكان اخر من اجل تغير الزيت فقط غيرته وانصرفت
وفى مكان عملى كانت البطارية نايمة على الاخر حبيت ازقها بمعاونه بعض الزملاء لكن للاسف لم تفلح المهم استعرت بطارية دورت بها السيارة وهى واقفه ودارت السيارة ونبهنى احد زملاءى بان زيت المحرك ملى الارض فوقفت السيارة فورا وعاينت ايه اللى حصل
النتيجه انى وجدت فلتر الزيت واقع على المصفحه اسفل السيارة والزيت كله صار فى الارض
ذهبت فورا لشراء جركن زيت اخر واستعنت بفنى بجوار عملى من اجل تركيب الفلتر وزياده الزيت فى المحرك وكانت الطامه الكبرى وغياب الضمير
الفلتر اللى راكب كان واسع شويه معرفش الفنى اللى غيرى شبطه ازاى
اشتريت فلتر مناسب خاص بسيارتى والحمد لله ركبته بنفسى وزودت الجركن بالكامل ومشيت بسيارتى وحمدت الله على ان المحرك لم يحدث له مكروه وان المشكله حصلت امام عملى لانى لو كانت فى عرض الطريق كنت اتبهدلت
اتمنى من الساده الاعضاء ان يتابعوا كل صغير وكبيرة تتعمل فى سيارتهم نظرا لغياب ضمير الفنيين

الزيت الزياده يضر الماتور ويبوظ الاولسيهات
لو الزيت ناقص عادي أنما زياده لا

المشاركة الأصلية كتبت بواسطة ahmed galal

الزيادة لو كتير طبعا مش كويسة و هاتضرب اضعف حاجة و هيا الاويل سيلات و تبتدى المكنة ترشح زيت دا غير ان الزيت هاييجى على البوجيهات و يتحرق يعنى لخبطة ما لهاش لازمة لكن فيه زيادة معقوله يعنى بالكتير نص سم على المقاس و المفروض الواحد يعرف عربيته بتاخد قد ايه بالفلتر و يشوف اللى بيتفضل من جركن الزيت و يعرف ان اتحط زيادة و لا لأ
و انا هاطلب من حضرتك حاجة انك تركن العربية يوم كامل من الصبح و تيجى تانى يوم تشيك على المقاس و العربية باردة وواقفة فوق سطح مستوى تماما كده هاتقدر تجزم ان فيه زيت كتير و لو هاتقدر ترفعها تهوى الطبة شوية تنزل فى الزيت و ترجع تقيس يبقا كويس مش هاتقدر يبقا تطلع على بنزينة يهووا الطبة شوية و يسيبوها تتدلدق حبة زيت و يربطوها و تعيد التاكيد تانى على المقياس و ان شاء الله خير

اشكرك على ردك الوافى وغدا باذن الله سأعيد القياس ولو كده هعدى على بنزينه وانا مروح وربنا يستر