الاخوة الافاضل محتاج وصف دقيق لطريق يوصلني من المنصورة الي واحة عمر اللي علي الطريق الصحراوي
وياريت اللي يوصف يكون عارف كويس ان اللي هيسوق ما يعرفش حاجه في محافظة المنوفية
انا عارف طريق واحد وهو الي القاهرة ومنها الي طريق اسكندرية الصحراوي لكن ده طويل جدا انا عايز طريق اقصر عبر المنوفية
وجزاكم الله خيرا
صعب جدا..المسافة بين الزراعي والصحراوي كبيرة جدا..ومفيش غير وصلة واحدة عند أبو المطامير ودي عذاب..والسادات تنتمي للمنوفية فعلا ولكنها في الجانب الصحراوي منها
طول عمري باسأل نفسي ازاي مافيش محور عرضي يصل الزراعي بالصحراوي ......
انا منتظر الاجابة معاكم من حد يكون جرب الموضوع ده
والله انا دورت كتير في المنتدي ما لقيتش غير الموضوع ده
http://www.nilemotors.net/Nile/98127-a.html
بس للأسف ده بيتكلم عن سفر مواصلات مش طريق موصوف لك بما عليه من قري او مراكز او مدن ولكن بيدل علي ان الطريق موجود لكن مين جربه هنا ويقدر يوصفه لنا
لما بحثت في google maps لقيت فيه شبكة طرق كبيرة في المنطقة دي مابين الزراعي ومدينة شبين الكوم وكذلك ما بين شبين والسادات و مدينة وادي النطرون وغيرها لكن اي هذه الطرق أفضل وسريع وممهد ؟ الله اعلم
في انتظار باقي الردود والأراء ربنا يبعتلنا واحد منوفي يكون حافظ المنطقة دي
دي صورة خريطة جوجل للمنطقة دي
http://maps.google.com/?ie=UTF8&om=1...8,2.458191&z=9
ايه يا جماعه هو مافيش هنا حد من المنوفية ولا ايه ؟؟؟؟؟؟؟؟
انا رأيي انك تضحي بالمسافة من اجل السلامة وجودة الطريق
خد طريق المنصورة - بنها - القاهرة وبعدين الدائري من قبل ما تدخل القاهرة الى المحور ثم الصحراوي عند البوابات
واضح ان الطرق الموجودة بين الزراعي والصحراوي طرق فرعية وتعبانة وبتمر بالعديد من القري والبلاد الصغيرة ... بلاش تجازف بالسفر في طرق لا تعرفها .... وحتى الزملاء هنا لا يعرفونها
....
توصل بالسلامة يا باشا
فيه طريق من كفر الدوار - ابو المطامير - الصحراوى
وفيه طريق من قويسنا - شبين الكوم - السادات
والاثنين طرق تمر بقرى كثيرة وحالتها مش مضمونة
الافضل هو كما قال الحاج احمد , هو طويل بس مضمون وهيكون اسرع
هو بص في طريق بس هايبقي صعب شويه للي مايعرفش المناطق دي بس عموما هو طريق معقول و في عربيات بتمشي عليه و كده يعتبر طريق رئيسي بردوا و سهل بعض الشئ
حضرتك من المنصوره هاتمشي لحد ميت غمر و عند كوبري ميت غمر هاتخش يمين في اتجاه اسكندريه الزراعي هتوصل عند طنطا كده و منها هاتمشي في اتجاه القاهره لحد مدخل حوش عيسي هاتخش يمين و منه الي الطريق الصحراوي
دا اسهل طريق و مافيهوش تفريعات كتيره و لو لاقدر الله توهت اسال اي سواق ميكروباص او اقولك حاجه اسهل لما توصل ميت غمر انزل من العربيه و شوف اي سواق ميكروباص ووقفه شوفوا رايح فين و لو ماشي لحد طنطا قولوا انا وراك و كذلك لما توصل حوش عيسي بردوا هتلاقي عند المدخل قهوه اقف عندها و بردوا نفس الموضوع شوف ميكروباص رايح اسكندريه الصحراوي و ظبط معاه علي اساس انك تمشي وراه لحد ماتوصل بالسلامه
الله يسلمك أستاذ أحمد ومتشكر جدا لمشاركتك وفعلا هو ده اللي هيحصل ولكن نترك الباب مفتوحا لأي حد يقدر يعرفنا علي حاجه جديدة لأننا بنسافر كتيييييييير ومحتاج أعرف كل ماهو جديداقتباس:
المشاركة الأصلية كتبت بواسطة aif
جزاكم الله خيرا
جزاكم الله خيرا علي النصيحة أ. جمال وفعلا كلام الحاج أحمد هو اللي هيحصل لحين إشعار أخراقتباس:
المشاركة الأصلية كتبت بواسطة جمال
فعلا كلامك صح والطريق ده شفته علي google maps بس كنت عايز حد جربه يكون أحسناقتباس:
المشاركة الأصلية كتبت بواسطة walidadel
الله المستعان هبقي أجربه انا مرة تانية لأن اللي هيروح المشوار ده أخويا وأخاف يدعي عليا لما يمشي فيه
جزاكم الله خيرا جميعا ومازلنا في انتظار احد الأعضاء يكون من المنطقة دي ومجرب هذه الطرق
أؤيد بشدة هذا الأقتراح.اقتباس:
المشاركة الأصلية كتبت بواسطة aif
أنا لسه عامله فى شم النسيم اللى فات و طلعت من ميت غمر بالطريقة أعلاه و أقربائى كانوا مستنينى بعد بوابات الصحراوى و أنطلقنا معا و قضينا اليوم هناك.
المثل بيقول امشى سنة و لا تعدى قناة.