صوت مضايقنى قوى

**popahly** · 28-04-2010 11:56 PM

أخش فى الموضوع على طول...

بقالى فترة كدا بسمع صوت اما اكون ماشى هادئ جدا فى المطبات بمعنى ان العربية لما بتروح شمال ويمين مع المطبات بسمع فى الخلف كدا اكن سيلك بيخبط فى صاج العربية كدا وقلبت الشنطة كلها وظبطها على اساس يمكن الصوت من حاجة فى الشنطة ولكن دون فائدة الصوت على فكرة مش مستمر فى جميع المطبات دا بس بسمعه وانا ماشى بالراحة مثال مثلا فى البلوة اللى فى الشارع اللى اسمها عين القط ارجوا إفادتى وشكرا

**hossamhindawi** · 29-04-2010 12:06 AM

ممكن يكون الشكمان عايز شداد
كانت عندي وجبت شداد شكمان جلد وراح الصوت بعدها

**popahly** · 29-04-2010 12:08 AM

المشاركة الأصلية كتبت بواسطة hossamhindawi

ممكن يكون الشكمان عايز شداد
كانت عندي وجبت شداد شكمان جلد وراح الصوت بعدها

انا كنت شاكك فى الموضوع دا بس الميكانيكى بص عليها وقالى هى فعلا الكاوتشة كانت مش محكومة كويس وظبطها بس الصوت زى مهو هل فيه فرق بين الكاوتشه والشدادة ولا ايه ؟

وشكرا ليك يا بشمهندس حسام

**محمد الشامي** · 29-04-2010 12:14 AM

طيب حضرتك فكيت فرش الشنطه (البطانه البلاستيك) وبصيت يمكن في حاجه مفكوكه وراه ؟؟

هو الصوت عامل زي ما يكون رنه حديد كده ؟؟؟؟

**popahly** · 29-04-2010 12:32 AM

المشاركة الأصلية كتبت بواسطة محمد الشامي

طيب حضرتك فكيت فرش الشنطه (البطانه البلاستيك) وبصيت يمكن في حاجه مفكوكه وراه ؟؟

هو الصوت عامل زي ما يكون رنه حديد كده ؟؟؟؟

شكرا على تداخلك معانا يا بشمهندس محمد ربنا يباركلك...

الصراحة انا بصيت على الشنطة كلها وشيلت الإستبن وبصيت تحتيه مفيش حاجة انما الفبر اللى فى الجانبين مفكتهوش الصراحة

والصوت عامل زى صوت الحزام لما بيخبط فى الفبر كدا لما بتقلعه وتكون نازل من العربية بس مع اختلاف صوت الصاج اما بيتخبط كدا بحاجة خفيفة ياعنى اكن سيلك بيخبط فى الصاج مش صوت حديدى خالص

**محمد الشامي** · 29-04-2010 12:37 AM

طيب هقولك حاجه يا استاذي

ممكن يكون سلك الإريال او سلك هاند الشنطه اتفك من مكانه مثلا وبيخبط في صاج الرفرف الشمال من ورا البلاستيك

لعلمك انا جت عليا فتره وكنت بسمع صوت مشابه للوصف بتاعك وكان مجنني , وقلبت الدنيا على الصوت ده وفي الاخر طلعت الكنبه اللي ورا مش مبيته كويس في مكانها , وهي بتمسك في ارض العربيه بصباعين حديد , والصباعين دول كانو طالعين نازلين مع المطبات يعملو صوت

يعني ان شاء الله هتلاقي الحكايه بسيطه

**popahly** · 29-04-2010 12:38 AM

المشاركة الأصلية كتبت بواسطة محمد الشامي

طيب هقولك حاجه يا استاذي

ممكن يكون سلك الإريال او سلك هاند الشنطه اتفك من مكانه مثلا وبيخبط في صاج الرفرف الشمال من ورا البلاستيك

كلام معفول فعلا ووارد بس ايه هو سيك هاند الشنطة دا ؟

**hossamhindawi** · 29-04-2010 12:43 AM

[QUOTE=popahly;3872602843]انا كنت شاكك فى الموضوع دا بس الميكانيكى بص عليها وقالى هى فعلا الكاوتشة كانت مش محكومة كويس وظبطها بس الصوت زى مهو هل فيه فرق بين الكاوتشه والشدادة ولا ايه ؟

شوف ميكانيكي تاني واذا قالك نفس الكلام يبقى تشوف مصدر الصوت ايه بالضبط

**محمد الشامي** · 29-04-2010 12:47 AM

المشاركة الأصلية كتبت بواسطة popahly

بس ايه هو سيك هاند الشنطة دا ؟

الهاند اللي حضرتك بتفتح بيها الشنطه من جوا العربيه , مرتبطه بسلك ماشي من تحت الموكيت وداخل على الشنطه ورا ومعدي على جنب الرفرف الشمال وماشي من تحت الفانوس الشمال لغايه ما يوصل للمكان اللي بينزل فيها لسان الشنطه

دي صوره للتوضيح , بس معلش انا كنت كاتب عليها حاجات لزميل هنا في المنتدي , لكن اظن ان قصدي هيوصل , السلك المقصود اللي مكتوب عليه (وير الهاند بتاع الشنطه) والسلك واصل لغايه المكان اللي مكتوب عليه (الفتحه المقصوده)

**محمد الشامي** · 29-04-2010 12:48 AM

هقول لحضرتك احتمال كمان

الغطاء البلاستيك اللي فوق العجل الخلفي (اظن اسمها كارتيره العجل) ممكن يكون مفكوك شويه وبيخبط في حديد الرفرف , اتوقع ان الصوت هيكون قريب من وصفك

الموضوع: صوت مضايقنى قوى

LinkBack

أدوات الموضوع

عرض

صوت مضايقنى قوى - انشر الموضوع فى :

-

-

-

-

-

-

-

المواضيع المتشابهه

شنطة اللوجان مضايقنى

حاجتين مضايقنى فى سى دى السيراتو

صوت تزيق داخل العربيه مضايقنى جدا برجاء المساعده

موضوع مضايقنى جداعلى الطرق

الكلمات الدلالية لهذا الموضوع

المفضلات

المفضلات

ضوابط المشاركة