الموضوع: بالله عليكم أفيدونى فى الأكسنت 2000

جزاكم الله خيرا استاذ magyver
بس لى سؤال هلى لو اتصلح بيجع كويس تانى زى الاول
ولا شكله بيبقى وحش و ياريت لو تعرف حد هنا فى القاهرة تبقى خدمتنى

المشاركة الأصلية كتبت بواسطة alaaeldeinm

ياجماعه بالله عليكم أفيدونى لأنى خلاص تعبت
انا لسة شارى عربية أكسنت 2000 1300 cc
المهم التابلوة فى شرخ بشع تقريبا قاطع التابلوة بالعرض
و دورت على تابلوة فى الحرفيين مش لاقى غير تابلوة كامل بالعدادات وده
بيعمل من 700 لـ 800 جنية وده كتير حسب ما أسمع
ياريت لو حد يعرف مكان بيتباع فية يدلنى و ياريت لو حد جابة يقولى سعرة كام
و كمان لو فى منتديات او روابط لأسعار قطع الغيار للعربية الأكسنت
وا الصيانة يفيدنى و جزاكم الله كل خير

انا عندى نفس مشكلتك و عربيتى نفسها بس موديل 1999
و حاولت شراء تابلوه فى حدود السعر اللى انت قولت عليها ، اقل تابلوه ب 650 او 600 و حالته مش كويسه كمان ، بس اكتشفت ان فك و تركيب التابلوه ، لازم يركبها واحد محترف جدا ، عشان يبقى زى الأول و مظبووط ، و انا صرفت نظر عن الموضوع ده ، بالنسبه للحام ، بيرجع تانى ، او ممكن يشرخ من مكان تانى ، و دى مشكله فى الهيونداى اكسنت عامة مش عندك بس ، انا بفكر ألحمه من غير ما افكه عشان الصراحة مش بحب اللعب فى وصلات الكهرباء و التكييف بالنسبه للشكل ، هو الصح انه يتفك و يتلحم و يتصنفر و يترش ، بس انا هحاول الحمه بس كده ، و بعد كده بفكر اعمله كسوه جلد شيك تغطى التابلوه كله ، و حاليا انا مغطيه بفرش فرو جامد ، و مش باين اى حاجه ، يا رب اكون افدتك صديقى

انا لسة شاري اكسنت 1999 وعندي نفس مشكلتك وجبت فرش تابلوه من كارفور تحفة و بــ 25 جند ومداري كل حاجة وشكله شيك جدا غير الفرو خالص