جزار كفر الشيخ يتحدى عمرو أديب

**mahfouz1983** · 29-04-2010 12:47 AM

جزار كفر الشيخ يتحدى عمرو أديب

فكرة ساخرة لبيع اللحوم

لجأ جزار بكفر الشيخ إلى فكرة ساخرة لبيع المزيد من اللحوم وبسعر أقل، حيث قام بخفض سعر كيلو اللحمة البناتى مشفى إلى 42 جنيها فقط، وقام بتعليق لافتات كبيرة على محله وكتب عليه "بالعند فى عمرو أديب كيلو البناتى بـ42 جنيها" فى منطقة تعد من أرقى أحياء كفر الشيخ، متبعا سياسة "بيع أكتر تكسب أكتر".

قال رضا إسماعيل الجزار: "إنه أراد توجيه رسالة لعمرو أديب ببيع كيلو اللحمة بناتى بـ42 جنيها فقط ليبلغه أن غلاء اللحوم بالطريقة التى يتحدث عنها فى برنامجه "القاهرة اليوم" يعد "وهميا"، ويمكن أن يحطمه الجزار، وأن السعر الذى يردده الناس والإعلاميون ما بين 50 إلى 100 جنيه مبالغ فيه، ولذا قررت أن أضع حدا للغلاء، ولو أصبح الجزار يكسب القليل وبدلا من ذبح 3 رءوس فى اليوم فإنه يقوم بذبح 5 رءوس".

وأضاف رضا: "صممت أن أوجه رسالة لعمرو أديب وجميع المواطنين بأنى أبيع كيلو اللحمة بناتى بـ42 جنيها فقط وهاكسب فيه ومشفى ومذبوح بمجازر كفر الشيخ".

وفى السياق نفسه وضع صاحب محل المتوكل على الله بحى المحاربين بمدخل طريق كفر الشيخ دسوق لافتة كتب عليها: "كيلو اللحمة بـ35 جنيها دون تحديد نوع اللحمة

**نور القمر** · 29-04-2010 01:16 AM

طيب ما الواحد بيشوف جزارين كتير اسعارهم رخيصة بس الواحد مبقاش مطمئن لحد خالص لا الغالي ولا الرخيص
مالها يعني الطيور والارانب ده جوز حمام محشي فريك احسن من اي لحمة

**Terrible_DaRsH** · 29-04-2010 02:01 AM

سبحان الله , مبحبش اللحمة ابدا .

مش بتتاكل غير مفرومة لما بتتعمل مع الاكل .

و كمان مش صحية لكل الناس .

**Kareem_A** · 29-04-2010 02:09 AM

المشاركة الأصلية كتبت بواسطة terrible_darsh

سبحان الله , مبحبش اللحمة ابدا .

مش بتتاكل غير مفرومة لما بتتعمل مع الاكل .

و كمان مش صحية لكل الناس .

سيبك انت , صورة التوقيع عالية اوي :) , فرحان فيهم

آسف لصاحب الموضوع لخروجي عن الموضوع

**Terrible_DaRsH** · 29-04-2010 02:12 AM

المشاركة الأصلية كتبت بواسطة Kareem_A

سيبك انت , صورة التوقيع عالية اوي :) , فرحان فيهم

آسف لصاحب الموضوع لخروجي عن الموضوع

انا محدش كان طايقنى على القهوة علشان بشجع الانتر , كنت فرحان و لا كان منتخب مصر بيلعب , خصوصا انى بشجع الانتر من اول البطولة .

الحمد لله .

**Kareem_A** · 29-04-2010 02:16 AM

المشاركة الأصلية كتبت بواسطة Terrible_DaRsH

انا محدش كان طايقنى على القهوة علشان بشجع الانتر , كنت فرحان و لا كان منتخب مصر بيلعب , خصوصا انى بشجع الانتر من اول البطولة .

الحمد لله .

احنا ممكن موضوع مستقل بقا عشان انا برده كنت بشجع الانتر ههههههه

**E30power** · 29-04-2010 04:14 AM

برضك اسف لصاحب الموضوع ........برضك البارسا بارسا والى حصل النهاردة دة خووووف ورعب من مورينو ....على فكرة انا برشلونى من 5 سنين ,,هههههه ومقاطع اللحمة علشان الموضوع

**kemoelord** · 30-04-2010 01:37 AM

المشاركة الأصلية كتبت بواسطة نور القمر

طيب ما الواحد بيشوف جزارين كتير اسعارهم رخيصة بس الواحد مبقاش مطمئن لحد خالص لا الغالي ولا الرخيص
مالها يعني الطيور والارانب ده جوز حمام محشي فريك احسن من اي لحمة

على فكره الحمام لما يتحشي بالرز احلى ههههههههههههههههههههههههه ههههههههههههههه ,,,

ايه يا جماعه انتوا خرجتوا عن نص الموضوع وبتتكلموا في الكورة , بس عموما انا اساسا بكره برشلونه (انا اساسا ريالاوي) وفرحت جدا لما الانتر كسب ومورينهو قعد يغيزهم ههههههههههههههههههههههههه هه في الكامب نو