لو الاتوماتيك مش مكتف معاك العربية والسحب تمام انا ناوي بأذن الله اغيرها اتوماتيك لان الفتيس عندي تاعبني وهايتغير عاجلا ام أجلا وانا زهت من المانيواااااااال
هاااااااااااااااااااااااا ااااااايل ما شاء الله
تحيه كبيره على الشغل ده
ربنا يباركلك في العربيه
الف مبروك على العربية واسمحلي اقول للميكانيكي اللي عملك الشغل الهايل ده انه بجد عبقري
اولا مبروك علي التعديل ثانيا جهد رائع جداااااااااااااااااااا وشرح وتصوير أجمل ربنا يباركلك
مجهود جبار وشغل جامد
بس ليا سؤال
هل فيه نتشة او رجة بتحسها ف النقلات دلوقتي
ولا كأنه أوتوماتيك بتاعها؟؟؟
الف مبروك يا عبد الرحمن على التعديل... ويايرت تمشى بيها مشوار محترم وتكتبلنا تقرير عنه.. ويا ترى القاعدة اللى انتا عملتها دى هتعلمك اى مشكلة مع تجديد الرخصة..؟؟.. ياريت حد يفيدنا يا جماعة
أكبر فائدة في الموضوع ده هو الدعوتين الحلوين اللي أخدتهم من أمي بعد الراحة اللي حسيت بيها وهي سايقة العربية .... دعوتين بالدنيا وما فيها ....
ربنا يباركلك فيها ويرزقنا جميعا بر ابائنا
الف مبروك تجربة جميلة و رائعه
بس المهم من دا كلة نمرة العربية ( هـ 2)
مبروك ياباشا انا برده عايش القصه دي والعربيه لسه عند الميكانيكي بس انا غيرت موتور بفتيس عشان الماتور عندي ضرب.
بس انا عندي مشكله مش عارف موجوده عندك ولا لا في رزعه في الفتيس مش عارف من ايه وبعدين طلعت جربت امبارح الفتيس بيأخر في النقل.ياريت حد متخصص يفيدنا في القصه دي
وبعدين المشكله الاهم المررو ايه قصته عشان التعديل في قاعد الماتور الشمال لان الواحد خايف يغططوا في التجديد ولا عند الفحص
ما شاء الله ولا قوة إلا بالله
اولا هذا توفيق من الله وطبعا لايخفى تأثير وفضل دعاء والدتك وربنا يعينك على برها.
شغل تمام وطبعا انت قدرت تجمع المعلومات كاملة من الأعضاء والزملاء الأفاضل عن كل حاجة وخصوصا موضوع فردة الشاسية ده ربنا يبارك للأستاذ ممدوح فعلا ملاحظة أمينه .
وطبعا موضوع البراكيت الخاص بتثبيت الدينامو وخرطوم سربنتينة السخن بردة ملاحظات جيدة.
الحل الي عملته يا رب يكون تمام ومتين بالنسبة لتثبيت الفيتيس .
تكلفة اقدر اقول ممتازة ورخيصة النسبة للفائدة الهايلة ديه.
في النهاية فعلا تقرير جميلا وواضح وموضوع هايل يستحق التثبيت
جزاكم الله خيرا على موضوعك المفيد وعلى عرضك مساعدة المهتمين بنفس التجربة.