انا معايا 127 نصر موديل 83 و عايز أعملها عمرة موتور
عايز اعرف هتتكلف كام و هاتكون احسن ولا اشتري موتور استيراد احسن
وياريت حد يقولي حغير اية في الموتور وحشتري منين قطع الغيار علما انا من اسكندرية
عرض للطباعة
انا معايا 127 نصر موديل 83 و عايز أعملها عمرة موتور
عايز اعرف هتتكلف كام و هاتكون احسن ولا اشتري موتور استيراد احسن
وياريت حد يقولي حغير اية في الموتور وحشتري منين قطع الغيار علما انا من اسكندرية
لو هاتعمل عمره كامله وتغير كل شىء والديسك والأسطوانه لن يقل عن 2500 جنيه والكيلانى فى القاهره عنده قطع الغيار الأصليه فممكن الميكانيكى ينزل معاك وتشترى كل اللى انت محتاجه والأشياء الصغيره ممكن تبقى تجيبها من اسكندريه وانا لسه عامل طقم شنبر فقط من 3 أشهروكنت فاكر انى هادخل فى عمره لكن الحمد لله واتكلفت حوالى 650 بالزيت والفلتر
بص يا باشا انا من الاسكندرية ممكن اظبتك مع الميكانيكى بتاعى هو فى سيدى بشر و هو استاذ و حوار الفلوس ممكن اظبتهولك لو عايز ابعتلى على الخاص
mody100 باشا ليا سؤال بالنسبة للميكانيكي بتاعك ينفع يركبلي سيرفو لعربيتي ال 127 ويتكلف كام بالادوات والمصنعية
ماشي يا برنس وتبقى فرصة نتعرف بحضرتك
بص يا باشا انا من القاهرة اول مرة عملت عمرة فى ال 127 تكلفت فوق 2300 جنية من البداية حتى النهاية يحنى لغاية تغير الزيوت ثانى مرة اشتريت موتور من القاهرة عزبة شلبى دفعت 1350 زائد 350 جنية مصنعية الميكانيكى هو الى نقى الموتور ودورنا 3 مواتير على الارض تجربة والموتور الى اجذتة بعد ما ركب كان عاوز اصلاح ب 100 جنية الميكانيكى بتاعى رفض وراح غير لى الموتور بواحد اخر وهو تمام الحمد لله يعبى فى النهاية دفعت 1700 زائد ثمن الزيوت وطبعا فكيت كل ما هو ثمين فى الموتور القديم ومحتفظ بة مثل الدينامو و المارش العمة الاسبرانير الكاربراتير كوعة المياة الاصلية وهلم جر وذلك كقطع غيار انت اوزن الموضوع و احسبها صح
بس للعلم الموتور الى بتشترية حظوظ وشطارة الميكانيكى اللى معاك اولا وخبرتك انت ثانيا خلى الميكانيكى ياخذ معاة عدة وخلى معك جركن بنزين و شوية زيت قديم لتدوير الموتور على الارض لما تأخذ الموتور المختار بلاش تخلى الراجل يبعتة الى المرور خد انت الورق وبعد ما تتأكد ان الموتور تمام روح انت المرور وصدر الورق بتاعة على فكرة العمرة من اسبوع لغاية 10 ايام الموتور الجديد يوم واحد او يومين بس والى يحسب الحسابات فى الهنا يبات