الموضوع: جوله ميدانيه بمركز كيا و الرد على الشائعات و تقييم اداء و استعراض اماكن قوة النيو

المشاركة الأصلية كتبت بواسطة NoRmAl

فى أيه يا جماعه
براحه شويه
مش شايف أى مبرر لمهاجمه الراجل علشان كلمه من مقال كامل
يعنى حتى لو محدش أقتنع.. كأنها زله لسان "فرضا"
يعنى محدش أتكلم على أى حاجه من الى الراجل قالها غير العربيه جابت 200 ولا لأ
وكأن دا موضوع الساعه!!
كمان حاجتين
أولا فرضا ان الراجل بيبالغ
فرضاً
دلوقتى أصبح فيه ناس بتدافع عن المبالغه!!!!!!
لا أحب أقول أن الاقسام التانيه مليئه بالمواضيع الى تشل وتعل وتجيب المرض من المبالغه ومبنشفش حد بيقول صباح المبالغه
وخصوصا فى الفئات المنافسه للسيراتو
منافسى السيراتو طائرات ومضرعات و سفن فضاء
ومحدش يعرف يقول بم
كل دا وأنا مازلت بقول فرضاً
نتكلم جد بقى
الموضوع واضح أنه مش كونستانت
غازى باشا أكد أكتر من مره أنه معرفش يعدى ال190 فى كل الاحوال
وأتذكر أن دكتور أحمد قال أنه جاب بيها 200 وأتذكر أيضا طلب بشمهندس غازى للدكتور أحمد تأكيد المعلومه لأنه معرفش يعدى بيها ال190
الان وفى ذات الموضوع استاذ ياسر أكد انه جاب بيها 210
وأنا لا أستطيع التأكيد ولا النفى لأنى مجربتش
يعنى تباينت الاراء
هل نقدر نقول جابت 200
لا مينفعش دى مبالغه!!!!!!
طيب يا باشا مش حوار 200 دا قال نص دوسه
اااااااه نسيت
دا فى عربيات تانيه منافسه للسيراتو السواق يفكر بس العربيه تجيب 200
بدون مبالغه يعنى!
والنبى سبونا نبالغ شويه إن كنا بنبالغ من الاساس
غيرنا شبع مبالغه ومحدش عرف يقله تلت التلاته كام

بشكر جميع الاعضاء اللى شاركوا فى الموضوع و على فكره انا مش بعمل دعايه لانى انا بالصدفه مش صاحب شركة كيا و لا حتى على الاقل موزع معتمد و لا يا سيدى الفاضل مندوب مبيعات كيا
انا مجرد مالك لعربيتى فقط ودى اول عربيه لي و انا حطيت الصور و معلش انا اسف مكنتش اعرف انها هتخلى الصفحه تبقى بطيئه كده اعزرنى .انا اصلا كنت عامل موضوع تانى عن سيراتو 2011 و بعض الكماليات و الاكسسوريز اللى ممكن تركب لها و ترويشها و تظبيطها و نسيت احط اللينك بتاع الموضوع صدقنى هيعجبك اوى بدون مبالغه الصور شرحه نفسها.
يا جماعه انتو بتحطوا بنزين من اى بنزينه و خلاص انا لما جريت بالعربيه و جبت ال 200 كنت 95 من شل المعادى و الطريق ساعدنى فى فرق رهيب فى التسارع بين البنزين 95و92 جربوا و ردوا عليا و على فكره بالنسبه للمهندس غازى لما جاب بيها 190 فى الفرده اللى رايحه اسكندريه احب اقوله انه بطل انا جبت فيها 180 و الاوبل اللى جنبى تقريبا كان 190 و ده كان اخره لاننا كنا بنشد و عدى منى بالراحه بس بصراحه الاوبل عربيه تمام فى الشد.
انا مجبتش ال 200 مستريح الا فى الدائرى انما اسكندريه كانت فى الفرده اللى راجعه القاهره و جبت 200 بالعافيه موووت
- العربيه مش فى اى طريق بتجيب 200 او 220 فى طرق اخرها و لو حلفت عليها 170 180 و انت كده متغابى عليها كمان
6- طبعا عشان تاثير الهوا و حجات تانيه و اى حد بيشد من زمان و فى طرق مختلفه هيايد كلامى
طريق مصر اسكندريه طريق نضيف و واسع بس مستحيل مستحيل تقدر تقفل عداد عليه ابدا باى عربيه حتى لو بى ام او مرسيدس لان الهوا غبى موت فيه و الكلام ده لان مش انا لوحدى اللى بشد عليه فى بى ام و مرسيدس و اوبل و مازدا3 و اوبترا و النترا و ماركات تانيه كتير بتشد عليه ومحدش عرف يقفل عداد عليه و لكن كل عربيه بتجيب سرعات مختلفه عليه حسب العداد اخره كام و انسيابيه العربيه تمام و نوع الوقود 92 او 95 و حاله العربيه من حيث حالة فلتر الهوا و الزيت و حالة الموتور و حالة الكاوتشات و الفرامل مظبوطه و الا لا و البلى و حالة الجنوط و حجات كتبر اوى ممكن تخليك متعرفش تعدى حد معين من السرعه بعربيتك
7- لو ناوى تشد و عايز تكسب بسهوله حد جامد اوى فى الشد حط بنزين 95 و ادعيلى العربيه هتلاقى الكيك دون بقى درجتين (يعنى هتلاقى العربيه من نصف دوسه بتسحب زى الدوسه الكامله فى بنزين ال 92 و الله و الدوسه الكامله فى ال95 مجنونه مووووووووووووووت و يا سلام لو بتجرى بالستب ترونيك




معلومه(نصف دوسه ببنزين 95=دوسه كامله 92) عن تجربه بس التفويله ال95 كتير حرام الفلوس الزياده و بيطير بسرعه لو عايز توفر 92 .لو عايز تجرى جامد اوى 95 فى فرق (((((رهيب)))))+ستب ترونيك و اصلا العربيه بتنقل الغيار الاخير لو قارص عل 160 و لو مش قارص ممكن 120 او 130 او 140 و العربيه عشان 4 غيارات بس بتجرى اصلا و بتسحب حلو اوى بسم الله ما شاء الله


انا استفدت من كلامكوا كله و كنت بعمل مواضيع تجربتى الشخصيه عشان كلنا نستفاد
مش هعمل مواضيع تانيه الا لما تكور بالصور او الفيديو و السلام ختام.
رابط موضوعى عن السيراتو الجديده 2011 و تعديلاتها


http://www.nilemotors.net/Nile/145773-2011.html