الموضوع: جوله ميدانيه بمركز كيا و الرد على الشائعات و تقييم اداء و استعراض اماكن قوة النيو

المشاركة الأصلية كتبت بواسطة M7amD_7amDy

انا بصراحة مش فاهم النقطة بتاعت الإستهلاك اللحظى دى ومش بجبها أصلا عشان مش فاهمها أصلا

حد ينورنى

السلام عليكم
عداد الرحله trip كالاتى بالترتيب
1- مقياس مسافة الرحله A = بيقيس المسافه من نقطه الى نقطه زى انت متظبطه (طريقه الظبط تفضل ضاغط على الزرار اكتر من ثانيه واحده. اكتر مسافه ممكن يقسها هى 999.9 كم فقط
خلى بالك لوانت بتقيس مسافات كتير التصفير بيلغى المسافه القديمه
2-مقياس مسافة الرحله B= نفس وظيفة رقم 1
3-المسافه المتبقيه حتى نفاذ الوقود:لما المسافه تصل الى اقل من 50 كم سيتم عرض _ _ _ على الشاشه و لمبة التنك هتنور العداد ده اقصى قرايه ليه 1500 كم اللى عمرنا ما هنشوفا ابدا .ملحوظه (لو العربيه مش على ارض مستويه هيقرى المسافه التبقيه غلط ).(حاول البنزين ميقطعش منك خالص عشان ممكن العربيه متدورش معاك او تعمل حمل زياده على المحول الحفاز )
4- معدل متوسط استهلاك الوقود بيحسب استهلاك الوقود الاجمالى فى المشوار كله (قرايته)بيحسب صح لما المسافه تزيد عن 50 متر ,و عشان تظبطه فى مشوار و تعرف متوسط استهلاكك فى المشوار ده مخصوص اضغط اكتر من ثانيه واحده ,هيصفر على طول و يعمل كده _ _ _ (اعمل كده قبل التحرك بالعربيه مباشرتا).ملحوظه قرايته مش ثابته بتتغير على حسب ضغطتك على دواسة البنزين,و ظروف القياده و حالة العربيه.
5-الاستهلاك الفورى للوقود : بيقيس الاستهلاك الفورى للوقود خلال الثوانى القليله الاخيره .المقياس بتاعه من 0 الى 20 كم . (((طبعا احسن استهلاك للعربيه لما تقل عن 10 و او لما ال RPM يكون قليل على قد ما تقدر او تكون سرعتك ثابته فى الطريق الطوالى السريع فى سرعه من 60 : 95 براحتك
6.-متوسط السرعه: بيقيس متوسط السرعه منذ اخر مره انت صفرت المقياس بتاعه و بيفضل يحسب عليك حتى لو انت واقف فى اشاره يعنى طول ما انت مدور العربيه
و كل لما تحب تحسب متوسط سرعتك فى المشوار تصفره ذى الخطواط السابقه
7-زمن القياده: بيقيس الزمن من ساعة ما تظبطه و تصفره لحد لما توصل للنقطه الاخرى (زى STOP WATCH) و يستمر نفس الكلام حتى لو لنت واقف فى اشاره (نفس الكلام بالنسبه لتصفير المؤقت تضغط على الزرار اكتر من ثانيه) بيقيس لحد 99.59 دقيقه فقط.

يا ريت اكون قد وضحت النقطه. و منور الموضوع يا باشا