| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 12 1 2 3 4 5 6 11 ... الأخيرةالأخيرة
النتائج 1 إلى 10 من 120

  1. #1

    الصورة الرمزية ماجد يوسف وهبه

    رقم العضوية : 947

    تاريخ التسجيل : 13Jun2007

    المشاركات : 88

    الحالة : ماجد يوسف وهبه غير متواجد حالياً

    افتراضي لسه بايع الأسبرانزا A113 حالا - Facebook Twitter whatsapp انشر الموضوع فى :

    hasad">

    مع منتهى الحزن والأسف أنتهت أسوأ تجربة مريت بيها من ساعة ما ركبت عربيات

    النهاردة بس بيعتها وكانت عاملة 4400 كم وخسرت فيها 6000 جنيه بالتمام والكمال

    علشان أكون موضوعى ومحدد هلخص نتيجة التجربة :

    الموتور: معطلش غير مرة واحدة - حصل لما مادريتش من أول مرة وهى باردة وشرقيت وفضلت اسايس فيه لغاية لما أشتغل بعد حوالى دقيقة من الضغط المتواصل على دواسة البنزين. على الرغم انه قوته متناسبة جدا مع حجم العربية. أستهلاكه للبنزين حوالى 235 كم فى الصفيحة داخل البلد ومرة سافرت برج العرب صد رد فى نفس اليوم استهلكت 25 لتر مع 390كم (مونت من نفس محطة البنزين امارات مصر فى السفر والعودة ومن نفس الطلمبه).

    العفشة: مش قادر اتكلم عليها وحشه وحشه من هنا لغاية 5 صفحات قدام مثال حى: طبعا عارفين كارفور المعادى - بعد ما عملوا دور ثانى لأنتظار السيارات يوجد فى الممرات مطبات صناعية صغيرة - لو ماشى معشق على الأول وسايب كل الدواسات وتستنى شويه لغاية لما سرعة العربية تبقى ثابته تبقى السرعة كام ؟ 5 أو 10 كم فى الساعه؟ كل واحد يجرب عربيته ويقيس السرعة - لما باخد المطب ده بالسرعة دى بحس ان فى حاجه أتكسرت فى العجل - بأسمع صوت خبطة مخيفة لدرجة أن المدام لما تكون راكبه معايا وتسمع الصوت دة تتخض وتفتكر أن فى حاجه باظت فعلا.
    السرعة : لو ماشى بسرعة مثلا 80 كم / ساعة وعديت على مطب صغير كل الناس اللى قدامى لا تلقى له بالا ألقى صوت كأن العجلة رزعت فى الشاسيه وكأن المساعد لاوجود له.
    أقصى سرعة ممكن تجيبها 100كم بعد كده تحس أنك راكب عربية من بتوع السوبر ماركت اللى بتلم فيها البضاعة وماشى بيها بسرعة
    بعد ال100كم تبقى سايق حاجة بتحاول بشتى الطرق انك ماتخليهاش تطير من على الأرض.
    الناس اللى جربت الكنبة الخلفية بتحس ان فى دبوس قاعدين عليه مع كل مطب وبرضه كأن لا وجود للمساعد مجرد الأعتماد على فرش الكنبه فى أمتصاص الصدمات.

    الفرش: لا يمكن استخدام العربيه بالفرش الأصلى بتاعها الأصلى لأنه بعد شهر من الأستخدام مش هتلاقيه زى القماش الشايط

    الكاسيت السى دى : ممتاز ماهيسش غير حوالى 10 مرات بس من ساعة ما شغلتو (نسبة الدقة لا تزيد عن 70% ) المشكلة انك ماتعرفش تغيره الا بمثيله - أول مره أحس بفايدة أن العربية يكون فيها كاسيت مش أصلى زى الماتريكس مثلا لأن فى أى وقت تقدر تغيرة طالما الفتحة بتاعته قياسيه انما الأصلى هتغيرة أزاى.

    مفتاح الريموت حوالى 3 أو أربع مرات يعلق وميرضاش يفتح ويبقى شكلى وحش بين زملائى اللى شايفنى جايب عربية جديدة والعربية مش عايزه تدخلنى جواها

    يوجد صوت خبطه فى العجلة اليمين الخلفية من ساعة ما أستلمتها وأستمرت معايا لغاية لما بعتها ولما رحت التوكيل أقول لهم عليها قالولى الضمان قال الصوت ده عادى وطبيعى بعد ما حاولوا حوالى ساعه يعرفوا الصوت ده جاى منين وطبعا ما عرفوش. المشكله أن اليوم اللى رحت فيه التوكيل كان عندى ميعاد طيارة ومش ممكن أفوته لذلك ماعرفتش أرد عليهم وأختها بسرعه ومشيت.

    لو أخدت مطب على سرعة هادية وأنت بتحود يمين (منزل كوبرى 6 أكتوبر للعجوزة للقادم من التحرير فى أتجاه شيراتون القاهرة ) يوجد نتوء فى أول المنزل بحس بخبطه فى علبة الدريكسيون بتسمع لغاية الطارة ودى ظهرت مؤخرا عند 3000 كم تقريبا. وللأمانه ماقلتش للتوكيل عليها وكنت هقول فى صيانة ال5000كم .

    توجد غربله فى العجل بعد سرعة 100كم ودى فى الغالب تحتج ترصيص قلت للتوكيل قال الجهاز بايظ. للأسف برضه مردتش لنفس السبب السابق

    على فكرة أنا عملت صيانة ال 1000كم فى أبو رواش

    أنا عملت زى ما قلت قبل كدة صورت العربية من تحت طبعا فضيحه - لا يوجد أى نوع من الحماية للموتور أو الفتيس. كل التعليق وقواعد الموتور ممسوك بمسورتين 2 بوصه مثبته فى الشاسيه بواسطة مسمار لكل ماسورة. انا عايز أحط الصور دى بس حجمهم أكبر من الحجم المسموح بيه فى المنتدى - ياريت حد يقول لى أحطهم أزاى.

    حاجه واحدة بس حسيت انها كويسه فعلا الزجاج الكهرباء معملش أى مشكلة وبه امكانيات ذكيه فعلا


    الحقيقه خلاصة التجربه فى وجهة نظرى الشخصية ان العربية دى تنفع لحاجة واحدة بس - طريقة متحضرة لحجز مكان للركن لأى عربيه أخرى فى نفس الحجم بدل الطوبة اللى ممكن تكعبل حد ماشى

    كنت هقول عربيه لشراء الخضار والفاكهه بس حتى دى الشنطة صغيرة جدا ماتشلش الفاكهه

    وأى سؤال أنا فى الخدمة

    طلب أخير منكم لو سمحتم أنا ناوى أن شاء الله اجيب اما نيسان صنى أو أوبترا ممكن تساعدونى فى التفضيل بين الأثنين دول؟ ولو حد يعرف أى مشكلة فى الأثنين ياريت يقول علشان انا مش حمل كابوس آخر


  2. #2

    الصورة الرمزية Dr Ahmed

    رقم العضوية : 79

    تاريخ التسجيل : 22Apr2007

    المشاركات : 9,737

    النوع : ذكر

    الاقامة : بنــهــا

    السيارة: Perodua Kancil 1998

    السيارة[2]: NIssan Qashqai 2014

    الحالة : Dr Ahmed غير متواجد حالياً

    افتراضي -

    النيسان والصنى أيهما اخترت فلن تندم بإذن الله..
    لكن من الآن احترس فبعد مقالتك السابقة أصبحت مهدر الدم عند طائفة محبى الاسبرانزا..

    [aldl]http://www.jewelsf.com/up/uploads/542f6eee3a.gif[/aldl]
    وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين
    Dr Ahmed Abdelghany
    ENT,H&N consultant - Benha University
    my website: www.drahmedclinic.com


  3. #3

    الصورة الرمزية cpt_shawky

    رقم العضوية : 19

    تاريخ التسجيل : 17Apr2007

    المشاركات : 1,097

    الاقامة : Madinet Nasr

    الحالة : cpt_shawky غير متواجد حالياً

    افتراضي -

    ياريت نلغى السؤال ده من قاموس المنتدى أوبترا ولا صنى لا تتخيل السؤال ده اتسأل كام مرة فالمنتدى

    من الأخر الإجابة الصنى وبدون اى تفاصيل اشترى وانت مغمض


  4. #4

    الصورة الرمزية fahd_628

    رقم العضوية : 475

    تاريخ التسجيل : 05May2007

    المشاركات : 8,407

    النوع : ذكر

    الاقامة : الأسكندرية

    السيارة: I30 & Megane estate

    السيارة[2]: E36 Coupe 328i

    دراجة بخارية: .

    الحالة : fahd_628 غير متواجد حالياً

    افتراضي -

    يا ساتر يا رب

    دة كان كابوس بجد ربنا يكون فى عونك و دة والله واحد صاحبى كان خلاص حيشتريها و انا قعدت اقولة بلاش دية صينى و فى الاخر الحمد لله مشتراهاش

    و شكرا على التقييم دة و ياريت الناس تنتبة من الصينى

    و بالنسبة للاوبترا و الصنى الأتنين ممتازين و مفيهمش مشاكل ان شاء الله انا راى تتوكل على الله و تجيب الى عاجباك اكتر

    و بالنسبة للصورة ارفعها على موقع imageshack.us

    الحمد لله
    [sor2]http://farm3.static.flickr.com/2639/3939929853_4547d6e150.jpg[/sor2]


  5. #5

    الصورة الرمزية PRO-DRIVE

    رقم العضوية : 63

    تاريخ التسجيل : 20Apr2007

    المشاركات : 4,438

    النوع : ذكر

    الاقامة : Dystopia , blashyrkh

    السيارة: N/A

    السيارة[2]: Subaru Impreza 2006

    الحالة : PRO-DRIVE غير متواجد حالياً

    افتراضي -

    ايه دااااا ربنا يعينك بجد دي مش عربيه دي شويه قطع غيار صيني مضروبه متجمعه مع بعض !!!


    اما بالنسبه لاختياراتك

    النيسان والصنى أيهما اخترت فلن تندم بإذن الله..


    انا مع هذا الرأي :D
    لكن من الآن احترس فبعد مقالتك السابقة أصبحت مهدر الدم عند طائفة محبى الاسبرانزا..


    افضل شيء بجد :)

    <!--EndFragment-->


  6. #6

    الصورة الرمزية Dr Ahmed

    رقم العضوية : 79

    تاريخ التسجيل : 22Apr2007

    المشاركات : 9,737

    النوع : ذكر

    الاقامة : بنــهــا

    السيارة: Perodua Kancil 1998

    السيارة[2]: NIssan Qashqai 2014

    الحالة : Dr Ahmed غير متواجد حالياً

    افتراضي -

    على فكرة أنا كان قصدى أقول نيسان صنى أو أوبترا أيهما اخترت فلن تندم إن شاء الله
    معرفش عدت عليا إزاى وقلت (النيسان والصنى)

    [aldl]http://www.jewelsf.com/up/uploads/542f6eee3a.gif[/aldl]
    وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين
    Dr Ahmed Abdelghany
    ENT,H&N consultant - Benha University
    my website: www.drahmedclinic.com


  7. #7

    الصورة الرمزية yasserayad

    رقم العضوية : 2490

    تاريخ التسجيل : 07Oct2007

    المشاركات : 456

    النوع : ذكر

    الاقامة : المعادى- القاهره

    السيارة: لايوجد

    السيارة[2]: رينو داستر

    الحالة : yasserayad غير متواجد حالياً

    افتراضي -

    اقتباس المشاركة الأصلية كتبت بواسطة Dr Ahmed مشاهدة المشاركة
    النيسان والصنى أيهما اخترت فلن تندم بإذن الله..
    لكن من الآن احترس فبعد مقالتك السابقة أصبحت مهدر الدم عند طائفة محبى الاسبرانزا..
    :D:D:D
    +10000000
    +مشكور على التقييم الجميل ده


    م ياسر عياد


  8. #8

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي -

    استاذ ماجد حضرتك شخصية محترمة والواحد سعيد انه اتعرف عليك
    وكنت زعلان عليك قوي بصراحة من ساعة ما جبتها
    بس اناعارف انك راجل عرف تقيم بسرعة وهاتحسم الموقف
    خسارة قريبة ولا مكسب بعيد تغور هيا وابو الفتوح واللي بيعملة في الناس حرام بجد
    دي لا تستحق اكتر من لقب : الكتـــــــكوت الاعـــــــرج
    بس لو عايز نصيحتي بخصوص القادم فهيا النيسان
    سيبك من حتت التقفيل المصري مش هاتوجع قوي كراسي وازاز وبطارية بس تحت مظلة نيسان
    عربية كبيرة بس صالون ضيق شوية بالنسبة لحجمها
    بس مش الاوبترا هيا الاوسع يعني
    موتور حلو وتمن ممتاز وضمان محترم وانتشار وقطع غيار معقولة وكفاية الموتور الياباني ده يسوى كتير
    صفقة عادلة جدا ولو وصل تمنها ل 95 الف برضه حلوة
    اوبرتا شكل من 2004 وموتور وعفشة نوبيرا وكل ماكل النوبيرا
    خشنة فعلا وبتدب جامد في المطبات
    اخيرا اسخف اعلان في تاريخ السيارت
    و2 زجاج كهرباء بس ولا كاني دافع ما يقرب من 90 الف
    ----------
    اخر حاجة ممكن ترفع الصور على الموقع ده
    /www.0zz0.com


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  9. #9

    الصورة الرمزية ماجد يوسف وهبه

    رقم العضوية : 947

    تاريخ التسجيل : 13Jun2007

    المشاركات : 88

    الحالة : ماجد يوسف وهبه غير متواجد حالياً

    افتراضي -

    أستاذ كريم

    شكرا فعلا على كلامك الجميل ده واللى فعلا أنا أقل منه بكثير

    تصدق انا كنت مكسوف منكم جدا ومش قادر أكتب عنها لغاية لما بعتها ده من كتر احساسى بالذنب لشرائها الموضوع أثر على ادائى فى العمل

    ده نسيت أقول حاجة كمان الفتيس : الترس الأول لازم تخبطه بطوبه علشان يعشق مكانه والثانى شرحة بس بطوبه أصغر شويه وكأن العربيه بتقول لك هتندم لو مشيت راجع نفسك تانى أنت متأكد أنك عايز تمشى ؟ عشق برجلك للتأكد. والغريبة أن الأختيار ده بيطلعك كذا مرة

    شكرا لكل الردود وفعلا أنا أن شاء الله نويت على النيسان وتقريبا كنت متأكد من الردود بس اللى أتلسع من الشوربه....


  10. #10

    الصورة الرمزية ahmedezzat78

    رقم العضوية : 3746

    تاريخ التسجيل : 16Dec2007

    المشاركات : 1,558

    النوع : ذكر

    الاقامة : المقطم

    السيارة: Maruti 2008

    السيارة[2]: Lanos 2007 FO

    دراجة بخارية: no

    الحالة : ahmedezzat78 غير متواجد حالياً

    افتراضي -

    hasad">

    والله يا ريت تنقل تجربتك على اسبرانزا كلب كمان عشان هناك ناس كتير بتسال عن العربيه

    واضح ان مش عربيتك و بس لان اخر مره كنت فى ابو رواش كان فيه ناس كتير بتشتكى

    الصنى اختيار موفق باذن الله


    #0033ff
    تحياتى
    أحمد عزت



 
صفحة 1 من 12 1 2 3 4 5 6 11 ... الأخيرةالأخيرة

المواضيع المتشابهه

  1. عايز Gen 2 .. من قال بايع ؟!!
    بواسطة yasserelsayad في المنتدى بــروتـــون
    مشاركات: 13
    آخر مشاركة: 11-07-2012, 09:37 PM
  2. الفرنا ولي الأسبرانزا ؟؟
    بواسطة mah907 في المنتدى قســـــــــم المقارنــــات
    مشاركات: 10
    آخر مشاركة: 21-02-2009, 03:51 PM
  3. حيران موووت وعايز مساعده حالا حالا ؟؟؟؟؟
    بواسطة elmashboh في المنتدى كــماليــات السيـــارات و الإكسسوارات
    مشاركات: 11
    آخر مشاركة: 12-01-2009, 05:13 PM
  4. لسه مستلم اسبرانزا A113 حالا
    بواسطة ماجد يوسف وهبه في المنتدى سبـــيرانزا
    مشاركات: 66
    آخر مشاركة: 19-09-2008, 01:35 AM

الكلمات الدلالية لهذا الموضوع

عرض سحابة الكلمة الدلالية

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2