ياتري لما طرحت الموضوع ده من فتره كبيره
و عارضني ساعتها من عارضني
و طلعت ناس تهلل و تزعق
لأأ مستحيل مينفعش
يا تري احساسها ايه دلوقتي؟
دايما للاسف الانسان عدو ما يجهل
بس يبقي السؤال
اباطره البترول هيسيبو الاختراع ده يوصل لنا؟
ولا كعادتهم من زمان سحيق
هيحاربو و يعارضو
و يجبرونا علي استخدام البترول و مشتقاته
حتي في الايام اللي كوكب الارض اعلن بكل وضوح غضبه و سخطه من الغباء البشري
و اصبح كوكب علي حافه الانهيار الايكولوجي
و زمان الكلام ده كان بيسمي اوهام و خيال علمي
حاليا اصبح واقع بغيض بنعيشه و اولادنا و احفادنا للاسف هيعيشو نفس الواقع
كوكب مناخه بيتغير من ايام الثوره الصناعيه
و الحياه عليه بقت صعبه مش بس لبعض انواع الكائنات المهمه
دي بقت صعبه علي البشر
حد يفتكر زمان من 20 سنه بس مصر كان جوها عامل ازاي؟!
انا مش بتكلم عن 50 ولا 100 سنه
انا بتكلم عن 20 سنه
يعني غالبيه الناس هنا في المنتدي حضرت الفرق ده
هل النهارده الجو زي الوقت ده؟ّّ!!!
زمان كان فيه صيف و خريف و شتا و ربيع
دلوقتي مبقاش فيه غير صيف و شتا في نفس الوقت من العام
ياتري مستنيين ايه علشان نبدء نغير
العربيات بخلايا الهيدروجين بتنتج عادم عباره عن مياه
و ده في حد ذاته كويس جدا لأنه هيساهم في تجمع الامطار و سقوطها
و المياه موجوده علي سطح الكوكب
الفكره انك تستغلها
و لما تستعملها بخار المياه هيطلع لطبقات الجو العليا و ينزل في شكل امطار
يبقي اهدار للمياه ولا استغلال ذكي ليها
و لو خلايا الهيدروجين تم التوسع في استخدامها
واقعنا و مستقبل اولادنا هيختلف تماما
كان في سلسله اسمها عالم المعرفه
و كان في عدد من اعدادها بيتكلم عن الطاقه
عارفين ان طاقه السدود بيضيع منها ما يوازي 40% في الانتاج
و الطاقه النوويه برضو بتكاليف الانشاء و التشغيل و التخلص من النفايات برضو طاقه غير نظيفه
و الطاقه الشمسيه بيعوقها التكاليف سواء في الانشاء او مساحه الاراضي الشاسعه اللي بتحتاجها غير ان لو الرياح اتغيرت بتكون مشكله
انا بحزن علي بلدي لما بلاقي في الاخبار اننا هنتجه لطاقه الرياح او الطاقه النوويه
بنجري ورا زباله الشعوب قبل ما يرموها في صفيحه الزباله
و فاكرين نفسنا ناصحين
عارفين ان المولدات المطلوبه لتشغيل ناطحه سحاب من خلايا الهيدروجين هتكون قد ايه؟!!
دورين فقط من ناطحه سحاب هيستغلو في انشاء مولد بخلايا الهيدروجين
و ساعتها مش محتاج كهرباء نهائي من بره
ثوره في عالم الطاقه
بس للاسف في عالم بيحكمه اباطره البترول
و اللي شايف كلامي غريب شويه يدور علي النت حتي
يدور عن واحد اسمه تسلا و واحد اسمه ماركوني
الاول مخترع عبقري تمت محاربته و التاني غبي احمق و حرامي
و اللي يدور برضو يدور عن الطاقه و البترول
و ساعتها هيفهم جزء كبير من التعميه العالميه علي مواضيع الطاقه
المفضلات