الطريق هو القدر والمحطات هي المكتوب و الذي تصنعه هو الواقع
عرض للطباعة
والله حكمه جميله جدا جدا
بس المشكله فى اوقات انت م شمحتاج كلام او حكم
محتاج كتف تحت راسك عليه
محتحاج حد تتكلم معه ويبقى فهمك مش بيقول كلامك فى غير محله
محتاج حتى تقول معه نكته وتضحك من القلب
محتاج حد تتكلم معه برحتك مش بالشوكه والسكينه
محتاج حد لما تبقى محتاجه تلاقيه حتى لو محتاجه فى هيافه بس فى وقت معقول مش وقت متاخر
اديك مثل لما كنت بدخن كنت بعتبر السيجاره دى صحبتى بغد النظر على مساؤها
شوف كده لو زعلان هوب تطلع سيجاره وطلع فيها غمك وهمك
لو فرحان برضه تولع سيجاره بمناسهب القاعده الحلوة دى
ومفيش وقت تقولك مينفعش اصل مش هاقدر انزل اصل بابا اصل مشغوله
كانت اصحاب زمان كانوا زى السيجاره فى ارتباطك بيها
دلوقتى بقوى عاملين زى السيجاره اضراراها اكثر من نفعها
مع احتارمى للتشبيه
وتحياتى كل اصدقاء الزمن الجميل
على فكره الكلام ده قريب مش بعيد وانا سنى بالمناسبه 44 سنه يعنى مش عجوز قوى
بس عشت زمن جميل قوى
انا كمان اصدقاء الطفولة بعد ما كبروا عزلو وفضلت اتصل بيهم وازورهم وهما عمرهم ما ردوا الاتصال او الزيارة الا لو كانوا محتاجين حاجة
حتى اصدقاء الجامعة اللي كان الخروج والفسح والحب للاول قاسم مشترك بيني وبينهم وكافة الاسرار والاكل والشرب وحتى نبات مع بعض احيانا وعملنا مشروع بعد التخرج مع بعض بمجرد ما الكلية خلصت وبعد ما انفض المشروع انقطعت العلاقة تماما وكل ما اتصل حجة الانشغال جاهزة ومستياك يا معلم وبقت المصالح مع ناس تانية هما بقوا اولى منك.
واصدقاء الشغل يصدعوا دماغك بمشاكلهم وتفضل تحلهلهم ولما تخلص المشاكل يسيبوك ويشوفوا مصلحتهم فين وهاتك يا جري وراها وكأنك هوا .
ودة حصلي مع كل اصحابي بلا استثناء لحد ةما قررت ان علاقتي مع اي حد تبقى علاقة تقضية وقت وبس بدون صداقة واما الصداقة الحقيقية دي لزوجتي واطفالي فقط لا غير لان هما دول اللي دايمين لي وهما دول اولى بوقتي وتفكيري وفلوسي.