فرامل البروتون وطريقه عملها وحل مشكله طول مشوار الدواسه

**hesham_soaida** · 29-04-2010 07:31 PM

موضوع فعلا مميز للاستاذ رامي, ومجهود يشكر عليه. المواضيع دي هي اللي بتميز البروتون عن غيرها, وبتخرجنا من الرتابة اللي في المواضيع المكررة. بالنسبالي انا اتعودت على الفرامل من أول ما اشتريت العربية ومش شايف فيها أي مشكلة. أي سائق عموما بيحس كويس بفرامل عربيته وبيعرف هل يقدر يعتمد عليها ولالأ

**momopersona** · 29-04-2010 07:50 PM

تم عمل الرجلاش وحل المشكله بنجاح
بعد الاتصال ب ا. اسامه شحاته وشرحه لى الموضوع بالتفصيل

روحت للميكانيكى تانى وقولتلو
فك خالص البدال خلاه شبه سايب وعمله بمجرد الاحساس بالبوش منغير مايرفع عجله
كان بيحس بالدوسه بالايد اذا كان ده كده جزء فارغ ولا دوسة فرامل
وعملهولى على الشعره فعلا
خوفت لايكون قفش على عجله سالتو اام منزل فرامل اليد لقينا العربيه بتتحرك بكل بساطه على المنزل فكده يبئا تمام

فعلا فرق رهيب بينها فى الاول وبعد الرجلاش
ولكن مازال الهروب موجود لكن مابقتش توصل لدرجة ان الدواسه تتداس كلها زى الاول
والفرامل بئت باللمس والحمد لله

لو حد عايز يجرب عربيتى بعد عمل حل المشكله يكلمنى على الخاص ونتقابل فى مدينة نصر ان شاء الله
ولو حد من القاهره عايز ينفذ الحل عند نفس الميكانيكى يكلمنى عالخاص بردو

شكرا يا ا.رامى بجد على الموضوع المفيد ده ومستنيك فى حل باقى المشاكل ان شاء الله

**mark_milad_95** · 29-04-2010 08:22 PM

بشمهندس رامى , انت عبقرى انك توصلت للفكرة دى .

لكن اعتقد ان معظمنا مش هيعف ينفزها .

فلو ممكن نبلغ التوكيل ان عندنا واحد عبقرى توصل للى هما مرفوش يوصلولو , و نقولهم على الطريقة , ولومفهاش مشكلة تتعمل فى كل العربيات .

**mahmoud_magdy** · 29-04-2010 08:47 PM

عانا فاكر اني في اول صيانه قلت ان الفرامل مشوارها طويل
والمشكله اتحلت فعلا
وكانت من لمسه زي بقيت العربيات
لكن بعد كذا ضغطه على الفرامل رجعت زي الاول

مستني ردك يا مستر رامي واخبار الفرامل ايه دلوقتي ؟

**mangere90** · 29-04-2010 09:40 PM

[QUOTE=ramyar;3872603769]

بسم الله الرحمن الرحيم
مش هحاول ادخل في تفاصيل كتير لاكن لازم نعرف الفرامل بتشتغل ازاي عشان نعرف ايه المشاكل وازاي نحلها

طبعا الفرامل من الاجزاء الي بنستخدمها علي طوووووووول من ساعه ما بنتحرك بي العربيه لغايه ما بنوقف بي العربيه
طيب حد سال نفسه ايه الي بيحصل لما بندوس علي دواسه الفرامل
اولا فكره عمل الفرامل هي ايقاف السارع عند اللزوم وده عن طريق استخدام قوه ضغط القدم ونقل القوه دي عن طريق سائل الفرامل وليه سائل لان طبعا كلنا درسنا في الفيزياء ان السوائل غير قابله للانضغاط
المهم وببساطه دواسه الفرامل متوصله بماستر فرامل عمومي وده زي اسطوانه مفرغه بيكون فيها من جوه بستمين اتنين وعليهم نوع خاص ومقاس معين من الجلد الي بي البلدي وفي السوق اسمه جلد الماستر
وده طبها لان الجلد مش بيسري
المهم وكمان في كوبايه الزيت الي بيكون فيها زيت الفرامل او بي البلدي كده زيت الباكم
وخارج من الماستر عدد من المواسير بيعدي فيها الزيت
يعني لما ندوس علي الدواسه بنتنتقل حرجه الرجل الي العمود الواصل بين الدواسه والي بدوره بيضغط علي البساتم الي جوع الماستر والي بدورها بتضغط الزيت الي قدامها وياعيني الزيت مابيلاقيش مكان يروح فيه غير المواسير الي خارجه من الماستر
وبعد كده المواسير دي عندنا في بروتون بتكون متوصله علي وحده ال abs

ال الصوره
دي من عربيتي
وطبعا زي ما احنا شايفين ان رقم 1 هوا الماستر العمومي ورقم 2 كوبايه الزيت و رقم 3 مواسير نقل الزيت ورقم 4 وحده ال abs
طيب تعالوا نشوف الي جوه الماستر ولو انه مش مهم بي النسبه ليكم بس من بتب العلم بي الشيء

ده شكل البساتم والجلود الي من جوه
طيب تعالوا نشوف شكل الدواسه وتوصيلها للماستر وده مهم جدا لان عندنا في بروتون ده الحل بتاع طول المشوار

كده خلص الجزء الي قدام نيجي بقي لبعد ال abs بيخرج من ال abs ماسوره زيت لكل عجله
وطبعا عند كل عجله بيكون في خرطوم لان المواسير مش طريه كفايه وطبعا العجلات بتطلع وبتنزل مع المطبات يبقي لازم يمون في وصله عباره عن خرطوم
وبعد كده في كل عجله بيكون راكب علي الطنابير ماستر التي لاكن اسمه ماستر فرعي ةده بيكون عبارع عن بستم كبير الحجم وبيكون راكب عليه لقمتين التيل الي بدورهم بيكونوا ملاصقين للطنابير

السهم بيوضح شكل الماستر والبستم الي حواه

صوره تاني للماستر والسهم بيوضح البستم وطبعا الفكين دول الي بيكونوا مثبتسن لقمتين التيل

شكل الطمبوره وراكب عليها الماستر والتيل وده ممكن نشوفه لو بصينا من بين فتحات الجنط

فاضل نشوف التيل

دي صور التيل الامامي وللعلم التيل الامامي اكبر من التيل الخلفي وعندي ليكم مفاجاه بخصوص ان في تيل بتاع عربيه ياباني بيركب عندنا في البروتون لاكن مستني لما اتاكد الاول
نيجي بقي للتيل الخلفي والي بيشتغل مع فرامل الرجل وكمان فرامل اليد

كده خلاص كلنا شفنا اجزاء الفرامل
ونقول مره تاني باختصار
اول ما بندوس علي الفرامل الدواسه بتنقل الحركه للبستم الي جوه الماستر العمومي والي بدوره بيضغط الزيت في المواسير ومنها الي ملستر الفرفعي الي علي كل عجله والي بدوره بحرك البستم الي راكب عليه التيل
والتيل بيكون ملاصق للطنابير الي راكب عليها الكاوتش وعن طريق تلامس التيل مع الطنابير والاحتكاك الناتج عنهم بيتم توقف العجلات او ابطاء السرعه علي حسب الضغط علي دواسه الفرامل طبعا كل ده بيحصل في ثواني

طيب ازاي نخلي الفرامل علي الشعره زي مابيقولوا
هنا الاجابه من خلال الكلام الي انا قلتع ان لازم مايكونش في مسافه بين التيل والطنابير وده بنتحكم فيه عن طريق حاجتين اتنين اولا العود الي بيوصل الحركه من دواسه الفراكل والي الماستر العمومي وطبعا ده مكانه تحت التابلوه علطول لو بصينا من تحت التابلوه هنشوفه وادي صورته

هنشوف في الصوره ان انا عامل دواير بي الالوان علي مكان المسمار ده

طبعا الصورتين التانين لنفس المسمار لاكن من زاويه تاني
المهم المسمار ده بنرجلشه بمفتاح 17 ومفتاح 14
وده بيخلي الخلوص بتاعه في حدود المسموح يعني مسافه ال 3 سنتي او ال 4 سنتي الي بنحس انها مش فعاله بيخليها تنقل الحركه علطول
مع مراعاه ان مانرجلش اكتر من الازم يعني واحنا بنعمل الموضوع ده لازم نكون رافعين عجله عن الارض ونشوف مره حريه العجله في الدوران بي الايد

السلام عليكم ورحمة الله وبركاته

سؤال لو سمحت ياباشمهندس 17 ماشي الصاموله مقاس 17 , ومفتاح 14 ده بتاع ايه
وانا حاولت ارجلش هليها مش ممكن تتحرك تتفك ماشي انما تترجلش عليها علشان البدال يعلي حلفه قولي اعمل ايه منفضل حضرتك ؟

**ramyar** · 29-04-2010 11:05 PM

المشاركة الأصلية كتبت بواسطة momopersona

تم عمل الرجلاش وحل المشكله بنجاح
بعد الاتصال ب ا. اسامه شحاته وشرحه لى الموضوع بالتفصيل

روحت للميكانيكى تانى وقولتلو
فك خالص البدال خلاه شبه سايب وعمله بمجرد الاحساس بالبوش منغير مايرفع عجله
كان بيحس بالدوسه بالايد اذا كان ده كده جزء فارغ ولا دوسة فرامل
وعملهولى على الشعره فعلا
خوفت لايكون قفش على عجله سالتو اام منزل فرامل اليد لقينا العربيه بتتحرك بكل بساطه على المنزل فكده يبئا تمام

فعلا فرق رهيب بينها فى الاول وبعد الرجلاش
ولكن مازال الهروب موجود لكن مابقتش توصل لدرجة ان الدواسه تتداس كلها زى الاول
والفرامل بئت باللمس والحمد لله

لو حد عايز يجرب عربيتى بعد عمل حل المشكله يكلمنى على الخاص ونتقابل فى مدينة نصر ان شاء الله
ولو حد من القاهره عايز ينفذ الحل عند نفس الميكانيكى يكلمنى عالخاص بردو

شكرا يا ا.رامى بجد على الموضوع المفيد ده ومستنيك فى حل باقى المشاكل ان شاء الله

الحمد لله ان انتا اول واحد يعمل الموضوع ده
وكمان الاستاذ /احمد علي افتكر ان الموضوع ده اتعمل في عربيته لما قابلته وانا بعمل صيانه ال 1000
بي النسبه للمهندس عمرو
لا طبعا يا فندم الموضوع ده مافيهوش اي اعراض جلنبيه
والرجلاش ده موجود في اي عربيه في الدنيا ولاكن باختلاف المكان واختلاف الطريقه
وعلي فكره الموضوع كله اننا بنقلل الخلوص في حدود المسموح وده بيخلي بمجرد الضغط علي الدواسه تنتقل الحركه للبستم الي جوه الماستر والخ
وبي النسبه لمحمد انتا عندك مشكله في جلد الماستر العمومي وده الي بيخلي الدواسه تهرب
وعلي فكره يا جماعه فرامل اليد فيها حاجه اسمها سنتريك
ولازم تترجلش زي ما وضحتلكم
وعلي فكره تيل الفرامل في اي عربيه بيكون ملامس للطنابير لاكن الخلوص بيكون في المستر العمومي والسنتريك الخلفي الكلام ده عندنا في بروتون
واحب اقولكم اخيرا ان طمبوره الفرامل الخلفيه قطرها اكبر من الامامي وكمام مكان ماستر الفرامل الخافي عكس مكان الماستر في العجل الامامي
وده الي بيخلينا مانحسش بان العربيه بتنكفي لقدام زي عربيات تاني كتير

**ahmed_h_g** · 30-04-2010 01:33 AM

الله ينور عليك يا أستاذ رامى باشا
لا لا كده لازم نقعد مع بعد قعدة عرب وتورينى الجراج بتاعك فين
خلاص هانت مش هكمل شهر وهتلاقينى عندك ان شاء الله
بارك الله فيك .

**solyahmed** · 30-04-2010 03:22 AM

انا من زمان من اول ما جبت العربيه قولت على موضوع الفرامل ده بس ما لقيتش حد بيتكلم علي الفرامل حسيت ان انا لوحدي الي حاسس بالموضوع ده
مشوار الفرامل طويل والفرامل المؤثره القويه بتبقى في اخر الدواسه مع الدوسه القويه انا سوقت عربيات تانيه زي الكورولا و اوبترا اول ما دوست فرامل كنت حلبس في الازاز انا ساعتها قولت انا على كده الي عندي في العربيه ما اسمهاش فرامل هي مشروع فرامل و ما كملش فقالوا يركبوا على كده و خلاص .
لما روحت التوكيل في صيانه 10 الاف قولت لهم كل الي عملوا سحبوا الهوا و قالولي هي كده زي الفل ياجماعه ما هي زي ما هي امال عملتوا ايه قالولي هي طبيعتها كده و مشورا الدواسه طويل انت بس دوس جامد
الكلام ده من المهندس محمد صلاح توكيل الاسكندريه
الموضوع الي حضرتك اكتشفته ده احنا حنعمله ازاي ؟ ممكن اروح لمكانيكي ميعرفش يعمله و يبوظها اكثر مش عارف الحل ايه

بس عموماا شكرااا لمجهودك يا بشمهندس رامي

**ahmed_h_g** · 30-04-2010 03:28 AM

فرامل اللانسر الهاى لاين اللى فيها abs برضه فيها المشكله ديه
هيه متعتبرش مشكله بس بالنسبه لينا مشكله عارفين ليه ؟؟؟
احنا محدش فينا بقى يثق فى صناعة وتقفيل السيارات اليومين دول
لكن لو الثقه كانت موجوده زى زمان
كان الكل هيتعود على كده ومش هيفكر يغير مسمار فى العربيه زى الكلمه اللى كانت بتتقال وأتنست (شغل فبريكه ) ههههههه .

-

الموضوع: فرامل البروتون وطريقه عملها وحل مشكله طول مشوار الدواسه

LinkBack

أدوات الموضوع

عرض

-

-

-

انا زعلان قوي قوي -

-

-

-

-

المواضيع المتشابهه

ترموستات الكوع و وظيفتها وطريقه عملها .... موضوع مصور

بدون تحيز وبكل موضوعيه (فرامل البروتون)

فرامل البروتون غير مرضية !!

مفاجاه اخيرا توصلت لحل مشكله المالتي فانكشن وطريقه الاصلاح

الكلمات الدلالية لهذا الموضوع

المفضلات

المفضلات

ضوابط المشاركة