الموضوع: فرامل البروتون وطريقه عملها وحل مشكله طول مشوار الدواسه

...................

بعد ما ستلمت السيارة فى 500 كيلو الاولى طول المشوا بتاع الفرامل وكمان مكانتش قوية فى الاخر تحت كوبرى الدائرى وعلى سرعة 80 كيلو بالسيارة الواجا فوجئت بسيارة سبارو ليجاسى وقفه على الشمال انا وصحبها بقينا اصحاب اوى بعد كده لم تسعفنى الفرامل المفاجىء لانى متعود على فرامل على الشعرة وطبعا لا يمكن اسيب 200 متر بينى وبين العربية الا امامى وشكيت فى نفسى انى انا الا ستهونت فى دوسة الفرامل يعنى مدستش دوسة رجاله
وبعد كده دخلت مرحلة التصليح فى التوكيل والمعاناة معى التامين
وبعد كده افتكرت ان تيل الفرامل هو السبب فبعت ماليزيا جبت تيل melt king كلفنى 1000جنيه
ولما فكيت بتاع التوكيل لقيته ممسوح
الفرامل اتحسنت مع التيل الجديد هو راكب بقاله شهر
[COLOR="Red"]لكن فى حاجه غريبه الفرامل بحالات مره اليقها حلوة وقريبة وحاسس بيها فى رجلى ومره اجدها طرية وبتهرب وتاخد وقت على السرعات العالية فى التهدئة ولا تعطينى صوت كوتش بيمسك مع الدوسه الجامده ملحوظة سيارتى واجا 2009 بدون ABS اتوماتيك[/COLOR]
كان لى تجربة زمان فى 1994 مع سيارة الشعب 128 كان الماستر الرئيسى هو سبب هروب الفرامل
لدرجة انى فكرت اغير خراطيم المساتر و والكليبرات لانى غيرت وجبت احسن تيل
نفسى فى فرامل تهدى وقت معوز فى مشورها الاول ووقت المفاجائة القيها فى الدوسه جامد ويكون عندى ثقة فيها
حد ممكن يحقق لى ده مستنى ردكم

عندك مشكله في جلد الماستر العمومي وده الي بيخلي الفرامل تهرب احيانا وده بسبب تاكل التيل وحلي مشوار الدواسه طويل عشان كده الجلد اتاكل

المشاركة الأصلية كتبت بواسطة weeja

شكرا على الموضوع المفيد جدا يا باشمهندس رامي
دلوقتي انا جربت الموضوع ده
قلت للميكانيكي على الرجلاش اللي تحت التابلوه وظبطه وقاللي كده الرجلاش على اخره وانا فرحت الصراحة لما لقيته بيقول للصبي اللي شغال معاه هاتلي مفتاح 14 ومفتاح 17 لان انا فاهم بقى من موضوع حضرتك :s_thum1[1]:
وبعدين بص على اللي في فرامل اليد وقاللي الصامولة مربوطة ع الآخر وبعدين جاب صامولة تانية وحطها تحتها وربطهم ع الاخر برضه
والنتيجة دلوقتي ان الفرامل مشوار الدوسة قل شوية بس مش اوي برضه يعني بعد ماكان المشوار بعيد اوي عندي بقى زي مثلا في جين 2 2010 بتاعة واحد صاحبي لسه ماكملتش 10 الاف كم وانا بسوقها على طول
وفرامل اليد برضه لما بشدها بتبقى عالية اوي برضه زي ماهي يعني ممكن تعملها 10 تكات على بال ماتقف بس كل اللي اتغير اني حسيت ان شدتها نشفت شوية
مع العلم اني مغير تيل فرامل fbk من حوالي 7000 كم قدام وورا بعد خراطة الطنابير اللي ماكنتش اعرف انها غلط والتيل اللي ورا كان بيمسك ومش بيسيب والميكانيكي فك البستم و ظبطه لما كنت بغير التيل
ودلوقت الميكانيكي بيقولي التيل اللي ورا في رجلاش لازم العجلة اللي ورا تتفك والرجلاش ده يتظبط ، ايه رأي حضرتك؟؟؟؟

بص يا فندم انتا حاسس ان مشوار الدواسه لسه طويل وده بسبب انك خرطت الطنابير وبي النسبه للرجلاش الي في العجل الخلفي ده رجلاش اتوماتك يعني ماينفعش يتعمل في حاجه لانه سنتريك وعلي فكره نفس النظام جه راكب في الفيات 132 ال 2000 انا لما فكيت التيل والماستر الخلفي اكتشفت انه سنتريك يعني فيه تيله وترس جوه الماستر بتلف في اتجاه واحد ولو اتلرجلش عليه التيله بتترفع وبترجع مكانها تاني الرجلاش الوحيد في فرامل اليد ياريت تكشف علي التيل تاني لان 10 تكات كتيرررررررر جدا انا عندي فرامل اليد اخارها 3 او 4 تكات بي الكتير