ممكن برضه عن طريق قيم قراءات للسينسورز...... لو الي بيعمل سكان فاهم كويس هايطلع العيب حتي لو فيه حاجة شغالة 1/2 1/2 وماباظتش تماما.
عرض للطباعة
هيظهر الخلل عادى الكمبيوتر بيسجلة مش لازم لمبة الاعطال تنور
ثانيا كل حساس ولية قرايتة اللى لازم يكون مظبوط عليها , وطبعا بتبقى معروفة جدا للمهندس اللى بيعمل الاسكانر سواء فولت قليل او حساس قارى بنسبة ضعيفة عن المعتاد
شوف ياباشا محدش عندة سيارة فيها وحدة تحكم ويظهر عندة عيب اثناء تشغيل الماتور ومابيروحش يحطها على اسكانر لازم تتحط على اسكانر وهناك ودة اللى انا عارف ومتاكد انة منة
حضرتك عندك بلف الايدل كنترول متوسخ جامد ,وطبعا عشان ترتاح من القصة دية المهندس هيفك البوابة وهيتم تنظيفها كليا ,ويتاكد ان مافيش تسريب فى خراطيم المية اللى واصلة لبلف الايدل او الهواء اللى واصلة للبوابة لانها طبعا هتدى قرايات غلط للحساسات ومش هتظبط الا لما درجة حرارة السيارة تبقى مظبوطة
وبعدين حضرتك مشكلتك كلها ان العربية عندك بتدور مش عالية وبتبقى شبة هتطفى ,طيب دة من عيوب بلف الايدل وعلى فكرة انا نفس العيب دة حسيت بية من شهر تقريبا جيت ادور العربية قعدت دور واطية ومابقتش بترفع الاربى ام لحد ماتسخن ,على طول خلصت شغل وطلعت خليت الورشة اللى بتعامل معاها تنظفلى البوابة وبلف الايدل طلع متوسخ جامد جدا واتنظف ورجعت الحمد لله زى الاول واحسن
اولا عمر الايدل لما يتفك يبوظ العربية ولا حتى يخليها مش مظبوطة دة تنظيفة بيخلى العربية فايقة وسحبها حلو وصوتها هادى جدا
ثانيا حضرتك لما تودى العربية وديها التوكيل احسن وقولهم عايز انظف البوابة او كفاية بس الثروتل بودى لان بيبقى متركب فية بلف الايدل وحساس الtps والايرماس