هل الأوتوماتيك فعلا بيبوظ بسرعة عشان زحام القاهرة؟

**OlaOsman** · 27-01-2008 09:17 PM

المشاركة الأصلية كتبت بواسطة dehumanizer

احسن حاجة للزحام الاوتوماتك فعلا ..
يعني انا اما ببقي مزنوق في جامعة الدول و اللي هو نظام امشي خطوة و اقف و امشي خطوة و اقف .. اقول يا ريتني جبت العربية اوتوماتك

بس اول ما بطلع عالمحور بقول الحمد لله اني جبتها مانيوال :)

يعني هي امزجة .. و لو جبيتها مانيوال هتتعودي علي سواقة الزحمة ممكن تكون صعبة عليكي اول كام مرة بس بعد كدة هيبقي عادي جدا .. غير كدة المشكلة في الزحمة نفسها .. يعني انا بتفقع من الزحمة حتي لو مش انا اللي سايق !!

أولا: مبروك ع السيريون :)

هي مشكلتي مع المانيوال يمكن هي اني دي هاتكون أول مرة أسوق، و بصراحة مش عايزة أشغل نفسي بطريق و مرايات و في نفس الوقت التركيز مع النقلات و الدبرياح و حسبة برمة اللي مخوفاني من السواقة دي

عشان كده قلت اجيب اوتوماتيك و اريح نفسي.. خصوصا اني الحمد لله مش هاسوق ع المحور ان شاء الله و لا باسافر إلا في السنة مرة و كل مشاويري في المهندسين و مدينة نصر، يعني عز الزحمة :(

**SEATLOVER** · 27-01-2008 09:27 PM

المشاركة الأصلية كتبت بواسطة OlaOsman

لو الموضوع زي ما بتقول كده يبقى فعلا مش مستاهل 5 أو 10 آلاف جنيه فرق عن المانيوال

اما عن السيريون فهي معشوقتي.. بس في الحقيقة انا لسه ما اشتريتهاش.. بس ناوية ان شاء الله

معلش لو لخبطتك شوية بس فى حاجتين انتى قولتيهم يغيروا موقفى من الاوتوماتيك
1-اول مرة تسوقى
2-عربية سريون

يبقى هاتى اتوماتيك ...بالنسبالك احسن و اريح ..و كمان الاتوماتيك بتاع السريون ممتاز جداً و معمر
اصلى انا بقالى 15 سنة بسوق فالوضع مختلف .. المانيوال فى الالمانى عندى سهل جدا وخدت علية .

**OlaOsman** · 27-01-2008 09:34 PM

المشاركة الأصلية كتبت بواسطة SEATLOVER

معلش لو لخبطتك شوية بس فى حاجتين انتى قولتيهم يغيروا موقفى من الاوتوماتيك
1-اول مرة تسوقى
2-عربية سريون

يبقى هاتى اتوماتيك ...بالنسبالك احسن و اريح ..و كمان الاتوماتيك بتاع السريون ممتاز جداً و معمر
اصلى انا بقالى 15 سنة بسوق فالوضع مختلف .. المانيوال فى الالمانى عندى سهل جدا وخدت علية .

طيب كويس انك قلت كده عشان اسألك: هو انا حاطة احتمال اني ما اقدرش اجيب السيريون، و حاطة في بلان Bأتوس برايم أو البيكانتو.. تنصحني اجيبها اوتوماتيك برضه؟ و لا زي ما سمعت اكتر من مرة ان لو عايز اوتوماتيك يبقى يا اما ياباني يا اما الماني و بلاش تخاطر بإنك تجيب اوتوماتيك كوري مثلا؟

شكرا جزيلا على تفاعلك و مساعدتك :)

**MoToRiZeR** · 27-01-2008 10:09 PM

المشاركة الأصلية كتبت بواسطة OlaOsman

أولا: مبروك ع السيريون :)

هي مشكلتي مع المانيوال يمكن هي اني دي هاتكون أول مرة أسوق، و بصراحة مش عايزة أشغل نفسي بطريق و مرايات و في نفس الوقت التركيز مع النقلات و الدبرياح و حسبة برمة اللي مخوفاني من السواقة دي

عشان كده قلت اجيب اوتوماتيك و اريح نفسي.. خصوصا اني الحمد لله مش هاسوق ع المحور ان شاء الله و لا باسافر إلا في السنة مرة و كل مشاويري في المهندسين و مدينة نصر، يعني عز الزحمة :(

ميرسي ربنا يخليكي

هقولك علي حاجة .. انا لسة متعلم السواقة قريب .. و كان كل علاقتي بالعربيات حاجات نظرية .. يعني اعرف مكان النقلات و اعرف ازاي انقل انما مبعرفش اسوق ! و اما ابتديت اسوق لقيت نفسي نسيت كل اللي كنت عارفه .. و كمان نسيت الطرق اللي انا عارفها كويس .. لأن النظرة للطريق من كرسي السواق لقيتها مختلفة تماما .. و اقعد بقي اشتغل نفسي .. هوا انا كنت بخش يمين ولا النزلة اللي بعديها ..!

المهم انا في الاول مكنتش بعرف اركز في كل حاجة .. و كنت حاسس اني عمري ما في يوم من الايام ما هعرف اركز فيهم لأنهم كتير اوي ! المرايات و الار بي ام و النقلات و حساسية الرجلين بين الدبرياج و البنزين .. شغلانة يعني .. و قلت انا مش هسوق احسن ما اكسر العربية ! و والله في الفترة الاولانية كنت بخاف حتي اركب العربية .. و كل ده كان لأني كنت متوتر جدا و انا بسوق .. و لكن مع الوقت و في خلال اسبوعين بالزبط كنت بنزل فيهم كل يوم بالعربية .. بقيت بسوق عادي جدا و السواقة بقت بتتم عندي بشكل لا واعي لأن اتعودت خلاص و انا بكسر يمين ابص في المرايا اليمين .. و اما الطريق يقف خالص اجيب الاول .. و هكذا الي اخر الحاجات

فا مش هتفرق معاكي اوي .. يعني هو المانيوال هيتعبك في الاول زيادة شوية انما في فترة قليلة هتتعودي و هيبقي عندك عادي جدا .. و المانيوال فيه مزايا كتير (استجابة العربية اعلي - تيل فرامل عمره اطول - ممتع اكتر لو بتحبي السواقة و العربيات و الاحساس بتاعهم - صيانة ارخص - العربية نفسها هتبقي ارخص )

فا المهم في السواقة اهم حاجة الثقة .. تاني حاجة تاخدي كام يوم كدة تنزلي فيهم تسوقي في وقت يكون فيه الطريق رايق .. و يكون معاكي حد بتستريحيله و بيعرف يسوق بحيث يساعدك من غير ما يوترك .. و صحيح ممكن تحصل حاجات في الاول تعكننك (خدشة - خبطة بسيطة ) انما ده لازم .. اهلا بيكي في مصر !

و يرده الاوتوماتك اريح في كل الاحوال .. انما لو خايفة من المانيوال لأنك خايفة متتعوديش عليه و متعرفيش تركزي فا لأ خالص ده هيبقي في الاول بس و فترة و هتعدي

**SEATLOVER** · 28-01-2008 12:21 AM

الاتوس عربية ممتازة على سعرها ...لكن معلوماتى انها مانيوال فقط
البيكانتو هى ملكة 1100 cc و الاتوماتيك فيها ممتاز (بس مش معمر)
و سعرها الجديد من و جهة نظرى مبالغ فية اوى هو 81.5 لو ماتعرفيش

وترتيب العربيات فى الجودة من رأى
1-السريون (مانيوال -اوتوماتيك )
2-البيكانتو (يفضل مانيوال )
3-الاتوس (مانيوال)

**Mustafa_Farouk** · 28-01-2008 07:07 PM

hey all
what's your opinion about Subaru Impreza 08 in automatic ??

i mean the automatic will live long life or not ?? because i'm planning to buy an automatic car cos i'm fed-up from manual and crowded roads 24/7 at Cairo.

**wael333** · 29-01-2008 07:56 AM

يا جماعة قلقتونى جدا انا ان شاء الله هستلم سيارتى الأوبترا اليوم او غدا اوتوماتك, ايه موضوع الأوتوماتك الكورى انه ليس معمر صحيح هذا الكلام؟؟؟ ياريت حد يكون معاه سيارة كورى اوتو يدلنا من فضلكم الإفاده

**Karim_Monir** · 29-01-2008 10:37 AM

انسة علا
فعلا كلامي متاكد من كلامي ولا انصح باي فتيس اتوماتيك كوري
ويا استاذ وائل حضرتك لو كنت سالت هنا في المنتدي كنت عرفت ان فتيس النوبيرا مالاتوماتيك مليان مشاكل وانها بتتباع ارخص مستعملة في نفس الموديل من المانيوال
انسة علا لا انصحك بالاتوس دي نهائي وحشة قوي وصديق ليا جابها لمراتة ووحشة وقطع غيارها غالية مووت فانوسها ب 1300 جنية وحاجات كدة
بيكانتو افضل بس مانيوال ولا افضلها توماتيك برضه مع انها ممتازة
لو خايفة من النقلات الكتير وانتي بتتعلمي دي بسيطة
بس فعلا الخبطة في الاتوماتيك بتوجع قوي قوي
وتمنة بيوصل لتمن الموتور تقريبا
عشان كدة ما تفكريش فيه غير ياباني
لو مش هاتقدري خليكي مانيوال

**OlaOsman** · 30-01-2008 10:08 PM

انا بجد متشكرة ليكوا جميعا، بجد سعيدة جدا بمساعدتكوا و اهتمامكوا و نصايحكوا :)

شكرا جزيلا :)

نويت على الأوتوماتيك ان شاء الله و ان شاء الله تكون سيريون.. دعواتكوا بس ربنا ييسر الأمور