سمعت اكتر من مرة انه لا يفضل شراء الأوتوماتيك لو كل / معظم مشاويرك داخل القاهرة و في زحامها، عشان لما يكون الطريق واقف - زي مثلا شارع جامعة الدول العربية الساعة 6 مساء - من كتر النقل و العربية ماشية زي ما يكون جاررها كارو كده الأوتوماتيك بيبوظ.. يا ترى الكلام ده صح و لا ايه؟ :confused:
طيب فرضا الأوتوماتيك باظ، يبقى الحل ايه؟
ها ها ها
اكيد كلام فاضي
طبعا الاتوماتيك مصمم للمدن المزدحمة زي بلدنا كدة
بس الافضل في الوقفة في الاشارات انك ترجعي الفتيس لوضع المور لتخفيف الضغط على الدبرياج وتقليل استهلاك البنزين ودورة الفرامل
لانك هاتفضلي دايسة فرامل على طول عشان العربية ما تمشيش
اما عن البواظان بصراحة لا افضل اي فتيس اسيوي غير الياباني غير كدة لاء
هو اعطاله قليلة بس لما بيعطل خبطتة جامدة وبيوجع وفي الغالب مالوش تصليح
بس في اليابني فعلا في عربيات من التمانينات فتيسها زي الفل اهم حاجة تغيير الزيت في مواعيدة عشان ده اكتر حاجة بتحمي الفتيس لانه بيوصل لدرجات حرارة عالية جدا فلازم زيت محترم يصونه
واعرف صديق معاه سيفك 82 من الزيرو اتوماتيك لسه مغير فتيس من سنة واحدة من ساعة ماشتراها
ايه رايك
هو الفتيس الياباني ثمنه كام بالتقريب ؟!
حسب نوع العربيه و سنه الصنع طبعا
يعني يا أستاذ أحمد
مثلا في عربية سريون
الفتيس الأوتوماتك تلف
تصلييحه أو تغيره يعدي 15000ج
وشكراً على المتابعة
اقتباس:
المشاركة الأصلية كتبت بواسطة OlaOsman
هقلك معلومة ظريفة عندك فكرة ان كل اتوبيسات النقل العام والـ CTA اتوماتيك :D
ايه رأيك بقاااااااااااااااا :p:p:p
حضرتك بده تقصد الياباني و لا غير الياباني؟اقتباس:
المشاركة الأصلية كتبت بواسطة karim_monir
شكرا على ردك و توضيحك :)
الاوتوماتيك اختيار سهل فى المدن المزدحمة متعب اذا فكرت بعمق و بمنطق على المدى الطويل .... لية:
1- تكاليف صيانة عالية جداً
2-اذا كان صناعة جيدة هايعيش كتير و لما يقع بيبقى مميت (مش اقل من 7000 ج)
3-اذا حاولت تستخدمة صح و تحافظ علية (هتلاقى نفسك بتنقل عدد قريب اوى من المانيوال)
4-كتير اوى من الخبطات و الاحتكاكات البسيطة بتحصل منة (نتيجة عدم الدوس على الفرامل معظم الوقت...اشارات طويلة -وقوف متكرر-منحدرات-ركن-...)
5-زيادة استهلاك لتيل الفرامل عن المانيوال
6- اذا كنت من هواة الشد و القرص مش هايفيدك و هاتجيب اجلة بسرعة
صحيح الكلام ده؟ :confused:اقتباس:
المشاركة الأصلية كتبت بواسطة علي66
تصور انا أول مرة آخد بالي من الموضوع ده :Dاقتباس:
المشاركة الأصلية كتبت بواسطة cpt_shawky
طيب فعلا دول عز الزحمة و الوقفة و العطلة.
زي ما الأستاذ كريم منير قال بالظبط
طول ما في اشارة يجب وضعه في المور للأسباب السالف ذكرها
و نفس التأثير السلبي بيكون على الفتيس العادي في الزحام
معلومه مهمه :
فعلا أتوبيسات النقل العام كلها ذو صندوق تروس اتوماتيكى بس ايه ماركة Zf ألمانى ودى أكبر شركة تقريبا فى صناعة معدات نقل الحركة مثل الأكسات الخلفية وعلب الدريكسيون وطلمبات الباور ستيريج بس المهم أن ثمن الفتيس بيبقى أغلى من الموتور نفسه وحجمه ووزنه أصغر قليلا من الموتور اذا لم يكن نفس الحجم على حسب نوع الموتور
أقصد بذلك سؤال وليس طرح معلومةاقتباس:
المشاركة الأصلية كتبت بواسطة علي66
كم تكلفة تغير الفتيس الياباني
لأني قلقت من هذا الكلام
اقتباس:
المشاركة الأصلية كتبت بواسطة karim_monir
و لو اني مش فاهمة اوي ايه هو الشد و القرص بس هي الحاجات دي شكلها شبابي شوية.. مش بناتي يعني :oاقتباس:
المشاركة الأصلية كتبت بواسطة SEATLOVER
بس انا فعلا شايفة كلامك مش مع الأوتوماتيك اوي.. صح؟ :rolleyes:
انا آسف ماخدش بالى من الاسم و افتكرتك حد من اصحابنا و فاهمة المصطلحات بتاعتنا
انا قصدى لما بيبقى حد عايز يعمل تسارع بسرعة من الثبات او يطلع بالعربية و يوصل بيها لسرعة عالية فى زمن قليل أو بيعمل تنافس مع عربية تانية عشان يسبقها ..الاتوماتيك مش بيبقى جيد اوى فى نمط السواقة دى
وانا على العموم مش من مؤيدين الاتوماتيك للآسباب اللى قلتها ...و بحس عشان تحافظى علية لازم تنقلى الفتيس كل شوية مرة ل N مرة ل d ..و هكذا تحسى انها مافرقتش فى الاخر .....و يا سلام بقى لما تيجى تعملى عمرة للفتيس الاتوماتيك دة مش اقل من 7 تلاف ج فى اقل عربية ...فا على المدى الطويل مش حل سهل للزحمة ابداً
عربية المانى او يابانى مانيوال (فتيس ناعم و مرن ) ماتحسيش انك بتتعبى فى النقلات .... احسن كتير اوى
على فكرة السريون ...عربية تحفة (حلوة اوى)
يعني انت مع ان الأوتوماتيك ينفع في الزحام، صح؟ :rolleyes:اقتباس:
المشاركة الأصلية كتبت بواسطة tutankhamoun
انا من كتر ما ركبت CTA و قعدتي دايما بتيجي ورا السواق على طول لاحظت انه مش بينقل خالص و ان فيه قدامه زراير عليها حروف بالانجليزي، ساعتها قلت اكيد الفتيس بتاع الأتوبيسات دي اوتوماتيك، بس لاحظت برضه انه لما بيعطل بيفضل مكانه لحد ما الميكانيكي يييجي يصلحه، و مالوش حل غير كده.اقتباس:
المشاركة الأصلية كتبت بواسطة ماجد يوسف وهبه
نفس سؤالي.اقتباس:
المشاركة الأصلية كتبت بواسطة علي66
احسن حاجة للزحام الاوتوماتك فعلا ..
يعني انا اما ببقي مزنوق في جامعة الدول و اللي هو نظام امشي خطوة و اقف و امشي خطوة و اقف .. اقول يا ريتني جبت العربية اوتوماتك
بس اول ما بطلع عالمحور بقول الحمد لله اني جبتها مانيوال :)
يعني هي امزجة .. و لو جبيتها مانيوال هتتعودي علي سواقة الزحمة ممكن تكون صعبة عليكي اول كام مرة بس بعد كدة هيبقي عادي جدا .. غير كدة المشكلة في الزحمة نفسها .. يعني انا بتفقع من الزحمة حتي لو مش انا اللي سايق !!
لو الموضوع زي ما بتقول كده يبقى فعلا مش مستاهل 5 أو 10 آلاف جنيه فرق عن المانيوال :eek:اقتباس:
المشاركة الأصلية كتبت بواسطة SEATLOVER
اما عن السيريون فهي معشوقتي.. بس في الحقيقة انا لسه ما اشتريتهاش.. بس ناوية ان شاء الله :rolleyes:
أولا: مبروك ع السيريون :)اقتباس:
المشاركة الأصلية كتبت بواسطة dehumanizer
هي مشكلتي مع المانيوال يمكن هي اني دي هاتكون أول مرة أسوق، و بصراحة مش عايزة أشغل نفسي بطريق و مرايات و في نفس الوقت التركيز مع النقلات و الدبرياح و حسبة برمة اللي مخوفاني من السواقة دي :confused:
عشان كده قلت اجيب اوتوماتيك و اريح نفسي.. خصوصا اني الحمد لله مش هاسوق ع المحور ان شاء الله و لا باسافر إلا في السنة مرة و كل مشاويري في المهندسين و مدينة نصر، يعني عز الزحمة :(
معلش لو لخبطتك شوية بس فى حاجتين انتى قولتيهم يغيروا موقفى من الاوتوماتيكاقتباس:
المشاركة الأصلية كتبت بواسطة OlaOsman
1-اول مرة تسوقى
2-عربية سريون
يبقى هاتى اتوماتيك ...بالنسبالك احسن و اريح ..و كمان الاتوماتيك بتاع السريون ممتاز جداً و معمر
اصلى انا بقالى 15 سنة بسوق فالوضع مختلف .. المانيوال فى الالمانى عندى سهل جدا وخدت علية .
طيب كويس انك قلت كده عشان اسألك: هو انا حاطة احتمال اني ما اقدرش اجيب السيريون، و حاطة في بلان Bأتوس برايم أو البيكانتو.. تنصحني اجيبها اوتوماتيك برضه؟ و لا زي ما سمعت اكتر من مرة ان لو عايز اوتوماتيك يبقى يا اما ياباني يا اما الماني و بلاش تخاطر بإنك تجيب اوتوماتيك كوري مثلا؟اقتباس:
المشاركة الأصلية كتبت بواسطة SEATLOVER
شكرا جزيلا على تفاعلك و مساعدتك :)
ميرسي ربنا يخليكياقتباس:
المشاركة الأصلية كتبت بواسطة OlaOsman
هقولك علي حاجة .. انا لسة متعلم السواقة قريب .. و كان كل علاقتي بالعربيات حاجات نظرية .. يعني اعرف مكان النقلات و اعرف ازاي انقل انما مبعرفش اسوق ! و اما ابتديت اسوق لقيت نفسي نسيت كل اللي كنت عارفه .. و كمان نسيت الطرق اللي انا عارفها كويس .. لأن النظرة للطريق من كرسي السواق لقيتها مختلفة تماما .. و اقعد بقي اشتغل نفسي .. هوا انا كنت بخش يمين ولا النزلة اللي بعديها ..!
المهم انا في الاول مكنتش بعرف اركز في كل حاجة .. و كنت حاسس اني عمري ما في يوم من الايام ما هعرف اركز فيهم لأنهم كتير اوي ! المرايات و الار بي ام و النقلات و حساسية الرجلين بين الدبرياج و البنزين .. شغلانة يعني .. و قلت انا مش هسوق احسن ما اكسر العربية ! و والله في الفترة الاولانية كنت بخاف حتي اركب العربية .. و كل ده كان لأني كنت متوتر جدا و انا بسوق .. و لكن مع الوقت و في خلال اسبوعين بالزبط كنت بنزل فيهم كل يوم بالعربية .. بقيت بسوق عادي جدا و السواقة بقت بتتم عندي بشكل لا واعي لأن اتعودت خلاص و انا بكسر يمين ابص في المرايا اليمين .. و اما الطريق يقف خالص اجيب الاول .. و هكذا الي اخر الحاجات
فا مش هتفرق معاكي اوي .. يعني هو المانيوال هيتعبك في الاول زيادة شوية انما في فترة قليلة هتتعودي و هيبقي عندك عادي جدا .. و المانيوال فيه مزايا كتير (استجابة العربية اعلي - تيل فرامل عمره اطول - ممتع اكتر لو بتحبي السواقة و العربيات و الاحساس بتاعهم - صيانة ارخص - العربية نفسها هتبقي ارخص )
فا المهم في السواقة اهم حاجة الثقة .. تاني حاجة تاخدي كام يوم كدة تنزلي فيهم تسوقي في وقت يكون فيه الطريق رايق .. و يكون معاكي حد بتستريحيله و بيعرف يسوق بحيث يساعدك من غير ما يوترك .. و صحيح ممكن تحصل حاجات في الاول تعكننك (خدشة - خبطة بسيطة ) انما ده لازم .. اهلا بيكي في مصر !
و يرده الاوتوماتك اريح في كل الاحوال .. انما لو خايفة من المانيوال لأنك خايفة متتعوديش عليه و متعرفيش تركزي فا لأ خالص ده هيبقي في الاول بس و فترة و هتعدي
الاتوس عربية ممتازة على سعرها ...لكن معلوماتى انها مانيوال فقط
البيكانتو هى ملكة 1100 cc و الاتوماتيك فيها ممتاز (بس مش معمر)
و سعرها الجديد من و جهة نظرى مبالغ فية اوى هو 81.5 لو ماتعرفيش
وترتيب العربيات فى الجودة من رأى
1-السريون (مانيوال -اوتوماتيك )
2-البيكانتو (يفضل مانيوال )
3-الاتوس (مانيوال)
hey all
what's your opinion about Subaru Impreza 08 in automatic ??
i mean the automatic will live long life or not ?? because i'm planning to buy an automatic car cos i'm fed-up from manual and crowded roads 24/7 at Cairo.
يا جماعة قلقتونى جدا انا ان شاء الله هستلم سيارتى الأوبترا اليوم او غدا اوتوماتك, ايه موضوع الأوتوماتك الكورى انه ليس معمر صحيح هذا الكلام؟؟؟ ياريت حد يكون معاه سيارة كورى اوتو يدلنا من فضلكم الإفاده
انسة علا
فعلا كلامي متاكد من كلامي ولا انصح باي فتيس اتوماتيك كوري
ويا استاذ وائل حضرتك لو كنت سالت هنا في المنتدي كنت عرفت ان فتيس النوبيرا مالاتوماتيك مليان مشاكل وانها بتتباع ارخص مستعملة في نفس الموديل من المانيوال
انسة علا لا انصحك بالاتوس دي نهائي وحشة قوي وصديق ليا جابها لمراتة ووحشة وقطع غيارها غالية مووت فانوسها ب 1300 جنية وحاجات كدة
بيكانتو افضل بس مانيوال ولا افضلها توماتيك برضه مع انها ممتازة
لو خايفة من النقلات الكتير وانتي بتتعلمي دي بسيطة
بس فعلا الخبطة في الاتوماتيك بتوجع قوي قوي
وتمنة بيوصل لتمن الموتور تقريبا
عشان كدة ما تفكريش فيه غير ياباني
لو مش هاتقدري خليكي مانيوال
الله ينور يا اخ كريم كلام بروفيشنال انا معايا اوتوماتيك وبصراحه مريحه جدا جدا وخاصه في الزحاماقتباس:
المشاركة الأصلية كتبت بواسطة karim_monir
انا بجد متشكرة ليكوا جميعا، بجد سعيدة جدا بمساعدتكوا و اهتمامكوا و نصايحكوا :)
شكرا جزيلا :)
نويت على الأوتوماتيك ان شاء الله و ان شاء الله تكون سيريون.. دعواتكوا بس ربنا ييسر الأمور :rolleyes: