الحمد لله على ستر ربنا و استجابة نيسان صنى ممتازة
الواحد من ساعة ما جاب العربية و بيمر بمواقف صعبة وربنا بيستر
بس الموقف ده لازم انقله لانى أعجبت أكثر بأداء نيسان صنى الحمد لله على النجاة والحمد لله على اختيار الصنى
كنت راجع من برج العرب الى الاسكندرية عن طريق طريق مدينة برج العرب الجديد مطار البرج ثم الى الطريق الدولى الساحلى
وطريق برج العرب المطار بيتم فيه اصلاحات كتير ويوجد ملف طريق واحد اتجاهين علشان بيصلحوا الطريق المزدوج
وانا داخل على الملف والسرعة كانت 120 ونازل بالسرعة علشان الملف لاقيت أمامى سيارة تمشى امامى نصف نقل تحمل أسطوانات اكسجين الحجم الكبير وتجرى بسرعة ولما دخلت الملف طارت ثلاث اسطوانات من فوق السيارة وانتشرت امامى على الطريق بيدحرجوا بسرعة كأنها طوربيد وسيارات قادمة امامى وسيارات خلفى
بفضل الله ضغط سريعا على الانتظار للسيارت خلفى و راوغت الاسطوانات وهى تجرى على الطريق و عديت منها مش عارف ازاى وبصراحة حسيت بمرونه وسرعة استجابة السيارة اللى معايا مع انى لسه جديد فى السواقة
والحمد لله لم تنفجر الاسطوانات اصلا لما وقعت على الارض ولم تصب أى من السيارات الاخرى بأذى