الموضوع: جيتز أوتوماتيك ولا ماتريكس أوتوماتيك ولا نيو أكسنت أوتوماتيك

بصى انا بنت زيك و مفهمش في كلام الولاد الملعبك عن العربيات بس انا سقت السيريون و سقت النيو اكسنت و الماتريكس
اولا ابعدي عن الماتريكس بجد مستريحتش خالص و حجمها كان رابكني مع ان انا بسوق من 5 سنين و بجري معنديش مشاكل في السواقة كمان من جوه ضايعة و poor اوى معجبتنيش و تقفيلها تركي و دي حاجة مش مستريحلها

النيو اكسنت كورى طبعا 100% و ال options حلوة و من جوه عجبتني اوى كمان بس الباور بتاع الديريكسيون خفييييييييييييييف اوى زيادة عن اللزوم دي حاجة ممكن تبقي ميزة بالنسبة لناس بس ليه انا كانت عيب و العربية اصلا 1600 فده كله مخلي العربية الى حد ما حسيت ان سواقنها تبقي عايزة حد يعرف يعمل control صح يعني يبقي مسيطر اوى

السيريون دي عربية اقل ما يقال عنها انها وهمية انا كنت هجيبها بس للاسف احتجت عربية عائلية شوية و شنطة كبيرة بعد الجواز فالسيريون مكنتش هتأدي اوى في الحته دي عشان شنطتهااا بس و حطي ميييت خط تحت شنطتها بس ,,فوليليي ليه بأة اقولك يا ستي , لانه اصلا العربية من جوة هتتخضى من وسعها و بجد تخدعك بحجمها الصغير من برة و سيبك من كلام بتاع الانتشار و كدة عشان كله مش دقيق اصلا ,انا في عيلتي في 3 سيريون ,بجد عربية من الاخر كمان بالنسبة لبنت فعلا فلوسها فيها و ياباني 100 % و باور تحفة و ثبات هايل و صالون واااااسع اوسع حتي من عربيات سيدان , بجد Rethink and consider it و علي فكرة اى كلام على ان سعرها اغلى من اللى تستحقه اكييييييييد مش مظبوط لانها ارخص عربية يابانى 100% 1300 , دة حتي لو جبتيها 1500 اوتوماتيك still ارخص

انا عندي بنتين و موضوع الشنطة دة مهم أوي علشان كدة عايزة ماتلريكس علشان أخلص من الخناقات و حاسبي رجلك و زوقي الكرسي و مش مرتاحة و الحوارات اللي تزهق دي فلقيت أوسع صالون و في نفس الوقت تنفع في السفر و غيرة و قطع الغيار حلوة هي الماتريكس بس إنتي خوفتيني من الأبعاد بتاعتها أوي بس متهيأليب هأخد عليها بعد أسبوع بالكتير ولا إية يا ريت لو حد قابلتة نفس المشكلة يقولي علشان خلاص هأحجز و معلش يا جماعة زهأتوكو بس منكم نستفيد و إنتو أهل الخبرة كلها .

اختى الكريمة أعتقد ان الماتريكس مناسبة لحضرتك جدا وارتفاع السيارة يعطيكى راحة وتحكم ورؤية أفضل ..موضوع ابعاد السيارة هى مع كل السيارات الواحد محتاج وقت مش كتير اوى علشان يتعود على ابعاد سيارته من اى نوع مش بس الماتريكس..وطالما انت بتسوقى بحكمة وبسرعة متوسطة السيارة دى تعيش معاكى كتير ...ربنا يوفقك