جيتز أوتوماتيك ولا ماتريكس أوتوماتيك ولا نيو أكسنت أوتوماتيك

**unounobebo** · 26-01-2008 01:34 AM

أنا محتارة يا جماعة و محتاجة نصايحكم بس يا ريت بسرعة من فضلكم علشان عايزة ألحق أحجز العربية إن شاء الله أنا كنت بأفكر في السيريون بس بصراحة شكلها مش عاجبني أوي و بعد كدة فكرت في الجيتز عجباني ناس قالت حلوة و ناس قالت لأ المهم عملت إسنخارة و بدأت أفكر في الجيتز و الماتريكس الفرق بينهم مش كبير في الشنطة و الوسع بس الجيتز الفرش بتاعها الأزرق مش عاجبني و كنت عايزة أعرف هما الإتنين نفس موتور الإلنترا القديم؟ و أنهي أحسن و الجيتز خفيفة صحيح مع العلم إني ما بأزودش عن 100 هل هي خفيفة صحيح ؟ و كمان قالولي في المعرض إن النيو أكسنت الموتور بتاعها أحدث و هي و الجيتز تقفيل كوري لكن الماتريكس تقفيل تركي و أنا عايزة رلأيكم أجيب إية من التلاتة دول ولا بلاش غبور خالص ؟ و هل قطع الغيار مش موجودة برة التوكيل خالص؟ لأرجوكم سرعة الرد و شكرا .

**محمد ابراهيم 1** · 26-01-2008 02:37 AM

ما لها السيريون دى جميله خالص وبالذات للبنات حتبقى تحفه بجد هى افضل من كل دول وبعدين التوكيل بتاعها من التوكيلات القليله المحترمه غير الناس التانيين
لكن لو مصممه على الكورى
يبقى النيو أكسنت افضل اختيار لأنها موديل حديث نسبيا و متطوره عن الباقيين

**Ahmed Anwer** · 26-01-2008 01:45 PM

دي مقارنة سهلة اوي

كلهم ماركة واحدة ،،

بس فئات مختلفة ،،

فرق السعر هيوضحلك ، الماتريكس ميني فان ،،

الجيتز _ سوبر ميني _ هاتشباك ،،

لكن الإثنين نفس الموتور و الفتيس ،،

شوفي بقه احتياجاتك ايه ،،،

و رأيي ابعدي عن السيريون ،،

انتشارها ضايع ،،

مع قطع غيار و صيانة الياباني الغير منتشر هتبقي تحت رحمة الوكيل حتي لو بيقولوا عليه محترم

**أبو عبدالله** · 26-01-2008 01:54 PM

السيريون جميله جدا وعن تجربة
وانصحك بكثرة صلاة الاستخارة لكي ترزقي الخير

**Ahmed Anwer** · 26-01-2008 02:00 PM

نسيت اقولك

النيو اكسنت سوبر ميني سيدان

و تتميز بموتور احدث و باور كهربا

هيا جيل جديد من هيونداي مع الإلنترا الجديدة و i30

بس انتشارها عليه علي علامة استفهام ،، غير حكاية تاكسي العاصمة !!!

**OlaOsman** · 26-01-2008 02:07 PM

انا كمان بارشح السيريون بقوة.. عربية محترمة بجد :)

و زي ما أبو عبد الله بيقول لك، عليكي بكثرة الاستخارة و يا ريت لو تجيبي ورقة و قلم و تحسبي المميزات و العيوب لكل عربية من اللي بتختاري بينهم و توازني الأمور و ربنا يهديكي للي فيه الخير ان شاء الله :)

**fahd_628** · 26-01-2008 02:11 PM

انا رأى سيريون او ماتريكس

**محمد عز** · 26-01-2008 02:38 PM

هو كله كورى كورى مافيش يابانى
على العموم ياستى كل اللى انتى مختاره كويس
انتى ليه مش بتفكرى فى الياريس ، سيدان او هاتش باك
عربية جميلة جدا ، اتوماتيك سحبها ممتاز وتكييف روعه وسواقتها مريحه

**unounobebo** · 26-01-2008 11:55 PM

الياريس الهاتش باك ب 95 مانوال و الأوتوماتيك 100 أو أكتر كتير أوي بس إنتو إية رأيكم في النيو أكسنت ؟ حكاية عدم إنتشارها دي علشان إية ؟ و علي فكرة انا عملت إستخارة علي السيريون و سبحان الله من ساعتها ما بأفكرش فيها و عمالة أفكر في حاجات تانية أتمني ماتكونش غريبة و يا جماعة لو حد عندة حاجة أحسن من اللي قلتهم في نفس السعر يقولي .

**fiatmomo** · 28-01-2008 01:22 AM

حضرتك شوفى احتياجاتك اية من العربية ... واختارى على هذا الاساس ... مافيش حد حيقدر يختار سيارة ليكى بالانابة عن حضرتك .. ودة ببساطة لاختلاف ازواق واحتياجات وميول كل حد فينا .....
- الجيتز شبابية .. وشنطتها صغيرة وموتورها قوى " شبابى " وسعرها معقول
- الماتركس عربية عائلية وشنتطها صغيرة , فى ناس بتعترض على شكلها .. وان كانت مناسبة جدا للمدينة .
- السيريون توكيل محترم جدا اسعار قطع غيار اكيد غالية جدا ومش منتشرة زى الهيونداى وان كانت واسعة جدا بس فى نفس الوقت غالية جدا جدا جدا جدا جدااااااااااااااااا .
- النيو اكسنت موتور متطور وموفر فى استهلاك البنزينcvvt شنطتها كبيرة جدا جدا بالمقارنة بالماتركس والجيتز , صالون معقول اكبر من الجيتز واقل من الماتركس .. لكن مريح جدا .. لانى ركبتها تاكسى العاصمة . سعرها نوعا ما معقول . ابعاد السيارة الخارجية مناسبة للطرق المزدحمة " ملمومه ". وان كان معظم البنات والسيدات مش بيحبو السيارات السيدان .

ارجو انى مكونش ذودت حيرتك .. بس فكرى كويس فى احتياجاتك من السيارة .

وعماتا لو عليا انا كأختيار شخصى حفضل النيو اكسنت لاسباب كتير .