جازولين يعنى بنزين يا جماعة الخير
عرض للطباعة
جازولين يعنى بنزين يا جماعة الخير
تحففففففففففففففففففففففف ففففففففففففففففففففففففه
فى حاجه كمان مش واخدين بالكوا منها
لو الالنترا نزلت بالموتور ال 138 حصان
السيراتو بردوا هتنزل بنفس ال 138 حصان
زى الوقت الحالى الالنترا موتورها من 2009 اتغير و بقى زى السيراتو الجديدة
لكن 2007 و 2008 النسخة الاقدم و تلاحظوا الكلام ده من البوجيهات
بوجيهات النترا 2007 و 2008 غير 2009 و 2010 و النقطة دى محدش يعرفها
المكنة واحده فى الاتنين
العربيه دي شكلها فعلا بقى سبووووووور جداااااااا و خصوصا بعد ما بقت مساحة الزجاج الخلفي
و ارتفاعه قليلين, و ده اداها طابع رياضي جداا, مع الايروداينامكس الرائعه, و الفانوس الأمامي
الشبيه بفوانيس البيجو... العربيه بقت تحفه فعلا....
لكن اعتقد و العلم عند الله, انها المفروض تنزل بموتور السيراتو الحالي و هو جاما2
و ده 124 حصان, و عزم 156 نيوتن.متر... و المفروض جير بوكس 4 سرعات
لو في حاجه هتتغير من دول, يبقى أكييد هتتغير في السيراتو بعد كده...
و بالمناسبه دي, انا عرفت ان في اتجاه لتغيير الجير بوكس الحالي في السيراتو (4 سرعات)
لجير بوكس اخر متطور 6 سرعات (اللي في النيو النترا), يعني ممكن يكون الموضوع صحيح
و كمان سمعت انهم هيغيروا نظام التعليق الخلفي في السيراتو, و هيرجعوه مالتي لينك تاني زي الأول
ابتداء من موديلات 2011 و غالبا هيكون مع الجير بوكس الجديد... و الله أعلم
و بلاش نسبق الأحداث في تعديلات السيراتو, لأن ده لو حصل, هيبقى في كلام تاني خااااااااالص
بس فعلا الالنترا الجديده هتغطي على منافساتها (( الكروز و السيراتو و ممكن جداا الفلوينس كمان ))
و رأي, ان غبور لازم هينزلها بكماليات تنافس الكروز و السيراتو الهاي لاين, و لكن بسعر اغلى
من السيراتو شويه, يعني الجنط 16"+فتحة سقف+سينسورز+زينون+فرش جلد+الـcd الأوريجينال
ممكن جداا تبقى بـ130-135 ألف (لو بالموتور العادي Gamma2 الـ124 حصان و فتيس 4سرعات)
ممكن جداا تبقى بـ140-150 ألف (لو بالموتور الجديد الـ136 حصان مع الفتيس الـ6 سرعات الجديد)
و كلها توقعات, و في الاخر ماحدش عارف الأب الروحي (مستر غبرووور) هيعمل ايه, او هيتحفنى بايه..!!!!
و أعتقد هينزل بيها في الأوتو ماك القادم يوم 3-7\6\2010 ان شاء الله, و هيفتح باب الحجز
و اتفرج على مستر غبوووور و هو (( بيــــــــاكل )) السوق بالالنترا الجديده... و هو ده القر بعينه :)
غبور م س ت ح ي ل ينزل الموتور الجديد
هاينزلها بالموتور القديم أو موتور السيراتو اللي هو هواه على الأقل
دي مدرسة صاحبه منصور ....ناخد المواتير القديمة اللي عندنا قطع غيارها و فاهمينها
و الناس هنا ما بتاخدش باسم الموتور ...بتاخد بسعته و الحصنة اللي الباشا هايحطها على البروشور
مش هاينزل زينون خالص لأنه عمره ما عملها
و هاينزلها زي الإلنترا الحالية ...الكماليات الشعبية بدون أمان كامل
و هايبيع شكل بسعر زي ما قلت يا باشمهندس مش هاينزل عن 130 ألف ......
أما لو السيراتو عملتها ....يبقى لازم يعدل نفسه
و ساعتها اليابانيين يتفرجوا و يتعلموا
أنا معاك فعلا فيها روح البيجو من قدام و ده فعلا يديها شكل هجومي و رياضي جميل جدا,
و الشكل الخلفي تقريبا زي السوناتا روعة
لكن عن جنب انا شايف انها هي هيي زي الموديل الحالي و انا بصراحة بحسو مافيهوش اي انسيابية و خاصة بللور الباب الخلفي ازاي مرفوع من نهايته و عامل زي الموجة ده بيخفف من الشكل الرياضي اللي بتوحي بيه بشكل عام.
اما المحرك ما تنسوش يا جماعة انو لسه ده الاعلان الاول عن العربية في معرض مش للبيع, و ان السيراتو لما تعرضت في اول مرة كانت 2.0لتر زي ما بتتباع في أمريكا , يعني لما تنزل الأفانتي ممكن يتغير موضوع المحرك حسب الدول المستوردة.
عالعموم هي بيقولوا هتنزل فنص السنة بقى نستنى و نشوف هتعمل ايه