فضفضة

**ams** · 26-01-2008 05:25 PM

و مهما حصل بلدى و بحبها

**araberphilosoph** · 26-01-2008 05:33 PM

لو لم اكن مصريا لوودت ان اكون مصريا بس مش تحت نظام الحكم الحالي

**tmz9111** · 26-01-2008 06:07 PM

قلبي معاك واكثر بس من ذكر ربك

**tutankhamoun** · 26-01-2008 06:21 PM

أستاذ أحمد
أنا أشعر تقريبا نفس شعور حضرتك و لكن لأسباب مختلفة

خارج مصر يعانون نفس المشاكل الاقتصادية التي نعانيها
و لكن الفرق هو وجود نظام متناهي يجمع كل الناس تحت مظلته عكس مصر

فاتورة المياة التي كنت أدفعها في فرنسا مثلا كانت تتعدى 60 يورو شهريا
فاتورة كهرباء من 50 إلى 100 يورو
فاتورة غاز من 50 إلى 100 يورو
فاتورة تليفونات حوالي 15 يورو شهريا و ده لأني كنت بكلم مصر كتير و الاتصالات هناك هي الحاجة الوحيدة الرخيصة و معاهم الأنترنت
ضرائب عقارية حوالي 100 يورو شهريا حتى لو أنت مش مالك البيت أو الشقة
ضرائب دخل حوالي 100 يورو
تأمينات اجتماعية غير مستردة حوالي 25 يورو
تأمينات على السيارة إجبارية حوالي 90 يورو شهريا
ضرائب على السيارة شهريا حوالي 13 يورو شهريا
بخلاف مصاريف الوقود و الصيانات
احتياجات الطعام لا تقل عن 500 يورو في الشهر
ايجار البيت 750 يورو في الشهر
قسط البيت لو تملك بيت حوالي من 800 إلى 1500 يورو شهريا

-----------------------------
الحياة خارج مصر غالية جدا جدا جدا
و جميع أفراد الأسرة يجب أن يعملوا حتى يستطيعوا أن يوفروا مصاريف الفواتير و الضرائب
و علشان تحوش دي ليها قصة تانية خالص
يعني لازم تكون مش متجوز و معندكش عيال تصرف عليهم
و تكون مشارك السكن مع أثنين أو ثلاثة غيرك علشان تقسموا المصاريف مع بعض ............ الخ

الحياة خارج مصر حلوة في النظام و النظافة بس ........... و أنا مستعد للتخلي عن دخلي العالي في مصر لأتمتع بحياة منظمة مينحرقش فيها دمي كل يوم

**ابوحميد** · 26-01-2008 06:29 PM

المشاركة الأصلية كتبت بواسطة tutankhamoun

أستاذ أحمد
أنا أشعر تقريبا نفس شعور حضرتك و لكن لأسباب مختلفة

خارج مصر يعانون نفس المشاكل الاقتصادية التي نعانيها
و لكن الفرق هو وجود نظام متناهي يجمع كل الناس تحت مظلته عكس مصر

فاتورة المياة التي كنت أدفعها في فرنسا مثلا كانت تتعدى 60 يورو شهريا
فاتورة كهرباء من 50 إلى 100 يورو
فاتورة غاز من 50 إلى 100 يورو
فاتورة تليفونات حوالي 15 يورو شهريا و ده لأني كنت بكلم مصر كتير و الاتصالات هناك هي الحاجة الوحيدة الرخيصة و معاهم الأنترنت
ضرائب عقارية حوالي 100 يورو شهريا حتى لو أنت مش مالك البيت أو الشقة
ضرائب دخل حوالي 100 يورو
تأمينات اجتماعية غير مستردة حوالي 25 يورو
تأمينات على السيارة إجبارية حوالي 90 يورو شهريا
ضرائب على السيارة شهريا حوالي 13 يورو شهريا
بخلاف مصاريف الوقود و الصيانات
احتياجات الطعام لا تقل عن 500 يورو في الشهر
ايجار البيت 750 يورو في الشهر
قسط البيت لو تملك بيت حوالي من 800 إلى 1500 يورو شهريا

-----------------------------
الحياة خارج مصر غالية جدا جدا جدا
و جميع أفراد الأسرة يجب أن يعملوا حتى يستطيعوا أن يوفروا مصاريف الفواتير و الضرائب
و علشان تحوش دي ليها قصة تانية خالص
يعني لازم تكون مش متجوز و معندكش عيال تصرف عليهم
و تكون مشارك السكن مع أثنين أو ثلاثة غيرك علشان تقسموا المصاريف مع بعض ............ الخ

الحياة خارج مصر حلوة في النظام و النظافة بس ........... و أنا مستعد للتخلي عن دخلي العالي في مصر لأتمتع بحياة منظمة مينحرقش فيها دمي كل يوم

بس معلش يا اخويا انت نسيت اهم حاجة وهيا
دخلك كان متوسطه كااااااااااااااااااااااام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

**حاتم سليم** · 26-01-2008 06:30 PM

احمد بك سامى

كثير من البشر يفكروا فى تغيير حياتهم

و قليل منهم يملك تنفيذ هذا القرار

و قليل ممن يملك التنفيذ يقوم به فعلاً

تغيير مسيرة الحياه امر ليس بالهين

ضع الخيارات امامك

وفكر كثيرا او قليلاً

و اتخذ القرار

أما الاستمرار بألم

او المقامرة بالتغيير ...

**3mr Farrag** · 26-01-2008 06:46 PM

احمد باشااااااا
و الله انا نفس عندي نفس الشعور ده....
يمكن انا اكتر لني لسه و لا خلصت تعليم و لا مرتبط...
و الدنيا من الاخر ممكن اقول انها متقفله متقفله....
انا مش عايز بس اتفرع في موضوعي اكتر....
بس انا قصدي ان مش لوحدك الاحساس ده...
يمكن من اكتر الحاجات اللي ممكن تضايقني اكتر في المستقبل
اني لما اتجوز ان شاء الله و اخلف لو ربنا اراد.....
هيتربوا ازاي في الدنيا ديه.....يعني انا جيلي و احنا صغيرين مش ذي الجيل الذفت بتاع دلوقتي
يعني تلاقي الواد اقصر من ركبك و بيشتم و قليل الادب....و مش بيهمه حد...غير زمان كنا بنخاف و بنعمل حساب للاكبر مننا
يعني حاول يكون تفكيرك اكتر في مصلحه عيلتك اكتر من راحتك النفسيه....
شوف لو السفر صحيح هيوفر حياه مريحه ليك و اسرتك بدون معاناه.....يبقي توكل....و متحرقش دمك
انا و الله لو قدامي سفر و انا لسه في التعليم ....و هعرف اعيش بره مرتاح هسافر من غير تردد

**tutankhamoun** · 26-01-2008 06:49 PM

المشاركة الأصلية كتبت بواسطة ابوحميد

بس معلش يا اخويا انت نسيت اهم حاجة وهيا
دخلك كان متوسطه كااااااااااااااااااااااام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

بص ياباشا بره في أوروبا مفيش حاجة أسمها راجل البيت هو اللي يصرف على البيت
لأن و ببساطة لن يستطيع اللحاق على المصاريف
يعني مثلا المرتبات هناك كويسة و معقولة .......... و لكن يقابلها مصاريف عالية جدا و تطير أجدع مرتب لو أنت لوحدك
و زي ما قلت علشان كدا سن الزواج في أوروبا مرتفع إلى حد ما و أغلبية الشباب هناك بيتجوز فوق 30 و ليس أقل
و و أغلبية الشباب هناك لا يملكون منزل بل مستأجرون لأنهم و ببساطة لن يستطيعوا تحمل مصاريف امتلاك منزل في أوروبا
أه نسيت حاجة
تأمين على المنزل ........ لا يقل عن 50 يورو شهريا

هناك تلاقي الزوج و زوجته و أولادهم يعملون جميعا
و الأب و الأم غير مسئولين عن أولادهم بعد سن 16 سنة
و تلاقي الشباب يخرج يشتغل و يصرف على نفسه و يساعد في مصاريف البيت مع أبوه و أمه
غير كدا ............ يطلع يشحت في الشارع
الحياة بره مش وردية زي ما الناس فاكره
الحياة هناك منظمة و نظيفة و لها ثمنها
يعني كل الكلام ده مش ببلاش لأنه يتم تنفيذه باستقطاع جزء كبير من دخلك كضرائب ليتم الصرف منها على النظافة و الانارة و الصحة ( جزء كبير منها غير مجاني )
و الطرق .............. و الجيش .......
و لا يوجد هناك شئ مدعم نهائيا
كله بثمنه .......... تشتغل يشيلوك فوق رأسهم
تكسل و تقعد في البيت ....... لا مؤاخذة تبقى شحات

------------------
عكس مصر
مرتبات أقل ............ مصاريف أقل ( بالمقارنة بأوروبا )
أشياء كثيرة هنا مدعمة ......... لا شئ مدعم في أوروبا
خدمات دون الجودة المطلوبة في مصر ... و لكنها إلى حد ما مجانية أو رخيصة
في أوروبا خدمات ممتازة و تدفع مقابلها دم قلبك

**ahmedezzat78** · 26-01-2008 06:51 PM

المشاركة الأصلية كتبت بواسطة حاتم سليم

احمد بك سامى

كثير من البشر يفكروا فى تغيير حياتهم

و قليل منهم يملك تنفيذ هذا القرار

و قليل ممن يملك التنفيذ يقوم به فعلاً

تغيير مسيرة الحياه امر ليس بالهين

ضع الخيارات امامك

وفكر كثيرا او قليلاً

و اتخذ القرار

أما الاستمرار بألم

او المقامرة بالتغيير ...

فعلا هوه القرار

الواحد بيجى وقت الجد يبقى جبان و بيخاف من التغير عشان الاسره و الخوف من المجهول

**Ahmed Samy** · 27-01-2008 05:56 PM

اولا أنا فعلا حسيت اني مش لوحدي لأنكوا كنتو معايا بجد
أفكاركم القيمة بعضها كان مؤيدا للتفكير في ترك مصر و البعض عارض على استحياء
ولكن أحدا لم يطرح أن الحال ممكن الحياة فيه بأمان
أنا ياجماعة متشكر لكل الأراء و التواصل المثمر فعلا اللي خلاني أفكر أكتر و أكتر و احسب حسابات اكتر و ده أكيد هايوصلني لنتيجه أكثر قيمة و قرار اكثر حكمة .
ملخص لآرائكم المحترمة :

ابعد عن الناس و اي حاجه تعملك مشاكل علشان تريح دماغك.

ماهو ده مش حل .. اتحبس يعني ؟؟ ما هي الحبسة دي اللي هاتموتني

كلامك عن البلد كله تشائم
لو فكرت فيها من زوايا مختلفه هتلاقى انك تحمد ربنا مليون مره فى الثانيه
بص فى البلاد اللى حواليك

مانا بابص بس فوق و تحت

ولو عاوز تسيب البلد وتهرب ذى كثير ما هربوا من القرف
فكر كويس الاول وحاول تجاوب
واعرف انت ربنا خلقك ليه ؟
ايه وظيفتك اللى ربنا خلقك عشانها ؟
طيب هل انت فعلا ذى ما ربنا امرك تكون ؟
ايه هى رسالتك فى الارض ؟

قال سبحانه: "وَمَا خَلَقْتُ الْجِنَّ وَالْأِنْسَ إِلَّا لِيَعْبُدُونِ مَا أُرِيدُ مِنْهُم مِن رِزْقٍ وَمَا أُرِيدُ أَن يُطْعِمُونِ إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ" [الذريات:56-58].

كأنك بتتكلم عنى مش قولتلك احنا بنفكر على موجه واحده :)

حبيبي يا عبده و الله :)

بتذكر قول رسولنا الكريم عليه الصلاة و السلام "من بات وهو آمن في سربه، معافىً في بدنه، عنده قوت يومه وليلته، فكأنما حيزت له الدنيا بحذافيرها" ألاقي نفسي في نعمة كبييييييرة جدا

أنا بالطبع لا أناقش كلام المصطفى (صلى الله عليه وسلم) و لكن الدنيا لم تعد هي الدنيا و الثبات أصبح أضعف يعني أنا و الحمد لله مؤمن بالله و بالرزق و بالقدر خيره وشره و لكن قوت اليوم لم يعد هو فقط ما يشغلك وأنت تحاول النوم جاهدا , بل فواتير و متطلبات و مصاريف و تعليم و صيانة وووووووو
و أمنا في سربه !!! و الله لا ليا أعداء و لا عليا فلوس و لازم سلاح في العربية
و معافى في بدنه و الحمد لله معافى (بس المواطن المصري مابيفضلش معافى على طول) ربنا يستر

بجد حاسس إنى إتكتب عليا الشقى لأنى حامل للجنسية المصرية
بس مقدرش أقول غير الحمد لله على اللى أنا فيه

الحمد لله على كل حال , و لكننا ندخل الجنة بالجنسية المصرية (اللي مش نافعه أصلا) طب ليه ما أكونش استرالى مثلا ؟؟؟؟

حتى لو لقيت فرصة برة هاتقعد قد ايه 2 ولا 5 ولا 10
تخلف هناك وولادك تتمسح هويتهم
ويبقي لا بقي مصري باللي اتربينا علية وعلى بقي متجنس
خاصة لو قعدت في بلد اروبي
احمد ربك وحالك من حالي يا شقيق
أنا أساس عائلتي من ايران من الأحواز (بس من زمان الزمان) زي ما معظمنا أصوله عربية او تركية أو فارسية و تجنسنا في مصر بالاقامة - طب ما اقيم في حتة كويسة وولاد ولاد ولاد أحفادي يقولوا كنا أساسا من مصر و بقينا دلوقتى استراليين مثلا !
أما الهوية يا كريم ..هوا انت لسا شايف هويه تقدر تحطها في أولادك ؟؟؟ انا لو عندي بنت أو ولد ازاي ممكن تعرفه الصح من الغلط وهو بيشوف الغلط كل يوم صح !! و بيشوف الصح غلط .. انا باشوف مصاااايب ربنا يستر على ولادنا
بس لو في بلد اجنبي ممكن يكون ليك نقطة ترتكز عليها اننا يابني مسلمين و لينا دين وهما مش مسلمين و مش كلهم ملتزمين حتى بدينهم , فهايكون في صح و في غلط

و في جاليات مسلمة ممتاااازة و ملتزمين أكتر مننا ووالله حاجه تفرح .

عشان انت مصرى .. احمد فؤاد نجم
انت هاتقوللى !!! مانا حافظها كلمة كلمة

الحياة خارج مصر غالية جدا جدا جدا
و جميع أفراد الأسرة يجب أن يعملوا حتى يستطيعوا أن يوفروا مصاريف الفواتير و الضرائب
و علشان تحوش دي ليها قصة تانية خالص
كله بثمنه .......... تشتغل يشيلوك فوق رأسهم
تكسل و تقعد في البيت ....... لا مؤاخذة تبقى شحات
و أنا مستعد للتخلي عن دخلي العالي في مصر لأتمتع بحياة منظمة مينحرقش فيها دمي كل يوم

أنا موااافق اشتغل و أعيش و الاقي حد يقدر شغلى و عقلى و مجهودي ولو بالاعتراف بيه معنويا ...و لكن في مصر لو فكرت حتى فكرة كويسة تسمع : انت فاكر نفسك فين

اتخذ القرار

أما الاستمرار بألم

او المقامرة بالتغيير ...

بص يا احمد (اللحق سافر )... فى اول فرصة جاية و متستناش

الواحد بيجى وقت الجد يبقى جبان و بيخاف من التغير عشان الاسره و الخوف من المجهول

هوا ده مربط الفرس
الشجاعة المطلقة دي لسة مش موجوده انا كل يوم بشحن تفكيري علشان أقوي ارادتي لأن الموضوع هو نقلة الحياة كلها (والغلطة بالسلامة) .

والله انا نفس عندي نفس الشعور ده....
لما اتجوز ان شاء الله و اخلف لو ربنا اراد.....
هيتربوا ازاي في الدنيا ديه.....
حاول يكون تفكيرك اكتر في مصلحه عيلتك اكتر من راحتك النفسيه....
شوف لو السفر صحيح هيوفر حياه مريحه ليك و اسرتك بدون معاناه.....يبقي توكل....و متحرقش دمك

متشكر يا عمرو ربنا يساعدني

======================================

الموضوع: فضفضة

LinkBack

أدوات الموضوع

عرض

-

-

-

-

-

-

-

المواضيع المتشابهه

فضفضة في حب الوطن

فضفضة .......نيسانيه

فضفضة ( متجدد )

هو لية كدة ..فضفضة

الكلمات الدلالية لهذا الموضوع

المفضلات

المفضلات

ضوابط المشاركة