السيد رئيس الجمهورية بيمسى على الشعب و يهنئهم بمناسبة السنة الجديدة و بيقول
انتو لسة قاعدين لية ؟!!
عرض للطباعة
السيد رئيس الجمهورية بيمسى على الشعب و يهنئهم بمناسبة السنة الجديدة و بيقول
انتو لسة قاعدين لية ؟!!
دكتور أحمد :
زى ما قالوا الاخوه الافاضل
بلدنا زى اى بلد فى العالم فيها سلبيات و ايجابيات
بلاش نلقى عليها اللوم و تكون حجتنا للهروب ؛؛؛؛
السفر مغامره و مجازفه انت وحدك اللى تقدر تقرر تسافر او لا
لان ظروف كل شخص مختلفه عن التانى فمحدش يقدر يديك اجابه محدده للموضوع ده
اللى نفع مع غيرك ممكن مينفعكش و العكس
و كمان واحد مثلا يقولك سافر و البلد الفلانيه ممتازه ووووو
فى حين انت مسافر بلد تانيه خالص مختلفه
فمينفعش نعمم تجربه النجاح او الفشل
حرجع و أقولك انت بس اللى حتتقدر تحدد الموضوع ده
ورقه و قلم و تعمل مقارنه بين حالك هنا و حالك بره
مقارنه من ناحيه مثلا:
الشغل : هنا و لا هناك من ناحيه مركزك فى الشغل و المرتب
الماستر : خلصتها و لا لا
لو لسه مخلصتش - هو الافضل تخلصها و تسافر بوضع افضل
و لا التأجيل افضل
بالنسبه للزواج هل الافضل تتزوج و زوجتك تسافر معاك و لا تفضل تسافر الاول تجربه
بالنسبه للاسره الوالد و الوالده و الاخوات تقدر تبعد عنهم و لا لا
و هكذا
فى اخر المقارنه حتعرف تسافر و لا لا
و بالتوفيق ؛؛؛؛
لا لا الموضوع مش كده
انا مش بحاول أقنع نفسي او أبحث عن حجة للهروب من مصر و ذلك لأن الموضوع مش محتاج حجة ولا حاجة (حجة قدام مين)؟؟
ثانيا ان أراء السادة الزملاء لا تؤخذ على مطلقها بتاتا و لكن هي معطيات input كلما زاد تنوعها كلما كان هناك data for processing اكتر و ده أكيد بيحسن القدرة على حساب و اتخاذ القرار.
ده بدون ما ننسى ان الموضوع لايمكن يتحسب بالورقة والقلم ,, فلا يمكن حساب الغيب و لا الحياة بالورقة و القلم .
في حاجات حلوة هنا كتير أنا مش عايش في جهنم ,, و برضة في حاجات و حشة بس الوحش بالنسبة ليا جاي في نقط صعبة عليا ...أنا بطبعي باحب أكون مستقيم الى النهاية في المعاملات مع الناس و أعرف انه فيه صح واحد و فيه ألف غلط و للأسف أنا في أي تعامل مع الناس بواجه الغلط دايما و مابقدرش اتعامل معاه لأني مابعرفش . فدمي بيتحرق
ده طبعا غير الحالة الإقتصادية الزفت اللي مخوفاني على اسرتي اللي أنا باعمل كل حاجه علشانها انا لما أحس اني باشتغل و اشتغل واشتغل و مثلا عايز اجيب شقة لعيادة جديدة , ووصل سعرها السنة دي 200 الف و أنا دخلى السنة دي 100 الف مثلا (يبقى سنتين او تلاته و احوش و أجيبها)و لكن في مصر بعد سنة هتلاقي العيادة بقت ب300 الف و بعد سنتين ب 400 الف و هكذا ...... فالدخل بينتهى الى لاشئ (كأني بانحت في البحر) و ده شعور محبط جدا ..
للعلم أنا مش تشاؤمي و لا باقول ان البلد ظالماني و ماحدش فاهمني ولا كل الكلام ده الحمد لله انا اعتبر نفسي كويس و ناجح في عملي و دراستي و حياتي الأسرية . بس دمي بيتحرق
أنا بخاول دلوقتي أقييم الحياة في استراليا عن طريق بعض المتواجدين هناك و باشوف ما يناسبني و يستحق الذهاب اليه و أيضا باشوف ما قد لا يناسبني و يستحق البعد عنه .
و في النهاية فاستخارة الله هي ما اطمئن به نفسي فانه لايخذل من استخاره
ايون يا احمد في هوية هاقدر ازرعها في اولادي طول مانا في بلد اسلامي
هاقولك على مثل صغير
دلوقتي انا عايز امنع بنتي من رؤية العرى تدريجي
عارف لو شافت منظر خليع في اي تي في تعمل ايه
تمسك الريموت وتغير القناة
او تيجي تقوللي غيرها او تقول لوالدتها
تقدر تقوللي هاتقدر تحاب حاجة زي دي في بلد اروبية او امريكية او استراليا ازاي
مش عايز احكيلك عن قرايبنا اللي سافروا كندا وكان الاب والام ملتزمين جدا ولما ماتوا استنوا اسبوع على ما صلوا عليهم
والاودهم انقطعت كل صلتنا بيهم هناك ولما جم مصر مبيعرفوا عربي ومش عايزين يتكلموه اصلا
جدك لما هاجر جابكم بلد اسلامي مهما كان سيء لكن الدين فيه فوق دماغ الجميع وهو ضمير المجتمع
تعالى قوللي هاتلاقي ده برة فين
الكلام كتير بس انا لما جاتللي الفرصة رفضتها
ورغم اني ماديا مش مستريح لكن حسبتها بطريقة ولادي واللي هابنيه فيهم
ربنا يوفقك واحسبها انت كمان
وفي حاجات لما بتتحط في الميزان بتطيش كل الموازين قدامها
يقول الله تعالى : (فَمَن يُرِدِ اللَّهُ أَن يَهْدِيَهُ يَشْرَحْ صَدْرَهُ لِلإِسْلامِ وَمَن يُرِدْ أَن يُضِلَّهُ يَجْعَلْ صَدْرَهُ ضَيِّقاً حَرَجاًّ كَأَنَّمَا يَصَّعَّدُ فِي السَّمَاءِ كَذَلِكَ يَجْعَلُ اللَّهُ الرِّجْسَ عَلَى الَّذِينَ لاَ يُؤْمِنُونَ http://www.al-eman.com/Quran/ayas/125.gif) سورة الأنعام
يقول الله تعالى: (وَنُنَزِّلُ مِنَ القُرْآنِ مَا هُوَ شِفَاءٌ وَرَحْمَةٌ لِّلْمُؤْمِنِينَ وَلاَ يَزِيدُ الظَّالِمِينَ إِلاَّ خَسَاراً http://www.al-eman.com/Quran/ayas/82.gif )سورة الإسراء
يقةل الله تعالى: (وَلَوْ جَعَلْنَاهُ قُرْآناً أَعْجَمِياًّ لَّقَالُوا لَوْلا فُصِّلَتْ آيَاتُهُ أَأَعْجَمِيٌّ وَعَرَبِيٌّ قُلْ هُوَ لِلَّذِينَ آمَنُوا هُدًى وَشِفَاءٌ وَالَّذِينَ لاَ يُؤْمِنُونَ فِي آذَانِهِمْ وَقْرٌ وَهُوَ عَلَيْهِمْ عَمًى أُوْلَئِكَ يُنَادَوْنَ مِن مَّكَانٍ بَعِيدٍ http://www.al-eman.com/Quran/ayas/44.gif) سورة فصلت
- عَنْ عَبْدِ اللَّهِ بْنِ مَسْعُودٍ، قَالَ سَمِعْتُ نَبِيَّكُمْ ـ صلى الله عليه وسلم ـ يَقُولُ " مَنْ جَعَلَ الْهُمُومَ هَمًّا وَاحِدًا هَمَّ آخِرَتِهِ كَفَاهُ اللَّهُ هَمَّ دُنْيَاهُ وَمَنْ تَشَعَّبَتْ بِهِ الْهُمُومُ فِي أَحْوَالِ الدُّنْيَا لَمْ يُبَالِ اللَّهُ فِي أَىِّ أَوْدِيَتِهَا هَلَكَ " .رواه بن ماجه
- عَنِ الأَسْوَدِ بْنِ يَزِيدَ، قَالَ قَالَ عَبْدُ اللَّهِ سَمِعْتُ نَبِيَّكُمْ، ـ صلى الله عليه وسلم ـ يَقُولُ " مَنْ جَعَلَ الْهُمُومَ هَمًّا وَاحِدًا هَمَّ الْمَعَادِ كَفَاهُ اللَّهُ هَمَّ دُنْيَاهُ وَمَنْ تَشَعَّبَتْ بِهِ الْهُمُومُ فِي أَحْوَالِ الدُّنْيَا لَمْ يُبَالِ اللَّهُ فِي أَىِّ أَوْدِيَتِهِ هَلَكَ " .رواه بن ماجه
- عَنْ أَبِي سَعِيدٍ الْخُدْرِيِّ، قَالَ دَخَلَ رَسُولُ اللَّهِ صلى الله عليه وسلم ذَاتَ يَوْمٍ الْمَسْجِدَ فَإِذَا هُوَ بِرَجُلٍ مِنَ الأَنْصَارِ يُقَالُ لَهُ أَبُو أُمَامَةَ فَقَالَ " يَا أَبَا أُمَامَةَ مَا لِي أَرَاكَ جَالِسًا فِي الْمَسْجِدِ فِي غَيْرِ وَقْتِ الصَّلاَةِ " . قَالَ هُمُومٌ لَزِمَتْنِي وَدُيُونٌ يَا رَسُولَ اللَّهِ . قَالَ " أَفَلاَ أُعَلِّمُكَ كَلاَمًا إِذَا أَنْتَ قُلْتَهُ أَذْهَبَ اللَّهُ عَزَّ وَجَلَّ هَمَّكَ وَقَضَى عَنْكَ دَيْنَكَ " . قَالَ قُلْتُ بَلَى يَا رَسُولَ اللَّهِ . قَالَ " قُلْ إِذَا أَصْبَحْتَ وَإِذَا أَمْسَيْتَ اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ وَأَعُوذُ بِكَ مِنَ الْعَجْزِ وَالْكَسَلِ وَأَعُوذُ بِكَ مِنَ الْجُبْنِ وَالْبُخْلِ وَأَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ " . قَالَ فَفَعَلْتُ ذَلِكَ فَأَذْهَبَ اللَّهُ عَزَّ وَجَلَّ هَمِّي وَقَضَى عَنِّي دَيْنِي .
- عَنْ إِسْمَاعِيلَ بْنِ مُحَمَّدِ بْنِ سَعْدِ بْنِ أَبِي وَقَّاصٍ، عَنْ أَبِيهِ، عَنْ جَدِّهِ، سَعْدِ بْنِ أَبِي وَقَّاصٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مِنْ سَعَادَةِ ابْنِ آدَمَ اسْتِخَارَتُهُ اللَّهَ وَمِنْ سَعَادَةِ ابْنِ آدَمَ رِضَاهُ بِمَا قَضَاهُ اللَّهُ وَمِنْ شِقْوَةِ ابْنِ آدَمَ تَرْكُهُ اسْتِخَارَةَ اللَّهِ وَمِنْ شِقْوَةِ ابْنِ آدَمَ سَخَطُهُ بِمَا قَضَى اللَّهُ عَزَّ وَجَلَّ.
- حَدَّثَنَا إِسْمَاعِيلُ بْنُ مُحَمَّدِ بْنِ سَعْدِ بْنِ أَبِي وَقَّاصٍ، عَنْ أَبِيهِ، عَنْ جَدِّهِ، قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مِنْ سَعَادَةِ ابْنِ آدَمَ ثَلَاثَةٌ وَمِنْ شِقْوَةِ ابْنِ آدَمَ ثَلَاثَةٌ مِنْ سَعَادَةِ ابْنِ آدَمَ الْمَرْأَةُ الصَّالِحَةُ وَالْمَسْكَنُ الصَّالِحُ وَالْمَرْكَبُ الصَّالِحُ وَمِنْ شِقْوَةِ ابْنِ آدَمَ الْمَرْأَةُ السُّوءُ وَالْمَسْكَنُ السُّوءُ وَالْمَرْكَبُ السُّوءُ.رواه أحمد
- قَالَ أَبُو أَحْمَدَ عَنِ الْحَارِثِ بْنِ أَبِي يَزِيدَ، قَالَ سَمِعْتُ جَابِرَ بْنَ عَبْدِ اللَّهِ، يَقُولُ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لا تَمَنَّوْا الْمَوْتَ فَإِنَّ هَوْلَ الْمَطْلَعِ شَدِيدٌ وَإِنَّ مِنْ السَّعَادَةِ أَنْ يَطُولَ عُمْرُ الْعَبْدِ وَيَرْزُقَهُ اللَّهُ الإنَابَةَ. رواه أحمد
- حَدَّثَنِي جَمِيلٌ، أَخْبَرَنَا وَمُجَاهِدٌ، عَنْ نَافِعِ بْنِ عَبْدِ الْحَارِثِ، قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مِنْ سَعَادَةِ الْمَرْءِ الْجَارُ الصَّالِحُ وَالْمَرْكَبُ الْهَنِيءُ وَالْمَسْكَنُ الْوَاسِعُ. رواه أحمد
- عَنْ سَعْدٍ، قَالَ قَالَ رَسُولُ اللَّهِ صلى الله عليه وسلم " مِنْ سَعَادَةِ ابْنِ آدَمَ رِضَاهُ بِمَا قَضَى اللَّهُ لَهُ وَمِنْ شَقَاوَةِ ابْنِ آدَمَ تَرْكُهُ اسْتِخَارَةَ اللَّهِ وَمِنْ شَقَاوَةِ ابْنِ آدَمَ سَخَطُهُ بِمَا قَضَى اللَّهُ لَهُ "كن عن همومك معرضا * وكل الأمور إلى القضا
وانعم بطول سلامة * تغنيك عما قد مضى
فلربما اتسع المضيق * وربما ضاق الفضا
ولرب أمر محزن لك * في عواقبه رضا
الله يفعل ما يشاء * فلا تكن متعرضا
عليك أن تملأ حياتك بالقرآن الكريم ستجد فيه كل السعادة وسيصلح الله لك به الدنيا والآخره
السفر غالبا بيبقى نوعين اما سفر ذو مخاطرة محدودة و محسوبة لما تكون مسافر على عمل محدد و عارف انك هتعيش ازاي و النوع التاني هو مخاطرة كبيرة بتسافر عشان تجرب حظك و ده في ظل الحالة الإقتصادية في العالم كله يعتبر انتحار
فإذا كان امامك فرصة مضمونة لسفر فده يبقى كويس سافر سنة اتنين عشرة عشرين مش مشكلة وقت ما تتعب هترجع بلدك تاني (هي يعني هتروح فين) و تكون كونت نفسك و ربيت أولادك بالصورة اللي ترضاها و لما ييجوا هيبقى لهم أولوية في كل حاجة خاصة لو معاهم جنسية تانية
فيه ناس كتير جدا هاجروا و عرفوا يحافظوا على ولادهم وعلى العموم وقت ماتحس انه صعب السيطرة إرجع تاني هتلاقي البلد واللي ماسكينها زي ما هما
انت بتفكرني بنفسي بالظبط
خنقة من البلد بطريقة فظيعة مش قادر من الحكومة الزبالة بتاعتنا كدة
و الغلاء عمال يعلي يعلي
من 5 سنين كنت زيك غني جدا جدااا جدااا
شوية بشوية عمال انزل مش عارف البلد هتودينا فين بعد كدة
بس الفرق بيني و بينك اني اصلا كنت برة ورجعت !!!!
في حد غبي قدي
ابقي عايش في المانيا و متجنس و اقدر ادي الجنسية لعيالي و مراتي
و كمان كنت عايش مستريح اوييييييي هناك
و ارجع مصر بحجة الاهل و الاقاريب و المعارف
عمالولي ايه المعارف غير بلاوي
هل حد فيهم بينفعني
يوم لا قدر الله لو اتزنقت و لا حصلتلي مصيبة حد يساعدني
ما نبنيش منهم غير القر علي بيتي
اااااه
كنت عايش في المانيا و مهبر علي قلبك
شوف البيت كبيييير قد
يا عم دة دافع 500000 ديكور للشقة
لحد ما بيعتها من كتر النحس الي جاني منها
و لا العربية يااااه دة كل سنة بيغير عربية شكل
يا عم و انت مال اهلك هو انت الي تعبت بدالي و لا انت الي جايبها
انت شفت التعب و القرف زي برة
بجد مش قادر استحمل البلد
من الاخر
في مقولة انتشرت حاليا
لو لم اكن مصريا لارتحت نفسيا