الموضوع: الى كل محبى الشد و الغرز و التهور...

والله يا جماعة انا عاوز اقول رأى انا فعلا بشوف على المنتدى مين جرى مع مين وازاى قطعة والكلام دة عفوا طبيعى بالنسبة لسن كاتب الموضوع انا والله مرة شقت حادثة فى الاوتوستراد سنة 99 امام النصب التذكارى تحديدا عربية لانسر خضراء كان سايقها شاب رحمة الله علية كان بيجرى بالعربية ودخل تحت لورى عربية امن مركزى كسر السلالم بتاعتها من الخلف وهو عربيتة السقف مفتوح زى علبة السردين وطبعا الكراسى الامامية مكسورة فى اللانسر مفهوم طبعا ما حدث لة كمية دماء على الكراسى و موبيلة الخاص وشوفت الجثمان فى عربة الاسعاف ما اثر فى جدا واحزنى منظر ابو الولد وهو يبكى على ابنة و سلموة الموبيل ملفوف فى ورق كلينكس علشان دم ابنة يا شباب من انتم تحت سن ال 25 ارجوكم اتقوا الله فى ابائكم انتا بتشد مع صاحبك وتتفاخر ان دخان شكمانك دخل على صدرة وخلاة يكح ولو حدث مكروة والديك يبكوا بدل الدموع دم معلش كلامى ناشف بس للمصلحة وليس معنى كلامى ان كل من هو تحت سن 25 متهور افهم المعنى والمغزى وما تمسكش فى الكلام من ديلة والسلام عليكم