منيين اجيب مياه خضراء لتزويد مياه الريداتير
هل فيه انواع ؟
و بكام ؟
انا شوفت نوع فى كارفو جركن 4 لتر بحوالى 15 جنيه
هل ده كويس ؟
ولا استخدم مياه مقطرة من البنزينة ؟
عرض للطباعة
منيين اجيب مياه خضراء لتزويد مياه الريداتير
هل فيه انواع ؟
و بكام ؟
انا شوفت نوع فى كارفو جركن 4 لتر بحوالى 15 جنيه
هل ده كويس ؟
ولا استخدم مياه مقطرة من البنزينة ؟
اضمن مية خضرا ممكن تجيبها من موبيل هي غالية شوية بس مضمونة بصراحة سيبك بقة من المية السعودي و الحاجات دي او في نا بتعمل ميه خضرا في البيت بس مش عارف ازاي
انا كنت في الاوبل بحط ميه حمرا من كالتكس و دي جميلة جداااا بس مش عارف هو ينفع نحط مية حمرا للمازدا انا كنت شايفها احسن من موبيل
الالمانى كله شغال بنظام الميه الحمراء , يس انا مش عارف دى تمشى على المازدا ولا لا لازم حد يوضح ايه الفرق
سوال بالنسبة للخضراء بتاعت موبيل دى بكام ؟
شوفوا انا هقول حاجة لوجه الله , بالنسبه لموضوع ماء الريداتير لو وصل الامر انكوا تروحوا مخصوص للتوكيل علشان تغيروا الماء او تزودوها او لاي سبب اخر روحوا حتى لو العربيات خارجه عن الضمان او الناس الي مش بتحب تعمل صيانات في التوكيل , انا مش بقول الكلام وخلص لا , يعني عندنا المهندس طارق في قسم ميتسيوبيشي حذرنا من النقطه دي وقال ان ماء الريداتير الي بيبتاع في البنزينات بيبقى مركز جدا وبياكل في الريداتير
متابع بأهتمام
يا جماعة لا موبيل ولا سعودي ولا غيره
أنا جايب الرادياتير جديد بقاله 5 شهور وحططله مياه خضراء بتاعت موبيل ، وبعد فترة ابتديت ألاقي حاجات خضراء على الرادياتير من فوق ، وجيت امبارح ببص على الرادياتير لقيت تسريب مياه خفيف مطرح الحاجات الخضراء الخضراء دي.
وكنت جايب زمان قبل ماغير الرادياتير المياه الخضراء السعودي وخرب لي الدنيا ، لأ وخلى العربية بتسخن أكتر!
الواحد مش عارف يقول ايه غير حسبي الله ونعم الوكيل.
هي مفيش غير المقطرة أو مياه الحنفية مع تنظيف الرادياتير كل فترة.
تمام يا باشا بس لو كدة العربية هتنزل ليه بمياه خضراء من بلادها
و الالمانى ما كانشى نزل بمياه حمراء
يمكن ريداتير ال 323 مصنوع من مادة ماينفعشى ليها غير مياه مقطرة
و بالتالى استخدام اى حاجة تانية بتاكل فيه والعربية تسخن
يعنى ده تصورى المنطقى الوحيد للحكاية ديه