الموضوع: تقرير مصور - رينو سكالا

المشاركة الأصلية كتبت بواسطة momenhamdy

الف شكر ليك يا حسام باشا علي التقرير

و ان شايف انها مش منافسه اوي للفئه الخاصه بيها زي ما حضرتك ذكرت

بس في حضرتك كنا محتاجين صوره للموتور علشان نشوف التقفيل الخاص بيه

تحياتي ليك يا حسام باشا

العفو يابشمهندس

انا فعلا نسيت نقطة الموتور مع ان دى اول حاجه كنت عايز اشوف شكلها بس نسيت خالص مفتكرتش الا بعد ما مشيت

المشاركة الأصلية كتبت بواسطة baskota

اختيارانتاج هذا الموديل غير موفق من رينو
تسلم ايدك يا حسام عالمجهود والتقرير

العفو يابسكوته

المشاركة الأصلية كتبت بواسطة momo10000

سعرها كاااام ؟؟؟

سعر الموديل اللى فى الصور 103

الفئه الاقل مانيوال 89 واوتوماتيك 94

المشاركة الأصلية كتبت بواسطة col. Eng. Khaled

89000 ، 94000 ، 103000 جنيه :o_stupid[1]: ........ على إيه ؟ مش فاهم

شكرا جزيلا يا حسام بيه على التقرير

العفو يافندم

المشاركة الأصلية كتبت بواسطة احمد عزت

1:اول حاجة انا مش معايا اكسنت ومش بدافع عن رينو

معلش انا مختلف معاك فى حاجات كتير

3:الصور بجد مش زى الحقيقة الحقيقة احسن

الحقيقه مش احسن ولا حاجه دا يمكن اسوأ , والله اعلم الفئه اللى اقل شكلها عامل ازاى

اولا العربية تقفيلها نضيف اوى على اد السعر وتقفيلها احسن من الاوبترا والجين تو كمان

غير صحيح بالمره

الاوبترا تقفيلها انضف واحسن بكتير

واللى عايز يتأكد يروح يتفرج عليها فى فرع رينو اللى جنب نادى الزمالك

وبعدين يعدى الناحيه التانيه ويروح منصور جامعة الدول ويتفرج على الاوبترا

ويشوف الفرق

رابعا قفلة الباب اللى حضرتك بتتكلم عليها دة فعلا موجودة بس دة لقوة الباب وقوة الصاج مش علشان حاجة تانية ودة بتروح مع الوقت زى باب الصنى كدة

دا ان دل على شئ يدل على الرداءه مش قوة الباب

بيفكرنى بابواب العربيات الصينى

خامسا العربية اوسع شوية من الصنى بل بحبة حلوين وعلى فكرة انا طولى 190 سم ظبط كرسية ادام ومرتاح وورا قعدت كنت مرتاح

دا على كدا الصنى المصرى ماتتركبش خالص

لان السكالا كانت بالنسبه لى ضيقه وصغيره جدا

لما ركبت فى كرسى السواق كانت المساحه كويسه

بس لما رجعت اركب ورا لقيتهم مرجعين الكرسى على الاخر وبجد صعب اوى حد يقعد ورا مرتاح

وبالمناسبه الاوبترا اوسع بمراحل

سادسا الكماليات انا شايف ان كماليتها مناسبة واحسن من الاوبترا :زجاج كهربا وسنتر وتكيف وايرباج واحدة ومرايات كهربا بس مش ضم كهربا قال يعنى منافستها فيها دة...وسى دى ام بى ثرى شكلة حلو ومخدع وسطى

مفيش اى حاجه تميزها غير الايرباج

الباقى كله موجود فى الاوبترا ويمكن اكتر وأرخص ب 2000 جنيه من السكالا

تاسعا واخيرا ....اة اللى يخلينى اشتريها :
عربية يابانى ودة مهمة مش ملهاش لزمة
تقفيل كورى جيد جدا
انتشار قطع غيار ليها برة موجود
توكيل وضمان محترم
صاج محترم ودة انا شايفة مهم
سعر الاوتو 94 ودة انا شايفو انسب موديل

(احسن من كل الكورى والماليزى كمان لان ببساطة ومحدش يزعل منى الصنى المصرى اللى مكنتش عجباكم دة كانت احسن من الاوبترا بعيوبها اللى انتم قولتوها مش انا ...واحسن من بروتون بعيوب تقفيلة وتوكيلة المتعب واحسن من الالنترا كمان )
واللى كان مش عاجبكم فى الصنى (الكنبة الضيقة ....التقفيل ...استهلاك البنزين العالى نسبيا )
غيرلكم الشكل والعيوب دة وزودولكم 5 الف جنية وبعدلك عن اقل فئة سيراتو اوتو ب 10 الف جنية ......................يبقى على الاقل ما نقولش وحشة وعصير قصب وبتاع ونفكر براحة مش يكمن تطلع كويسة

العربيه مش يابانى العربيه كورى وفيها موتور يابانى وعليها علامة رينو

وبصراحه انا مش شايف تقفيل جيد جدا ولا انتشار قطع غيار

والصنى مش احسن من الاوبترا ولا حاجه دا يرجع لاحتياجات كل شخص

فى اللى شايف ان الصنى افضل وفى اللى شايف ان الاوبترا افضل

ومفيش اى نقطة تفوق واضحه للصنى على الاوبترا غير عوامل الامان

وبعدين سيراتو ايه بس ايه اللى جاب سيرة السيراتو :)

دا جنط السيراتو بالسكالا كلها :)

عموما دا رأيك الشخصى واحترمه بشده

وانا برضه قلت رأيى الشخصى

ومكنتش احب ادخل الاوبترا فى الموضوع او اتكلم عنها بحكم انها معايا

لانى مش عامل الموضوع عشان اقارنها بالسكالا او اثبت مين احسن بس حضرتك اللى ذكرتها كتير فكان لازم اوضح

واسف جدا على الاطاله

تحياتى

المشاركة الأصلية كتبت بواسطة د.محمود صلاح

لو هركب رينو يبقى ميجان ....

شكراً لحضرتك على التقرير والمجهود والصور

العفو يا دكتور