الموضوع: تقرير مصور - رينو سكالا

هى العربية بالضبط شاسية وموتور و شكل النيسان صنى ومننساش ان النيسان والرينو شركه واحدة او ملكية واحدة هى بس العربية اكمنها موتور يابانى وتقفيل كورى وعلامتها اوروبى تحس كدة انها عاملة زى الصينى الbyd مثلا عموما انا معايا الصنى ولو مكنتش جبتها ونزلت السكالا برضة كنت حجيب الصنى اولا لانها تجميع مصرى وانا راجل وطنى (مش حزب وطنى) وبحب اشجع الصناعة الوطنية خصوصا لما تكون صناعه جيدة ولا تقل عن الكورى او الهندى او الصينى (مش حقارن بالاوروبى او الامريكى - ولاحظ فرق السعر ) ثانيا الصنى انتشرت و متوفر لها قطع غيار وصيانه باسعار معقولة ومش ححط نفسى فى يا عالم الاسكالا دى حتلاقى قبول فى السوق و حتنتشر ولا لا ثالثا انا مش شايف اى ميزه لها عن الصنى بالعكس هية اغلى وخلاص

الف شكر يا باشا علي التقرير

المشاركة الأصلية كتبت بواسطة hosam_optrawy

هى هى بالظبط

السكالا والصنى الخليجى ( نيسان الميرا كلاسيك ) والسامسنوج sm3 كلاسيك , التلاته كوبى

من اول يوم شفت الأعلان فيه قلت لنفسى هو نصير بيهرج بينزل عربيه موجوده فى السوق(الصنى) وبسعر اقل ب10000 جنيه ويقلى رينو وهى مبتنزلش بره اصلا بالأسم ولى بالعلامه دى وكل العالم عارف يبقى ده استخفاف بالمشترى المصرى واى حاجه تتباع فى مصر ونلعب فى العلامه وخلاص وهو عالم بق.... بتشترى وخلاص مهوم بيشتروا الصينى المع.... باسعار مشابه وفى ده هو عنده حق نحن بقينى مثل صفيحة الز.... اى شيء ينزل ملوش لزمه من عالم لسه بتتعلم بدليل الوكيل بتاع العربيه الصينى المكسره الدنيا(اسبرانزا ألى هى اصلا شيرى بس ملعوب فى الأسم) خد جائزه احسن مسوق بعد مباع ارقام خياليه فى مصر 17000سياره صينى طبعا ده رقم اهبل بالنسبه لشركات كثيره جدا بس كبير بالنسبه للصينى وعشان الناس مش عرفه بتشترى وخلاص و البركه فى البنوك ومكاتب التقسيط والمعارض
لازم نكون بنعرف بنشترى ايه بكام وهل السعر ده متناسب مع هذه المركه وبلد الصنع والوكيل وايضا موديل السياره ام لا اى يجب ان نكون اذكياء
وللعلم كل السيارات فى مصر سعرها مبالغ فيه قبل الضرائب لان بمقارنه بسيطه سوف نجد ان سعر السياره فى اى دوله فى العالم اوربا مثلا بعد الضرائب مثل سعر السياره فى مصر قبل الضرائب ودى مصيبه هل هذا كله ربح
وان السيارات ربحها فى مصر من اول 1000 جنيه إلى 20000 الف جنيه للمعرض ولكم ان تتخيلوا ربح المستورد او الوكيل
حاجه تقرف وحسبى الله ونعم الوكيل

أنا مش عارف الناس محسسني ان علامة رينو دي حاجة قيمة متتحطش علي عربية نيسان

رغم ان العربية دي يمكن لو كانت نزلت بعلامة نيسان كانت حققت نجاح

اصل أنا راي في رينو سلبي لأقصي درجة ،، أنا شايف ان علامة رينو ربنا يعينوا ،، هيا اللي عايبه العربية مش معلياها بس اللي يطمن ان كلنا عارفين انها نيسان ،،

أنا مش قادر افهم برده الناس معترضة على رينو ليه؟؟
اكنها عملة و عاملها التوكيل هنا بيشتريها بعلامة نيسان و يشيلها و يحط علامة رينو!!!!
العربية بتنزل فى دول كتير باسم رينو , اشمعنى يعنى الكروز اللى هى دايو و لا حتى الاوبترا اللى هى دايو محدش اعترض؟ و لا عربيات تانية كتير
بعدين انا شايف العربية احسن بكتير من الصنى امصرى لعدة اسباب (1- مفيهاش مشاكل و عيوب تقفيل الصنى المصرى , 2- موديل احدث 3- نفس السعر 4- شكلا احلى بكتير من القرف الfacelift بتاع الصنى 5 - التوكيل نزل اسعار قطع غيارها فى الجرايد علشان يطمن الناس ) و فى رايى احسن من التوكتوك اللى اسمه gen2 , مفاضلش غير الاوبترا و يمكن احسن من دى بس منغير airbag فى فئة ال94 و كدا كدا فى فئة ال103 رايى السيراتو تكسب اوى و خصوصا الخليجى اللى فيها abs.

الف شكر علي المجهود الكبير والتقرير الجامد ده