+1111111111111111111111111111111111
عرض للطباعة
لا أقصد بالطبع يا أخ حسام فيكيفك تعبك في الموضوع.
وإنا أقصد التعليقات السخيفة التي تلقى بطريقة الفاضي يعمل قاضي، والكلام معليهوش جمرك، وعربيتي وبعدها الطوفان إلخ.
أنا أعتقد أن هذه السيارة جيدة ومناسبة للبيئة المصرية مع إقراري أننا شعب فقير .. ومستغل في الوقت نفسه من كل التجار سواء كانوا تجار هواتف محمولة أم تجار سيارات أم تجار أحذية أم تجار ملابس.. أكبر شعب مسروق في العالم.
انا مش عارف الناس اللي عمالة تسلخ في جلد السكالا دا علي اساس ايه - يعني هما ولا ركبوها ولا جربوها علي اي اساس بيحكموا عليها - المفاجئة اني معايا السكالا 2010 ال هاي لاين من حوالي 10 ايام و بجد العربية زي الفل و اعتقد ان محدش من الناس العابوا في العربية ساقها او جربها- حاجة اخيرة بس علي البيقول انا تقليدية جدا من جوا احب اقوله ان التارة مالتي فانكشن و فيها عدة سي دي محترمة مش سي دي من ارضء انواع ال كين وود بيبوز بعد 3 او 4 شهور علي الأكثر (ال في النيسان)- دا غير انو نازل في مشروع التاكسي الأبيض الجديد واسئلوا بتوع التاكسي او العندوهم السي دي دا ايه اخباره- اما بالنسبة لزراير التكييف محترمة و شيك جدا مش كوبس و مرزوعة في اخر حتة في التابلوه زي النيسان - و يا ريت يا جماعة اليتكلم في اي حاجة يتكلم عن تجربة. وشكرا
يا سيدي الف مبروك .
الشكل اذواق .. و مش محتاج تجربة ...
الي عاجبه العربية قال انها حلوة .. وفي ناش اشترتها ..
و في ناس شايفها قبيحة جدا مثلا .. انا منهم .. من حقي برده اقول راي .. مش محتاجة تجربة للعربية ولا اي حاجة ..
تقليدية مش تقلديية دي اذواق .. محدش عيب على العربية نفسها حاجة من غير تجربة طبعا .
أكن بتفرج على نيسان صني معدلة
هي كرفة على ياباني جامد بس مش بطالة في رأي الشخصي وإن كانت بعيدة تماماً عن شخصية رينو
بالعكس تماما !
انا صعبان عليا انها تنزل بعلامة رينو .. الي مفروض انها سيارة اوروبية متطورة و تصميماتها دائمة جذابة ..ز
نيسان تصممياتها كلاسيكية او على الاقل السيارات الي عندنا ..
لا تشدك .. ولا تخليك حتس تتسائل ايه نوع العربية .. حتى التيدا انا كانت احلاهم فهي بمقياس التصميم الاوروبي .. سيارة عادية جدا ...
و دي مشكلة ال re-badging او طرح سيارة بعلامة او ماركة اخرى ...
السيارة مفيهاش ريحة اي حاجة من رينو نهائي ... غير العلامة ..
و على فكرة .. لو شفت موضوع قديم كانت نازلة بعلامة نيسان خليجي .. و قولت عليها " نيسان صيني " مش صني .
مش معنى ان شركة محترمة نزلت عربية .. نبقى لازم نحبها و نبوس فيها و نقول عليا 100% !
وشفتها في المعرض .. هي و الداستر .. و مغيرتش راي ز.. بالعكس .. تاكد تماما ...
و رضى من عدمه .. علشان الشركات دي بتستهبل .. و اسعار وهمية على سيارات متساويش !
بس ايه رايك اني بعشق حاجة اسمها الكليو ؟ الهاشبتاك الي في توقيعك ... :)
يا أخ كريبتونكس السيارة نازلة علشان تشغل فئة سعرية وحجم صالون لا يغطيها أي من منتجات رينو التي في السوق. لهذا كان اختيار الوكيل الإتيان بها.
أنا بقى أقول هي غالية شوية.. آخرها في الهاي لاين 95 ألف.. ولكنها عربية جيدة بالمقارنة بعربيات قد تكون أفضل منها ولكن عندما تأتي كاملة كالإلانترا مثلاً من دون حذف. أما الأوبترا فتصميمها عديم الطعم واللون والرائحة ومواصفاتها بالناقص مش بالزائد.
فياريت تركزوا على السيارة كسيارة وتسيبوا موضوع الشكل لأذواق الناس وإمكانياتهم.. ولو فيه اعتراض يبقى على السعر مقابل القيمة فقط.