تعالو كل واحد يعرف قطع غيار بديلة للسوبارو يكتبها

**thenders** · 29-04-2010 10:20 PM

انا مثلا لما جيت أغير زيت للسوبارو بتعتى موديل 2009 كنت عايز اجيب الفلتر بتاعها فقلولى اما من التوكيل او محل فى روكسى عندة قطع الغيلر بتعتها بس للأسف طلع برضو تبع التوكيل المهم لقيت واحد فى الموقع ربنا يكرمة كان بيقول ان الفلتر بتعها نفس بتاع متسوبيشى لانسر وفعلا طلع نفس الفلتر وجبتة بـ 27 جنية الأصلى وركب وكلة تمام ودة الى شجعنى عشان اعمل الموضوع دة فقلت اكيد طلما طلع الفلتر بتاع حاجة تانية يبقى اكيد فى قطع غيار تانية نفس قطع الغيار فى عربيات تانية فلو كل واحد فينا عارف حاجة يقولها اكيد كلنا هنستفاد ونحارب بقى الأستغلال الى بيحصل فينا دة

**Ahmed Hassan** · 29-04-2010 11:39 PM

لقيت واحد فى الموقع ربنا يكرمة كان بيقول ان الفلتر بتعها نفس بتاع متسوبيشى لانسر وفعلا طلع نفس الفلتر وجبتة بـ 27 جنية الأصلى وركب وكلة تمام

انا اللي كنت قايل على موضوع الفلتر
بس هوه اصلا اصلي ب ٤٠ جنيه.. فمش فارقه. عموما اتأكد ان الفلتر اللي بتشتريه اصلي (سواء سوبارو او ميتسوبيشي).

من القطع اللي ممكن تجيبها من بره (لموديلات ما قبل ٢٠٠٨) البوجيهات. ممكن champion or NGK و الخلوص يكون ١مم.
بالنسبه ل ٢٠٠٨ فما فوق مظنش هتلاقي البوجيهات بتاعتها بره التوكيل لانها بوجيهات غريبه شويه بس عمرها طويل (١٠٠٠٠٠ كم او اكتر مش فاكر بالضبط).