127 للبيع

**bebo_abdeldayem** · 02-05-2010 12:26 AM

هو واضح ان الغلط مني لأني كنت فاكر ان المنتدي لبيع العربيات , ف اكتشفت ان انا عامل موضوع لبيع العربيه لقيت ردود مالهاش اي علاقه, و الناس مستمرة في الردود الي ملهاش اي علاقه , ياريت يا جماعه تلاحظوا ان عنوان الموضوع اني بيبع مش بطلب نصيحه, ده بما انها خلاص كده مستحيل تتباع في المنتدي بفضل الردود الكريمه بتاعتكوا

**AAAH** · 02-05-2010 01:45 AM

المشاركة الأصلية كتبت بواسطة bebo_abdeldayem

هو واضح ان الغلط مني لأني كنت فاكر ان المنتدي لبيع العربيات , ف اكتشفت ان انا عامل موضوع لبيع العربيه لقيت ردود مالهاش اي علاقه, و الناس مستمرة في الردود الي ملهاش اي علاقه , ياريت يا جماعه تلاحظوا ان عنوان الموضوع اني بيبع مش بطلب نصيحه, ده بما انها خلاص كده مستحيل تتباع في المنتدي بفضل الردود الكريمه بتاعتكوا

يا باشا احنا اسفين على الازعاج والنصيحه
وبراحتك ان شالله تطلب فيها مليون جنيه
عموما عايز تتصدم بجد انزل بها سوق العاشر (اللى فيه البيع والشراء والفلوس حاضره ) وشوف هاتجبلك كام

**AMA** · 02-05-2010 06:37 AM

برجاء الهدوء يا جماعة و بالأخص من صاحب الموضوع
الأخ momo قال كلام صح 100% مفيش شك و كل الناس دخلت تنصحك عشان تبقى فاهم الدنيا ماشيه أزاى إلى داخل يتفرج على الأسعار هيقول دا بيهزر و الى داخل يشترى هيبقى فعلا فاهم الأسعار كويس جدا لأنه مش هيجيب عربيه كل يوم

الراجل نصحك عشان لو أنت عايز تبيع تعرف تبيع لكن بالوضع خليها معاك لحد ماتلاقى واحد ياخدها بالسعر ده و لو عايز تعرف قيمه الـ127 فى عمليه البيع والشراء الحاضره فعلا أنزل سوق السيارات المستعمل و شوف أكتر واحد هيقولك كام هتلاقى ناس بتقولك 8 ألاف و 9 ألاف و 7 ألاف دا لو موصلتش لـ6 ألاف بدون مبالغة و أكبر سعر هتشوفة 10 ألاف و دا مش هيكون تاجر على فكرة هيكون مشترى عادى و دا طبعا لأن حالتها زى مابتقول كويسه جدا و طبعا كل عيب هيكتشفوه هيقلل من سعرها أكتر مما تتخيل

**ahmedelzeeny** · 02-05-2010 02:25 PM

المشاركة الأصلية كتبت بواسطة ama

الراجل نصحك عشان لو أنت عايز تبيع تعرف تبيع لكن بالوضع خليها معاك لحد ماتلاقى واحد ياخدها بالسعر ده و لو عايز تعرف قيمه الـ127 فى عمليه البيع والشراء الحاضره فعلا أنزل سوق السيارات المستعمل و شوف أكتر واحد هيقولك كام هتلاقى ناس بتقولك 8 ألاف و 9 ألاف و 7 ألاف دا لو موصلتش لـ6 ألاف بدون مبالغة و أكبر سعر هتشوفة 10 ألاف و دا مش هيكون تاجر على فكرة هيكون مشترى عادى و دا طبعا لأن حالتها زى مابتقول كويسه جدا و طبعا كل عيب هيكتشفوه هيقلل من سعرها أكتر مما تتخيل

+1111111111111111111111111111111
يا ريت لصاحب الموضوع يراجع اسعار السوق لان السعر ده دلوقتى يجيب ريجاتا والحاله الممتازة من الريجاتا ب 18

**ahmdmagdy** · 02-05-2010 09:02 PM

يا جدعان لو الاسعار منهاره كده ياريت حد يشوفلي بولونيز في حدود 10 آلاف

**powersha** · 03-05-2010 02:48 AM

مع احترامى لكل الى ردو على الموضوع
انا بختلف معاكم لان الاسعار الى كتبنها 8-9-10 لا السوق اعلى من كده وكل حاجه حسب الحاله
الراجل شايف عربيته حالتها كويسه جداا وتساوى 16 الف هو حر هى عربيته وهو اكتر واحد عارف حلتها وهو اكيد شاف اسعار السوق قبل ميعرض عربيته
وفى عربيات 127 تستاهل 16 الف وفعلان اتباعت فى الثمن ده بس بتكون سوبر فيورا
هو ممكن السعر الى حطه عالى شويه بس مش لدرجه كبيره

**AMA** · 03-05-2010 03:47 AM

المشاركة الأصلية كتبت بواسطة powersha

مع احترامى لكل الى ردو على الموضوع
انا بختلف معاكم لان الاسعار الى كتبنها 8-9-10 لا السوق اعلى من كده وكل حاجه حسب الحاله
الراجل شايف عربيته حالتها كويسه جداا وتساوى 16 الف هو حر هى عربيته وهو اكتر واحد عارف حلتها وهو اكيد شاف اسعار السوق قبل ميعرض عربيته
وفى عربيات 127 تستاهل 16 الف وفعلان اتباعت فى الثمن ده بس بتكون سوبر فيورا
هو ممكن السعر الى حطه عالى شويه بس مش لدرجه كبيره

مع أحترامى لكلام حضرتك , لو مكانتش الـ 127 معاك كنت قولت كدة ؟
مش تقليل فى معرفة حضرتك لكن كل واحد معاه حاجة شايفها تساوى أعلى بكتير من واقعها
أكيد الرد كان أختلف كتير

**waelms3** · 03-05-2010 01:30 PM

يا جدعان انا مختلف معاكم مع انى ممعيش فيورا بس العربية حالة و هو شايف انها تستاهل كده هو حينزل و حيشوف توبها كام و خلصنا و قلى شايف ان السعر عالى ما يشتريهاش و اكيد هو مش عارف سعرها فى السوق كام بس كل عربية وحالتها السوق فيه بيتلز 7 واختها ب16 و 128 ب 8 وتلاقى نفس الموديل برده ب 14 فميش مقياس لسوق المستعمل غير الحكم على حالة العربية وبعدين الفيورا ممكن تظبيطها يوصل ل 8 الاف جنية مش اتنين للعلم بس و في الاخر والاول احنا كلنا اخوه هنا وبنستفيد من بعض

**kasten** · 03-05-2010 02:52 PM

ربنا يحسنلك بيعها

**b_samy11** · 05-05-2010 10:34 AM

السلام عليكم ورحمة الله وبركاتة
انا لى وجهة نظر فى الموضوع ده ومبدا واسمحولى انى اقولة
الاخ صاحب الاعلان مش غلطان فى اى حاجة
الراجل حر وشايف ان عربيته تساوى المبلغ ده
عربيته وهو حر فيها ومن حكم فى ماله ما ظلم
الى عاوز يشترى اهلا وسهلا الى مش عاوز يشترى مالوش دعوة والموضوع مايخصوش
ومن حسن اسلام المراء تركة ما لا يعنيه
معلش يعنى اى حد كتب اى ملحوظة تخص السعر انت مالك شى مايخصكش فى حاجة هو انت شريكة هو انت اصلا شوفت العربية هو انت اصلا عاوز تشترى انت مالك يا خى
وبعدين معلش يعنى واحد تانى يقولك اصل انا بانصحة وخايف على مصلحته وعاوزه يبيعها بسرعة
[color=#000000][font=times new roman]................................*
وكمان الناس جايه على الراجل صاحب الاعلان وكله عمال يعترض على السعر
يا جماعة انتو مالكم
بجد موضوع الانترنت ده خلى اى حد يفتى ويتكلم
يعنى انا واثق اذا انا واقف فى السوق دلوقتى وعارض عربية 127 بسعر 16 الف جنيه مش هاتجيلى نص الردود دى والى ليه فى الموضوع دخل يتكلم والى مالوش دخل بردو يتكلم والراجل صاحب العربية هو الضحية والراجل اتخنق والاعلان بتاعة باظ
ياجماعة اتقو الله وكل واحد يخليه فى حالة
وياريت لو سمحتو ماحدش يدخل يرد على وماحدش يسخن وياخد الموضوع على صدرة وانا ماحدتش اسماء حد
كل واحد هو عارف هو عمل ايه وقال ايه
وتصبحو على خير انا مش بتابع الردود

الموضوع: 127 للبيع

LinkBack

أدوات الموضوع

عرض

-

-

-

-

-

المواضيع المتشابهه

للبيع موبيل ان 73 ميوزيك لم يفتح حاله نادره - مغلق للبيع

جنوط 15 اندونيسي سبور للبيع بلكاوتش +طقم تويتا يارس 15 للبيع

للبيع لانسر موديل 2008 1600 سى سى للبيع عامله 22 الف كيلو بس

للبيع كاوتش وجنوط وطاسات ومسامير عجل بيكانتو 2008 للبيع

الكلمات الدلالية لهذا الموضوع

المفضلات

المفضلات

ضوابط المشاركة