المشاركة الأصلية كتبت بواسطة momo100010
الاخ الفاضل صاحب الموضوع
بعد التحية
انا هبرر بس ردي عالموضوع
ف البداية انا مش ذنبي خالص انى اول واحد ارد عالموضوع
ولا ذنبك
دا قدر ونصيب
انا كنت هقول نفس الكلام لو كنت المشاركة رقم 2 او 3 او 100 حتى لان دى وجهة نظري
ثانيا ان اللى داخل يشوف الاعلان يا اما بياخد فكرة عن الاسعار عالنت
او بيدور علشان يشتري
او واحد شاف مفهوم خاطئ او حاجة غلط ( من وجهة نظره ) فبيقولها اللى هو زيي
انا وجهة نظري اللى لسه قائمة ان سعر العربية مبالغ فيه للغاية
ولو في كلمة اكتر من للغاية كنت قلتها لان سعر العربية بالفعل خرافي
16 الف جنيه كتير جدا
حتى لو قابل للتفاوض
لان اللى بيدور على 127 بيبقى عارف رينج سعرها
واكيد عربيتك مش زيرو يعني
حتى لو كانت مجددة بالكاااااااااامل
برده 16 كتير للغاية
حتة ان صديقك جاب عربية 127 بالمبلغ دا 15750 مش معناها انها قاعدة او انه ماتخمش
او ان سعرها كده كويس او معقول حتى
سعرها كده عالى جدا برده
انا بتكلم على 127 عادية ال 900 سي سي
اللى لما تبقى واقعة بتتلم ب 2000 جنيه
ثانيا موديل عربية حضرتك مش الموديل الحديث من الفئة
يعني موديل 83
يعني نصر ( على ما اظن )
4 غيار
ومفيهاش اوبشن خالص خالص خالص
دا رأيي وانا متمسك بيه
سعر حضرتك محتاج انك تراجعه مليون مرة لو فعلا عاوز تبيع
معلش ارجع تانى للنقطه اللى كنت بتكلم فيها واللى هى :
مين اللي بيدخل للاعلان
يا اما بياخد فكرة عن الاسعار عالنت :
ودا المفروض انه لو ماشفش اعلانات كتير يعرف ان سعر العربية عالى
ولو شاف يبقى اكيد هيعرف ان سعر العربية عالى
او بيدور علشان يشتري
واللي بيدور علشان يشتري بيبقى لافف كويس جدا
وشاف الاسعار وعرف ان ال 127 سعرها من كزا الى كزا
وانا متأكد ان مفيش حد هيكون عدى عليه سعر عربيتك قبل كده
يعني ف النهاية انا مابوظتش موضوع سعادتك ولا حاجة
وبعدين حته ان احنا ف سوق العاشر وتجار
دا مش صح خااااااااالص
التاجر بيبخس علشان يشتري
لكن انا بقول الحق ( من وجهة نظري )
ف دي مختلفة عن دي اختلاف رهيب
ماظنش بقى انى غلطت ف حاجة
نصيحة اخوية :-
مش كل الكلام اللى يتقال لك تصدقه
يعني الميكانيكي دا المفروض انه عارف ان السعر اللى قالهولك دا كتير
او ( علشان مانظنش ف حد ظن وحش )
النصيحة جايه اهه
والله لو الميكانيكي قال لك 14 فعلا ( انا قصدي انه جاد يعني والله مابكدبك ولا حاجة )
بيع ومتستناش لان انت كده هتبقى كسبان