الموضوع: ايه الحل ؟؟؟

المشاركة الأصلية كتبت بواسطة shiko85

جنب البيت عندى فى ارض و طبعا بعض الناس بترمى فيها الزباله و لما الزباله تكتر يولعوا فيها (الفاعل مجهول طبعا) و النار بتكون رهيبه و عربيه المطافى تيجى و هكذا كل اسبوعين تقريبا
و المشكله فالغاز و العربيات اللى فالشارع ممكن لا قدر الله تحصل كارثه
انا كنت سمعت انى ممكن اعمل شكوى و ابلغ عن الأرض دى و المحافظه تيجى تشوف حل فيها و يشوفوا صاحب الأرض دى سايبها ليه دا حتى رفض انها تتعمل جراج
السؤال الشكوى دى اعملها فين ؟ و يا ترى هى مفيده فعلا و لا ملهاش لازمه ؟؟
طيب تنصحونى اعمل ايه لانى بجد تعبت و خلاص زهقت
انا فى انتظار الردود و النصيحه و جزاكم الله خير و اسف على الأطاله

نفس الحوار ده بيحصل عندي فجأه تلاقي نارمولعه منين وازاي متعرفش حد بيكون معدي وتقريبا بنصعب عليه بيقوم مولع وماشي ما تعرفش
ومره كان هيحصل كارثه بس ربنا ستر
كان يوم جمعه والناس كلها راكنين العربيات قدام الارض
هو الارض دي واطيه عن الطريق يعني حته نزله لتحت واحنا بنركن العربيات فوق وبتكون العربيات باصه عليها المهم واحد غبي ولع في الارض واليوم دده الهواء كان جامد قوي فالنار كبرت ومسكت في شجره والشجر ولعت وهوب النار طلعت على العربيات ستر ربنا كنت انا بره وججاي بركن وشايف دخان المهم ركنت بعيد ونازل ابص والاقي النار بينها وبين العربيات مفيس كام سنتي
طبعا رنيت على كل الجيران في العمار كله ينزل يلحق عربيته وكان واحد جاري مسافر وسايب عربيته وده كان اقرب واحد للنار ووفضلنا نرمي تراب ونروش مايه مش نافع لحد ما ااتصلنا بالمطافي وجت طفيتها ورنبا ستر وعملوا محضر وسألوا عن صاحب الارض عشان على حسب كلامه يتعملوا مخالفه عشان سايب الارض كده مفتوحه من غير سور عليها ! ولا جديد ولا حد عمل سور ولا اي حاجه

المشاركة الأصلية كتبت بواسطة M.Osman

اظرف حاجة ان اللي بيولع مش بياخد باله اذا كان في عربية راكنة مثلاً و لا لأ...
انا مرة كنت عند واحد صاحبي راكن العربية تحت العمارة .. نازل لقيت المدخل كله دخان ببص لقيت الأرض الفاضية اللي جنب العمارة كلها حريقة .. و العربيات واقفة عادي جداً

جهل... هتعمل اية؟
هتعلم الناس من اول و جديد ؟؟

دا الناس اللي راكبين عربيات فيهم ناس لسة مش عارفين ان النور لازم يتفتح بالليل

والله يا محمد بك المشكله دي كنت فاكرها الاول مع بتوع الميكروباصات والتاكسيات فقط
لكن اكتشفت انها تفحلت وبقه الملاكي كمان
لا والارخم انه يفضل يرعشلك ويزغللك عينيك عشان يخليك تطفي نورك انت كمان جتى لو منور الواطي مش العالي
وبيبقى مفكر انه لما يطفي نوره ويفضل كل شويه يرعش عالي انه كده بيريحك انت عشان مش مشغل النور مع ان الترعيش دده بيتعب اكتر
انا عن نفسي لما بلاقي نفسي ماشي في مكان الاضاءه فيه كويسه بطفي النور لو حد جاي في وشي طالما مش محتاجه لكن غير كده بنوره ولما بكون محتاج النور والاقي جمار جاي طافي وره وعمال يرعشلي عشان اطفي النور انا كمان بروح رازعوا النور العالي وساسيبه على كده
الاغبى بقه على الطريق السريع تلاقي ناس طافيه نورها وكمان النور الصغير عنده محروق بحيث انه مايبقاش باين اصلا في المرايه واول ما يقرب منك يروح رازعك النور العالي بيفجأك يعني
بجد حاجه تقرفففففففففففففف