النجدة ارجوكم ! لخبراء الاتصالات و المصرية و tedata و خطوط التلفون و tedata !

**CryptonX** · 30-04-2010 12:56 AM

السلام عليكم !

معلش العنوان " رهيب " شوية بس انا خلاص .. بخبط راسي في الحيط !

المشكلة و مافيها ..

اني تزوجت و الحمد الله من فترة و انتقلت الي سكن في " عمارات شباب المهندسين " في طريق النصر الي امام و جنب سيتي ستاز دي .

ركبت خط تيلفون .. و اول يوم ماركب .. بدات متاعب حياتي ..

انا شغلي 80% منه بيعتمد على الانترنت و في منزلي كنت مشترك في خدمة ADSL 4 MPBS من TEdata .

الاسف الشديد .. الخط الي ركب جديد كان من نوع CDMA او هوائي .. و ده مستحيل يركب عليه خدمة ال ADSL .

انا تبع سنترال الماظة .. رحت الف مرة لمدير السنترال الاستاذ " نبيل " و عملت دشليون طلب .. و خليت TEDATA يحاولوا هما كمان من طرفهم ..

و تم التاكيد في شهر فبراير الماضي بعد 3 شهور من المحايلات الى انهم بيحولوا الخط بالفعل و المسالة مسالة ايام ..

عملت شكوى في جهاز تنظيم الاتصالات كمان .
.

اخيرا لقيت TEDATA بيكلموني .. و بيقولولي ان الخدمة مينعفش تركب لان الخط نوعه " برجين " مش عارف يعني ايه !

قلت ماشي !! رحت السنترال , و قدمت 100 طلب .. و قابلت عامل بتاع الاعطال و حاولت اقنعه بشتى الطرق القانونية و غير القانونية انه يساعدني .. و قالي ان الموضوع في ايد السنترال مش في ايده !

و انا كل ده شغال ب USB بتاع اتصلات و فودافون .. و معذبني عذاب شديد في السرعة و التحميل !

اخيرا !

و بدون اي سابق انذار او معلومة !!

الاقي خط التلفون اتغييييييييييييييير تماما ! و رقمه اتغييييييييير تماما !

فرحت و زغرطت ! قلت بس ! عملوها ! و حولولي خطي !

لافاجئ انهم غيروا نمر المشروع كله ( اسكان شباب المهندسين ) و كل النمر بقت بتدا ب 23
!

قلت برده مش مهم اهم حلوا الموضوع !

رحت ل TEDATA قالولي انه مفيش اي بيانات خــــــــــــألص عن الخط الجديد !
كل الي مكتوب انه من سنترال الماظة و موصل بكبينة N1 مش عارف ايه !

استعطبت ! و كلمت عامل الاعطال قلتله التلفون بيقطع ( و هو فعلا الصوت مش نفي زي الاول ) جالي .. قالي ان الخطوط كلها اتغير في تحويلة من المصرية الاتصالات لاحدث نوع خطوط او سنترال صغير جديد !

اسمه ONU ! وده احدث حاجة في العالم ومش عارف ايه !

السؤال ؟؟؟ هل ال ONU ده بيدعم ال ADSL ???

الموضوع بقاله اسبوع ! والى الان مفيش معلومات لTEDATA على الخط بتاعي ,, وطلبه مني بيان تغيير رقم اجيبه من السنترال علشان يحاولوا ..

و ان شاء الله بوم الاحد حعمل كدة .. بس عايز حد يطمني يقولي اني ممكن اشغل ال ADSL اخيرا !

انا قريبت موضوع مشابه من 2009 عن الخطوط دي في المقطم ..

و مهندس بتاع المصرية اكدلي 1000% انه الخط بيدعم ال ADSL , خدمة العملاء في TEDATA اول مرة بيسمعوا عن الاسم و بيقولي منعرفش !

اتوسل اليكم !

اي حد يعرف اي معلومة سواء كان بيشتغل في المصرية للاتصلات او TEDATA او اي حد يعرف الموضو عيقولي ..

انا على استعداد اعمل اي حاجة ! اييييييي حاجة !

انا بدرس كورسات و حاجات ONLINE و معطل تماما تماما و بستخدم برامج مثل LOGMEIN لتشغيل و استخدام اجهزة كومبيوتر بعيدة خارج مصر .. و محتاجه ضروري ضروروي جدا !

معلش طولت .. بس الي عنده اي معلومة بالله عليكم مايبخلش عني .. شاكر لكم مقدما .

...................

....................

.................

شاكر لكم مرة اخرى .

تم حذف الرقم بناءًا على طلبك

مشرف القسم

10 ب

03:05:2010

2:57 م

**aif** · 30-04-2010 01:02 AM

الله يكون في عونك يا كريم
كان نفسي اساعد ... لكن لا املك الا الدعاء ان ربنا ييسرلك امرك ان شاء الله
الاسماء اللي انت كتبتها دي كلها طلاسم بالنسبة ليا ماعدا ONU باشبه عليه .....
مش ده اسم عربية فيات صغننة كدة

**CryptonX** · 30-04-2010 01:04 AM

المشاركة الأصلية كتبت بواسطة aif

الله يكون في عونك يا كريم
كان نفسي اساعد ... لكن لا املك الا الدعاء ان ربنا ييسرلك امرك ان شاء الله
الاسماء اللي انت كتبتها دي كلها طلاسم بالنسبة ليا ماعدا onu باشبه عليه .....:u_thin1[1]:
مش ده اسم عربية فيات صغننة كدة

الله يكرمك يا استاذ احمد و شكرا لدعائك .

السيارة اسمها uno :) الخط ده اسمه onu
:)

**أحمد كمال** · 30-04-2010 02:47 AM

برجين = Pair Gain ...... نظام قديم في حالة ندرة الخطوط الأرضية بيمشي كذا خط كل خط على تردد مختلف على نفس ال pair باستخدام multiplexer من ناحية السنترال و demultiplexer من ناحية العمارة ...... يعني من الاخر بيجمع شوية خطوط في سلكتين و يفكهم تاني ..... و ده ما ينفعش معاه ADSL

ONU = Optical Network Unit

و ده من الاخر يعني بيوصل كابل fiber optic من السنترال لبوكس جنب مجموعة مباني و هناك يفكه بكذا خط نحاسي ......

يعني FTTP أو FTTC أو FTTH

Fiber to the Premises, Curb or Home

طبعا في الدول المتقدمة بيبقى FTTH يعني انت ليك كابل فايبر بتاعك لوحدك و البديل بتاع ال ONU بيبقى عندك في البيت تفكهولك لخط تليفون و انترنت و كيبل تي في و كل حاجة تتمناها

و برضه ما ينفعش معاه ADSL

معلش كان الود ودي اساعدك :(